Apple iPhone 15 Price Leaked: ਐਪਲ ਹਰ ਸਾਲ ਆਪਣੇ ਆਈਫੋਨ ਦਾ ਨਵਾਂ ਮਾਡਲ ਬਾਜ਼ਾਰ ਵਿੱਚ ਪੇਸ਼ ਕਰਦਾ ਹੈ। ਪਿਛਲੇ ਸਾਲ ਕੰਪਨੀ ਨੇ ਆਈਫੋਨ 14 ਸੀਰੀਜ਼ ਲਾਂਚ ਕੀਤੀ ਸੀ, ਜਿਸ ਤੋਂ ਬਾਅਦ ਆਈਫੋਨ 15 ਸੀਰੀਜ਼ ਨਾਲ ਜੁੜੀਆਂ ਜਾਣਕਾਰੀਆਂ ਲੀਕ ਹੋਣੀਆਂ ਸ਼ੁਰੂ ਹੋ ਗਈਆਂ। ਆਈਫੋਨ 15 ਦੀ ਕੀਮਤ ਕਥਿਤ ਤੌਰ ‘ਤੇ ਆਨਲਾਈਨ ਲੀਕ ਹੋਈ ਹੈ।
ਫੋਰਬਸ ਦੀ ਇੱਕ ਰਿਪੋਰਟ ਮੁਤਾਬਕ, ਆਈਫੋਨ 15 ਤੇ ਆਈਫੋਨ 15 ਪ੍ਰੋ ਮਾਡਲਾਂ ਵਿੱਚ ਕੀਮਤ ਵਿੱਚ ਕਾਫ਼ੀ ਅੰਤਰ ਹੋ ਸਕਦਾ ਹੈ। ਖ਼ਾਸਕਰ ਜਦੋਂ ਅਮਰੀਕੀ ਤਕਨੀਕੀ ਦਿੱਗਜ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਆਈਫੋਨ 14 ਪ੍ਰੋ ਮਾਡਲ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਵਾਧਾ ਕੀਤਾ ਸੀ। ਆਈਫੋਨ 14 ਪ੍ਰੋ ਮੈਕਸ ਦੀ ਭਾਰਤ ਵਿੱਚ ਕੀਮਤ 1,39,900 ਰੁਪਏ ਸੀ, ਜਦੋਂ ਕਿ ਇਹੀ ਸਮਾਰਟਫੋਨ ਸੰਯੁਕਤ ਰਾਜ ਵਿੱਚ 1099 ਡਾਲਰ ਸੀ।
ਹਾਲਾਂਕਿ, ਹੁਣ iForbes ਦੀ ਤਾਜ਼ਾ ਰਿਪੋਰਟ ਇਹ ਕਹਿ ਰਹੀ ਹੈ ਕਿ ਐਪਲ ਇਸ ਸਾਲ ਆਈਫੋਨ 15 ਪ੍ਰੋ ਸੀਰੀਜ਼ ਦੀ ਕੀਮਤ ਵਧਾਏਗਾ ਤੇ ਫਿਰ ਆਈਫੋਨ 15 ਪਲੱਸ ਦੇ ਨਾਲ ਅੰਤਰ ਹੋਰ ਵੀ ਜ਼ਿਆਦਾ ਹੋ ਜਾਵੇਗਾ। ਜੇਕਰ ਇੱਕ ਰਿਪੋਰਟ ਦੀ ਮੰਨੀਏ ਤਾਂ ਆਈਫੋਨ 15 ਦੇ ਪ੍ਰੋ ਵੇਰੀਐਂਟ ਦੀ ਕੀਮਤ ਉਨ੍ਹਾਂ ਦੇ ਵਨੀਲਾ ਹਮਰੁਤਬਾ ਨਾਲੋਂ $300 ਵੱਧ ਹੋ ਸਕਦੀ ਹੈ। ਇਸ ਤੋਂ ਪਹਿਲਾਂ ਲੀਕ ‘ਚ ਦਾਅਵਾ ਕੀਤਾ ਗਿਆ ਸੀ ਕਿ ਆਈਫੋਨ 15 ਦੀਆਂ ਕੀਮਤਾਂ ‘ਚ ਕਮੀ ਆਵੇਗੀ।
iPhone 15 Series Price (Expectations)
ਆਈਫੋਨ 15 ਦੀ ਕੀਮਤ $799, ਆਈਫੋਨ 15 ਪਲੱਸ $899 ਤੋਂ, ਆਈਫੋਨ 15 ਪ੍ਰੋ ਦੀ ਕੀਮਤ $1099 ਅਤੇ ਆਈਫੋਨ 15 ਅਲਟਰਾ $1199 ਤੋਂ ਸ਼ੁਰੂ ਹੋਵੇਗੀ।
ਫੋਰਬਸ ਨੇ ਆਪਣੀ ਰਿਪੋਰਟ ਵਿੱਚ ਅੱਗੇ ਦੱਸਿਆ ਕਿ “ਨਵਾਂ ਲੀਕ ਕੀਮਤਾਂ ਪ੍ਰਦਾਨ ਨਹੀਂ ਕਰਦਾ ਹੈ, ਪਰ ਪਿਛਲੇ ਹਫ਼ਤੇ ਆਈਫੋਨ 15 ਪ੍ਰੋ ਤੇ ਆਈਫੋਨ 15 ਅਲਟਰਾ ਲਈ $ 100 ਦੀ ਕੀਮਤ ਵਿੱਚ ਵਾਧੇ ਦਾ ਸੰਕੇਤ ਦਿੱਤਾ ਗਿਆ ਸੀ।
ਜਾਣਕਾਰੀ ਲਈ ਦੱਸ ਦੇਈਏ ਕਿ ਐਪਲ ਹਰ ਸਾਲ ਆਈਫੋਨ ਦੀ ਅਗਲੀ ਪੀੜ੍ਹੀ ਲਿਆਉਂਦਾ ਹੈ ਤੇ ਇਸ ਦੇ ਆਉਣ ਤੋਂ ਕੁਝ ਹਫ਼ਤੇ ਪਹਿਲਾਂ ਲੀਕ ਹੋਏ ਵੇਰਵੇ ਆਉਣੇ ਸ਼ੁਰੂ ਹੋ ਜਾਂਦੇ ਹਨ। ਆਈਫੋਨ 15 ਸੀਰੀਜ਼ ਨੂੰ ਇਸ ਸਾਲ ਲਾਂਚ ਕੀਤਾ ਜਾ ਸਕਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
