Kangana Ranaut Celebrating 36th birthday: ਕੰਗਨਾ ਰਣੌਤ ਆਪਣਾ 36ਵਾਂ ਜਨਮਦਿਨ ਮਨਾ ਰਹੀ ਹੈ। ਇਸ ਦੇ ਨਾਲ ਹੀ ਉਹ ਆਪਣਾ ਇਹ ਜਨਮ ਦਿਨ ਇੱਕ ਸਕਾਰਾਤਮਕ ਨੋਟ ‘ਤੇ ਮਨਾਉਣਾ ਚਾਹੁੰਦੀ ਹੈ।
ਦੱਸ ਦਈਏ ਕਿ ਵੀਰਵਾਰ 23 ਮਾਰਚ ਨੂੰ ਉਸ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਦੌਰਾਨ ਉਸ ਨੇ ਆਪਣੇ ਫੋਲੋਅਰਜ਼, ਫੈਨਸ ਤੇ ਇੱਥੋਂ ਤੱਕ ਕਿ ਨਫ਼ਰਤ ਕਰਨ ਵਾਲਿਆਂ ਲਈ ਇੱਕ ਸੰਦੇਸ਼ ਸਾਂਝਾ ਕੀਤਾ। ਉਸਨੇ, ਪਹਿਲੀ ਵਾਰ ਉਨ੍ਹਾਂ ਲੋਕਾਂ ਤੋਂ ਵੀ ਮੁਆਫੀ ਮੰਗੀ ਹੈ ਜਿਨ੍ਹਾਂ ਨੂੰ ਉਸਨੇ ਆਪਣੇ ਬਿਆਨਾਂ ਨਾਲ ਠੇਸ ਪਹੁੰਚਾਈ ਹੈ।
ਦੱਸ ਦਈਏ ਕਿ ਕੰਗਨਾ ਆਪਣੇ ਜਨਮਦਿਨ ਮੌਕੇ ਉਦੈਪੁਰ ਵਿੱਚ ਹੈ। ਵੀਡੀਓ ਵਿੱਚ ਐਕਟਰਸ ਵੱਡੇ ਗੋਲਡਨ ਹਾਰ ਤੇ ਝੁਮਕੇ ਅਤੇ ਲਾਲ ਬਿੰਦੀ ਦੇ ਨਾਲ ਹਰੇ ਤੇ ਗੁਲਾਬੀ ਰੇਸ਼ਮੀ ਸਾੜੀ ਵਿੱਚ ਨਜ਼ਰ ਆ ਰਹੀ ਹੈ। ਉਸਨੇ ਆਪਣੇ ਮੈਸੇਜ ਦੀ ਸ਼ੁਰੂਆਤ ਆਪਣੀ ਮਾਂ ਤੇ ਪਿਤਾ ਦੇ ਸਮਰਥਨ ਲਈ ਤੇ ਉਸਦੇ ਗੁਰੂਆਂ (ਸਦਗੁਰੂ ਅਤੇ ਸਵਾਮੀ ਵਿਵੇਕਾਨੰਦ) ਦੀਆਂ ਸਿੱਖਿਆਵਾਂ ਲਈ ਧੰਨਵਾਦ ਕਰਕੇ ਕੀਤੀ। ਫਿਰ ਉਸਨੇ ਆਪਣੇ ਦੁਸ਼ਮਣ ਨੂੰ ਵੀ ਸੰਬੋਧਨ ਕੀਤਾ।
ਇਸ ਦੌਰਾਨ ਉਹ ਕਹਿੰਦੀ ਹੈ “ਮੇਰੇ ਦੁਸ਼ਮਨ, ਜਿਨ੍ਹਾਂ ਅੱਜ ਤੱਕ ਮੈਨੂੰ ਕਦੇ ਆਰਾਮ ਨਹੀਂ ਕਰਨ ਦਿੱਤਾ। ਚਾਹੇ ਜਿੰਨੀ ਮਰਜ਼ੀ ਕਾਮਯਾਬੀ ਮਿਲੀ, ਫਿਰ ਵੀ ਮੈਨੂੰ ਕਾਮਯਾਬੀ ਦੇ ਰਾਹ ‘ਤੇ ਚੱਲਦੇ ਰਖਿਆ। ਮੈਨੂੰ ਲੜਨਾ, ਸੰਘਰਸ਼ ਕਰਨਾ ਸਿਖਾਇਆ।”
ਵੇਖੋ ਕੰਗਨਾ ਰਣੌਤ ਦੀ ਸੋਸ਼ਲ ਮੀਡੀਆ ਪੋਸਟ:
View this post on Instagram
ਇਸ ਦੇ ਨਾਲ ਹੀ ਵੀਡੀਓ ‘ਚ ਅੱਗੇ ਕਹਿੰਦੀ ਹੈ, ““ਦੋਸਤੋਂ ਮੇਰੀ ਵੀਚਾਰਧਾਰਾ ਬਹੁਤ ਸਰਲ ਹੈ, ਮੇਰਾ ਅਚਰਣ, ਸੋਚ ਵੀ ਬਹੁਤ ਸਰਲ ਹੈ ਤੇ ਮਾਂ ਹਮੇਸ਼ਾ ਹੀ ਸਭ ਦਾ ਭਲਾ ਚਾਹੁੰਦੀ ਹਾਂ। ਇਸ ਲਈ ਜੇਕਰ ਮੈਂ ਕਦੇ ਕਿਸੇ ਦੇ ਲਈ ਦੇਸ਼ਹਿੱਚ ‘ਚ ਜਾਂ ਲਾਰਜ ਪਿਕਚਰ ਲਈ ਮੈਂ ਕਿਸੇ ਲਈ ਕੁਝ ਕਿਹਾ ਗੋ ਅਤੇ ਉਨ੍ਹਾਂ ਨੂੰ ਇਸ ਦਾ ਦੁਖ ਹੋਇਆ ਹੋਵੇ, ਠੇਸ ਪਹੁੰਚੀ ਹੋਵੇ ਮੈਂ ਉਨ੍ਹਾਂ ਲਈ ਵੀ ਮੁਆਫ਼ੀ ਚਾਹੁੰਦੀ ਹਾਂ।
ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਹੀ ਕੰਗਨਾ ਨੇ ਟਵਿਟਰ ‘ਤੇ ਸਿੰਗਰ-ਐਕਟਰ ਦਿਲਜੀਤ ਦੋਸਾਂਝ ‘ਤੇ ਨਿਸ਼ਾਨਾ ਸਾਧਿਆ ਸੀ। ਉਸਨੇ ਇਸ਼ਾਰਾ ਕੀਤਾ ਕਿ ਪੁਲਿਸ ਜਲਦੀ ਹੀ ਉਸਨੂੰ ਖਾਲਿਸਤਾਨੀਆਂ ਦੇ ਸਮਰਥਨ ਲਈ ਗ੍ਰਿਫਤਾਰ ਕਰੇਗੀ। ਉਹ ਇਸ ਤੋਂ ਪਹਿਲਾਂ ਆਲੀਆ ਭੱਟ, ਸਵਰਾ ਭਾਸਕਰ, ਆਮਿਰ ਖ਼ਾਨ ਤੇ ਤਾਪਸੀ ਪੰਨੂ ਨਾਲ ਵੀ ਝਗੜਾ ਕਰ ਚੁੱਕੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
