ਮਾਂ-ਬਾਪ ਆਪਣੀਆਂ ਧੀਆਂ ਨੂੰ ਆਪਣੇ ਘਰ ਬੜੇ ਪਿਆਰ ਤੇ ਲਾਡ ਨਾਲ ਰੱਖਦੇ ਹਨ।ਪਰ ਜਦੋਂ ਧੀ ਪਰਾਈ ਹੋ ਦੂਜੇ ਘਰ ਜਾਂਦੀ ਹੈ ਕਿਸੇ ਨੂੰ ਪਤਾ ਨਹੀਂ ਹੁੰਦਾ ਕਿ ਉਹ ਅੱਗੋਂ ਕਿਹੋ ਜੇ ਨਿਕਲਣ।ਅਜਿਹਾ ਹੀ ਮਾਮਲਾ ਝਾਰਖੰਡ ਦੇ ਰਾਂਚੀ ‘ਚੋਂ ਸਾਹਮਣੇ ਆਇਆ ਹੈ ਜਿੱਥੇ ਇਕ ਪਿਓ ਵਲੋਂ ਆਪਣੀ ਧੀ ਨੂੰ ਬੈਂਡ ਵਾਜਿਆਂ ਨਾਲ ਪੇਕੇ ਘਰ ਵਾਪਸ ਲਿਆਂਦਾ ਗਿਆ।
ਦੱਸ ਦੇਈਏ ਕਿ ਕੁੜੀ ਵਾਲਿਆਂ ਦਾ ਕਹਿਣਾ ਹੈ ਕਿ ਸਹੁਰਾ ਪਰਿਵਾਰ ਕੁੜੀ ‘ਤੇ ਬਹੁਤ ਤਸ਼ੱਦਦ ਕਰਦਾ ਸੀ।ਦੱਸਣਯੋਗ ਹੈ ਕਿ ਪਿਓ ਦਾ ਕਹਿਣਾ ਹੈ ਕਿ ਲੋਕ ਆਪਣੀਆਂ ਧੀਆਂ ਦਾ ਵਿਆਹ ਬਹੁਤ ਚਾਅ ਤੇ ਧੂਮ ਧਾਮ ਨਾਲ ਕਰਦੇ ਹਨ ਪਰ ਜੇਕਰ ਪਤੀ ਤੇ ਪਰਿਵਾਰ ਵਾਲੇ ਗਲਤ ਨਿਕਲਣ ਤਾਂ ਤੁਹਾਨੂੰ ਆਪਣੀ ਧੀ ਨੂੰ ਇੱਜ਼ਤ ਨਾਲ ਆਪਣੇ ਘਰ ਵਾਪਸ ਲਿਆਉਣਾ ਚਾਹੀਦਾ।ਕਿਉਂਕਿ ਧੀਆਂ ਬਹੁਤ ਅਨਮੋਲ ਹੁੰਦੀਆਂ ਹਨ।
