ਹਰਿਦੁਆਰ ਜ਼ਿਲੇ ਦੇ ਮੰਗਲੌਰ ਕੋਤਵਾਲੀ ਇਲਾਕੇ ‘ਚ ਇਕ ਅਜੀਬ ਅਤੇ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਕ ਮਾਂ ਆਪਣੀ ਧੀ ਦੇ ਵਿਆਹ ਤੋਂ 10 ਦਿਨ ਪਹਿਲਾਂ ਆਪਣੇ ਪ੍ਰੇਮੀ ਨਾਲ ਫਰਾਰ ਹੋ ਗਈ। ਇੰਨਾ ਹੀ ਨਹੀਂ ਪ੍ਰੇਮੀ ਨਾਲ ਫਰਾਰ ਹੋਣ ਤੋਂ ਪਹਿਲਾਂ ਔਰਤ ਨੇ ਆਪਣੀ ਬੇਟੀ ਦੇ ਵਿਆਹ ਲਈ ਤਿਆਰ ਕੀਤੇ ਗਹਿਣੇ ਵੀ ਨਾਲ ਲੈ ਗਈ। ਮਾਮਲੇ ਦਾ ਪਤਾ ਉਦੋਂ ਲੱਗਾ ਜਦੋਂ ਰਿਸ਼ਤੇਦਾਰ ਥਾਣੇ ਪੁੱਜੇ।
ਦਰਅਸਲ ਮੰਗਲੌਰ ਕੋਤਵਾਲੀ ਇਲਾਕੇ ਦੀ ਰਹਿਣ ਵਾਲੀ ਰਮਾ (ਬਦਲਿਆ ਹੋਇਆ ਨਾਂ) (38) ਆਪਣੀ ਧੀ ਦੇ ਵਿਆਹ ਦੀਆਂ ਤਿਆਰੀਆਂ ਦੌਰਾਨ ਆਪਣੇ ਪ੍ਰੇਮੀ ਰਾਹੁਲ (ਬਦਲਿਆ ਹੋਇਆ ਨਾਂ) ਨਾਲ ਫਰਾਰ ਹੋ ਗਈ। ਇਸ ਦੇ ਨਾਲ ਹੀ ਉਹ ਵਿਆਹ ਲਈ ਘਰ ਵਿੱਚ ਰੱਖੇ ਲੱਖਾਂ ਰੁਪਏ ਦੇ ਗਹਿਣੇ ਵੀ ਲੈ ਗਈ। ਜਾਣਕਾਰੀ ਮੁਤਾਬਕ ਇਹ ਔਰਤ ਅਤੇ ਨੌਜਵਾਨ ਇੱਕ ਕੰਪਨੀ ਵਿੱਚ ਇਕੱਠੇ ਕੰਮ ਕਰਦੇ ਸਨ।
3 ਬੱਚਿਆਂ ਦੀ ਮਾਂ, ਪਤੀ ਦਾ ਹੋ ਚੁਕਿਆ ਹੈ ਦੇਹਾਂਤ
ਪਤਾ ਲੱਗਾ ਹੈ ਕਿ ਔਰਤ ਦੇ ਪਤੀ ਦੀ ਇਕ ਸਾਲ ਪਹਿਲਾਂ ਮੌਤ ਹੋ ਗਈ ਸੀ। ਔਰਤ ਦੇ 3 ਬੱਚੇ (ਇਕ ਪੁੱਤਰ ਅਤੇ 3 ਧੀਆਂ) ਹਨ। ਦੱਸਿਆ ਗਿਆ ਹੈ ਕਿ ਵੱਡੀ ਬੇਟੀ ਦਾ ਵਿਆਹ 14 ਦਸੰਬਰ ਨੂੰ ਹੋਣਾ ਹੈ, ਜਿਸ ਕਾਰਨ ਘਰ ‘ਚ ਵਿਆਹ ਦੀਆਂ ਤਿਆਰੀਆਂ ਜ਼ੋਰਾਂ ‘ਤੇ ਚੱਲ ਰਹੀਆਂ ਸਨ। ਮਹਿਮਾਨਾਂ ਦੀ ਆਮਦ ਵੀ ਸ਼ੁਰੂ ਹੋ ਚੁੱਕੀ ਸੀ। ਬਹੁਤੇ ਰਿਸ਼ਤੇਦਾਰਾਂ ਨੂੰ ਵੀ ਵਿਆਹ ਦੇ ਸੱਦੇ ਭੇਜੇ ਗਏ ਹਨ। ਸ਼ਨੀਵਾਰ ਰਾਤ ਪਰਿਵਾਰ ਨੂੰ ਛੱਡ ਕੇ ਮਹਿਲਾ ਅਚਾਨਕ ਸ਼ੱਕੀ ਹਾਲਾਤਾਂ ‘ਚ ਲਾਪਤਾ ਹੋ ਗਈ।
ਲੱਖਾਂ ਰੁਪਏ ਅਤੇ ਗਹਿਣੇ ਗਾਇਬ
ਸ਼ੱਕ ਦੇ ਆਧਾਰ ‘ਤੇ ਉਕਤ ਨੌਜਵਾਨ (ਔਰਤ ਦਾ ਪ੍ਰੇਮੀ) ਬਾਰੇ ਜਾਣਕਾਰੀ ਹਾਸਲ ਕੀਤੀ ਗਈ ਤਾਂ ਉਹ ਵੀ ਘਰੋਂ ਫਰਾਰ ਪਾਇਆ ਗਿਆ। ਘਰ ਦੀ ਤਲਾਸ਼ੀ ਲੈਣ ‘ਤੇ ਲੱਖਾਂ ਰੁਪਏ ਅਤੇ ਗਹਿਣੇ ਵੀ ਗਾਇਬ ਪਾਏ ਗਏ। ਮਾਮਲਾ ਐਤਵਾਰ ਨੂੰ ਪੁਲਿਸ ਕੋਲ ਪਹੁੰਚਿਆ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
14 ਦਸੰਬਰ ਨੂੰ ਹੈ ਵਿਆਹ
ਇਸ ਪੂਰੇ ਮਾਮਲੇ ‘ਚ ਮੰਗਲੌਰ ਕੋਤਵਾਲੀ ਦੇ ਐੱਸਐੱਚਓ ਰਾਜੀਵ ਰੌਥਨ ਨੇ ਦੱਸਿਆ, ਨੌਜਵਾਨ ਅਤੇ ਔਰਤ ਸ਼ਨੀਵਾਰ ਰਾਤ ਨੂੰ ਫਰਾਰ ਹੋ ਗਏ ਸਨ। ਮਹਿਲਾ ਦੀ ਬੇਟੀ ਦਾ ਵਿਆਹ 14 ਦਸੰਬਰ ਨੂੰ ਹੈ। ਉਹ ਆਪਣੀ ਧੀ ਦੇ ਵਿਆਹ ਲਈ ਬਣਾਏ ਗਹਿਣੇ ਵੀ ਲੈ ਕੇ ਭੱਜ ਗਈ।
ਫੈਕਟਰੀ ਵਿੱਚ ਕੰਮ ਕਰਦਾ ਸੀ
ਔਰਤ ਅਤੇ ਨੌਜਵਾਨ ਦੋਵੇਂ ਇਕੱਠੇ ਫੈਕਟਰੀ ਵਿੱਚ ਕੰਮ ਕਰਦੇ ਸਨ ਅਤੇ ਦੋਵਾਂ ਦਾ ਇੱਕ ਦੂਜੇ ਦੇ ਘਰ ਆਉਣਾ-ਜਾਣਾ ਸੀ। ਪੁਲਿਸ ਨੂੰ ਸ਼ੱਕ ਹੈ ਕਿ ਦੋਵਾਂ ਨੇ ਘਰੋਂ ਭੱਜ ਕੇ ਵਿਆਹ ਕਰ ਲਿਆ ਹੈ। ਕੋਤਵਾਲ ਰਾਜੀਵ ਰੌਥਨ ਦਾ ਕਹਿਣਾ ਹੈ ਕਿ ਦੋਵਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ ਜਲਦੀ ਹੀ ਦੋਵਾਂ ਨੂੰ ਫੜ ਲਿਆ ਜਾਵੇਗਾ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
