ਬਾਲੀਵੁੱਡ ਐਕਟਰ ਗਾਇਤਰੀ ਜੋਸ਼ੀ, ਜਿਨ੍ਹਾਂ ਨੇ ਫਿਲਮ ਨਿਰਮਾਤਾ ਆਸ਼ੂਤੋਸ਼ ਗੋਵਾਰਿਕਰ ਦੀ ਡ੍ਰਾਮਾ ਫਿਲਮ ਸਵਦੇਸ ‘ਚ ਸੁਪਰਸਟਾਰ ਸ਼ਾਹਰੁਖ ਖਾਨ ਦੇ ਨਾਲ ਬਾਲੀਵੁਡ ‘ਚ ਆਪਣੀ ਸ਼ੁਰੂਆਤ ਕੀਤੀ, ਹਾਲ ਹੀ ‘ਚ ਇਟਲੀ ‘ਚ ਇਕ ਕਾਰ ਦੁਰਘਟਨਾ ਦਾ ਸ਼ਿਕਾਰ ਹੋ ਗਈ।ਜਿਸ ਸਮੇਂ ਇਹ ਹਾਦਸਾ ਹੋਇਆ, ਉਸ ਸਮੇਂ ਅਭਿਨੇਤਰੀ ਆਪਣੇ ਪਤੀ ਦੇ ਨਾਲ ਸੀ।
ਕਾਰ ਦੁਰਘਟਨਾ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿੱਥੇ ਦੁਰਘਟਨਾ ‘ਚ ਉਨ੍ਹਾਂ ਦੇ ਹਾਈ-ਐਂਡ ਵਾਹਨ ‘ਚ ਅੱਗ ਲੱਗਣ ਦੇ ਬਾਅਦ ਫੇਰਾਰੀ ‘ਚ ਸਫਰ ਕਰ ਰਹੇ ਇਕ ਸਵਿਸ ਜੋੜੇ ਦੀ ਮੌਤ ਹੋ ਗਈ।
ਗਾਇਤਰੀ ਜੋਸ਼ੀ ਤੇ ਉਨ੍ਹਾਂ ਦੇ ਪਤੀ ਵਿਕਾਸ ਓਬਰਾਏ, ਜੋ ਇਸ ਸਮੇਂ ਇਟਲੀ ‘ਚ ਹੈ, ਹਾਲ ਹੀ ‘ਚ ਸਾਰਡਨੀਆ ‘ਚ ਇਕ ਦੁਰਘਟਨਾ ਦਾ ਸ਼ਿਕਾਰ ਹੋ ਗਏ।ਉਨ੍ਹਾਂ ਦੀ ਕਾਰ ਕਈ ਕਾਰਾਂ ਦੀ ਟੱਕਰ ‘ਚ ਸ਼ਾਮਿਲ ਸੀ ਤੇ ਇਕ ਕੈਂਪਰ ਕਾਰ ਸਮੇਤ ਹੋਰ ਵਾਹਨਾਂ ਨਾਲ ਟਕਰਾ ਗਈ।ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੇ ਇਕ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਦੋ ਹਾਈ-ਐਂਡ ਕਾਰਾਂ, ਇਕ ਲੈਂਬਰਗਿੰਨੀ ਤੇ ਇਕ ਫੇਰਾਰੀ, ਇਕਠੇ ਇਕ ਕੈਂਪੇਰਵਨ ਤੋਂ ਅੱਗੇ ਨਿਕਲਣ ਦੀ ਕੋਸ਼ਿਸ਼ ਕਰ ਰਹੀਆਂ ਸਨ ਜਿਸ ਕਰਕੇ ਟੱਕਰ ਹੋ ਗਈ।
ਫੇਰਾਰੀ ‘ਚ ਅੱਗ ਲਗ ਗਈ ਕਥਿਤ ਤੌਰ ‘ਤੇ ਸਵਿਟਜ਼ਰਲੈਂਡ ਦੇ ਦੋ ਬਜ਼ੁਰਗ ਯਾਤਰੀਆਂ ਦੀ ਮੌਤ ਹੋ ਗਈ।ਕਾਰ ਦੁਰਘਟਨਾ ਦੀ ਖਬਰ ਦੀ ਪੁਸ਼ਟੀ ਕਰਦੇ ਹੋਏ, ਐਕਟਰਸ ਨੇ ਕਿਹਾ ਕਿ ਕਾਰ ਦੁਰਘਟਨਾਗ੍ਰਸਤ ਹੋ ਗਈ, ਪਰ ਉਹ ਤੇ ਉਨ੍ਹਾਂ ਦੇ ਪਤੀ ਕਿਸਮਤ ਨਾਲ, ‘ਬਿਲਕੁਲ ਠੀਕ ਹਨ’।
