ICICI ਬੈਂਕ ਹੁਣ ਦਿਨ ਬ ਦਿੰਨ ਆਮ ਲੋਕ ਦੀ ਪਹੁੰਚ ਤੋਂ ਬਾਹਰ ਹੁੰਦਾ ਜਾ ਰਿਹਾ ਹੈ ਦੱਸ ਦੇਈਏ ਕਿ ਬੈਂਕ ਨੇ ਵੱਡੇ ਬਦਲਾਅ ਕੀਤੇ ਹਨ ਜਾਣਕਾਰੀ ਅਨੁਸਾਰ ਹੁਣ ICICI ਬੈਂਕ ਦੇ ਖਾਤਾ ਧਾਰਕਾਂ ਨੂੰ ਹੁਣ ਆਪਣੇ ਖਾਤੇ ਵਿੱਚ ਘੱਟੋ-ਘੱਟ 50,000 ਰੁਪਏ ਦਾ ਬਕਾਇਆ ਰੱਖਣਾ ਪਵੇਗਾ।
ਜੇਕਰ ਬਕਾਇਆ ਇਸ ਤੋਂ ਘੱਟ ਹੈ ਤਾਂ ਗਾਹਕਾਂ ਨੂੰ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਜਾਣਕਾਰੀ ਅਨੁਸਾਰ ਇਹ ਨਵਾਂ ਨਿਯਮ 1 ਅਗਸਤ, 2025 ਤੋਂ ਬਾਅਦ ਖੋਲ੍ਹੇ ਗਏ ਨਵੇਂ ਖਾਤਿਆਂ ‘ਤੇ ਲਾਗੂ ਹੋਵੇਗਾ।
ਖਾਤੇ ਵਿੱਚ ਘੱਟੋ-ਘੱਟ ਬਕਾਇਆ ਰੱਖਣ ਦੀ ਸੀਮਾ ਸ਼ਹਿਰਾਂ, ਪਿੰਡਾਂ ਅਤੇ ਮਹਾਨਗਰਾਂ ਵਿੱਚ ਵੱਖਰੀ ਹੈ, ਬੈਂਕ ਨੇ ਇਸਨੂੰ ਸਾਰਿਆਂ ਵਿੱਚ ਵਧਾ ਦਿੱਤਾ ਹੈ। ਹੁਣ ਇਹ ਸੀਮਾ ਮੈਟਰੋ ਅਤੇ ਸ਼ਹਿਰੀ ਖੇਤਰਾਂ ਵਿੱਚ ਘੱਟੋ-ਘੱਟ 50,000 ਰੁਪਏ, ਅਰਧ-ਸ਼ਹਿਰੀ ਖੇਤਰਾਂ ਵਿੱਚ 25,000 ਰੁਪਏ ਅਤੇ ਪਿੰਡਾਂ ਵਿੱਚ ਖੋਲ੍ਹੇ ਗਏ ਖਾਤਿਆਂ ਲਈ 10,000 ਰੁਪਏ ਹੈ।
2015 ਤੋਂ ਬਾਅਦ ਪਹਿਲੀ ਵਾਰ, ਬੈਂਕ ਨੇ ਘੱਟੋ-ਘੱਟ ਬਕਾਇਆ ਸੀਮਾ ਵਧਾਈ ਹੈ।
ਪਹਿਲਾਂ, ਮੈਟਰੋ ਅਤੇ ਸ਼ਹਿਰੀ ਖੇਤਰਾਂ ਵਿੱਚ ਘੱਟੋ-ਘੱਟ 10,000 ਰੁਪਏ, ਅਰਧ-ਸ਼ਹਿਰੀ ਖੇਤਰਾਂ ਵਿੱਚ 5,000 ਰੁਪਏ ਅਤੇ ਪੇਂਡੂ ਸ਼ਾਖਾਵਾਂ ਵਿੱਚ 2,500 ਰੁਪਏ ਦਾ ਔਸਤ ਘੱਟੋ-ਘੱਟ ਬਕਾਇਆ ਰੱਖਣਾ ਜ਼ਰੂਰੀ ਸੀ।
ਘੱਟੋ-ਘੱਟ ਖਾਤਾ ਬਕਾਇਆ ਸੀਮਾ ਵਿੱਚ ਇਸ ਵਾਧੇ ਦੇ ਨਾਲ, ICICI ਕੋਲ ਹੁਣ ਘਰੇਲੂ ਬੈਂਕਾਂ ਵਿੱਚ ਸਭ ਤੋਂ ਵੱਧ ਘੱਟੋ-ਘੱਟ ਖਾਤਾ ਬਕਾਇਆ (MAB) ਸੀਮਾ ਹੈ। ਬੈਂਕ ਨੇ 10 ਸਾਲਾਂ ਬਾਅਦ ਘੱਟੋ-ਘੱਟ ਬਕਾਇਆ ਸੀਮਾ ਨੂੰ ਬਦਲ ਦਿੱਤਾ ਹੈ।
