Karan Aujla on Billboard: ਕਰਨ ਔਜਲਾ ਯਾਨੀ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੀ ਗੀਤਾਂ ਦੀ ਮਸ਼ੀਨ ਨੇ ਪਿਛਲੇ ਮਹੀਨੇ ਬੈਕ-ਟੂ-ਬੈਕ ਕਈ ਗਾਣੇ ਰਿਲੀਜ਼ ਕੀਤੇ। ਇਸ ਦੇ ਨਾਲ ਹੀ ਉਸ ਦੇ ਗਾਣਿਆਂ ਨੂੰ ਫੈਨਸ ਨੇ ਵੀ ਖੂਬ ਪਸੰਦ ਕੀਤਾ। ਹੁਣ ਉਸ ਦੇ ਗੀਤ ਬਿਲਬੋਰਡਾਂ ‘ਤੇ ਚਮਕ ਰਹੇ ਹਨ। ਦੱਸ ਦਈਏ ਕਿ ਪਹਿਲਾਂ ਆਨ ਟੌਪ ਗਾਣੇ ਨੇ ਕੈਨੇਡੀਅਨ ਚਾਰਟ ਵਿੱਚ ਥਾਂ ਬਣਾਈ ਸੀ ਤੇ ਹੁਣ ਸਿੰਗਰ ਦੇ ‘ਪਲੇਅਰਜ਼’ ਨੇ ਬਿਲਬੋਰਡ ‘ਚ ਆਪਣੀ ਥਾਂ ਪੱਕੀ ਕਰ ਲਈ ਹੈ।
ਕਰਨ ਔਜਲਾ ਨੇ ‘Players’ ਗਾਣਾ ਬਾਦਸ਼ਾਹ ਦੇ ਨਾਲ ਕੋਲੇਬ੍ਰੈਸ਼ਨ ਨਾਲ ਗਾਇਆ ਸੀ।ਕਰਨ ਤੇ ਬਾਦਸ਼ਾਹ ਦੇ Players ਨੂੰ ਕੈਨੇਡੀਅਨ ਚਾਰਟ 91ਵੀਂ ਪੁਜ਼ੀਸ਼ਨਾਂ ਵਿੱਚ ਰੈਂਕਿੰਗ ਦਿੱਤੀ ਗਈ ਹੈ। ਜੀ ਹਾਂ, ਕਰਨ ਔਜਲਾ ਦੇ ਗੀਤ ਨੇ ਕਦੇ ਵੀ ਵੱਡੇ ਚਾਰਟ ‘ਤੇ ਹਾਈਲਾਈਟ ਕਰਨ ਦਾ ਕੋਈ ਮੌਕਾ ਨਹੀਂ ਗੁਆਇਆ। ਪੰਜਾਬ ਤੋਂ ਲੈ ਕੇ ਕੌਮੀ ਤੇ ਹੁਣ ਦੁਨੀਆ ਭਰ ਵਿੱਚ ਦੋਵੇਂ ਸਿੰਗਰਸ ਪੂਰੀ ਤਰ੍ਹਾਂ ਨਾਲ ਛਾ ਗਏ ਹਨ।
‘ਗੀਤਾਂ ਦੀ ਮਸ਼ੀਨ’ ਅਤੇ ‘ਬੈਡ ਬੁਆਏ ਬਾਦਸ਼ਾਹ’ ਬਿਲਬੋਰਡ ਕੈਨੇਡੀਅਨ ਹਾਟ 100 ਚਾਰਟ ‘ਤੇ ਚਮਕੇ ਹਨ, ਜਿਨ੍ਹਾਂ ਦੀ ਸੂਚੀ ਵਿੱਚ ਸ਼ਾਇਦ ਹੀ ਕੋਈ ਭਾਰਤੀ ਗੀਤ ਹੋਵੇ। ਔਜਲਾ ਅਤੇ ਬਾਦਸ਼ਾਹ ਦੇ ਸਾਰੇ ਫੈਨਸ ਲਈ ਇਹ ਖ਼ਬਰ ਸਾਲ ਦੀ ਸ਼ੁਰੂਆਤ ‘ਚ ਹੀ ਧਮਾਕੇਦਾਰ ਰਹਿਣ ਵਾਲੀ ਹੈ।
‘ਪਲੇਅਰਜ਼’ ਗਾਣੇ ਬਾਰੇ ਗੱਲ ਕਰੀਏ ਤਾਂ ਇਹ ਪਹਿਲੀ ਵਾਰ ਹੈ ਜਦੋਂ ਬਾਦਸ਼ਾਹ ਅਤੇ ਕਰਨ ਔਜਲਾ ਨੇ ਇਕੱਠੇ ਕੰਮ ਕੀਤਾ ਹੈ। ਇਹ ਗੀਤ ਬਾਦਸ਼ਾਹ ਦੀ ਐਲਬਮ “3:00 AM ਸੈਸ਼ਨਜ਼” ਦਾ ਹੈ। ਗੀਤ ਵਿੱਚ ਕਰਨ ਅਤੇ ਬਾਦਸ਼ਾਹ ਤੋਂ ਇਲਾਵਾ ਦੇਵਿਕਾ ਬਡਿਆਲ ਦੀ ਆਵਾਜ਼ ਹੈ। ਐਲਵਾ ਸਾਲੇਹ ਗਾਣੇ ਦੀ ਫੀਮੇਲ ਲੀਡ ਹੈ। ਵੀਡੀਓ ਦਾ ਡਾਈਰੈਕਸ਼ਨ ਰੂਪਨ ਬਲ ਨੇ ਕੀਤਾ ਤੇ Tex ਅਤੇ ਰਜਤ ਬੱਤਾ ਨੇ ਕੋਰੀਓਗ੍ਰਾਫ ਕੀਤਾ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
