ਕੁਝ ਦਿਨ ਪਹਿਲਾਂ ਹੱਥ ‘ਚ ਖਿਡੌਣਾ ਬੰਦੂਕ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਵੀਡੀਓ ਵਾਇਰਲ ਕਰਕੇ ਗਨ ਕਲਚਰ ਨੂੰ ਵਧਾਵਾ ਦੇਣ ਵਾਲਾ ਜਲੰਧਰ ਦਾ ਮਸ਼ਹੁਰ ਕੁੱਲੜ ਪੀਜ਼ਾ ਕਪਲ ਹੁਣ ਗੁਆਂਢੀਆਂ ਨਾਲ ਲੜਾਈ ਨੂੰ ਲੈ ਕੇ ਚਰਚਾ ‘ਚ ਹੈ।ਦੋਵਾਂ ਦਾ ਆਪਣੇ ਗੁਆਂਢੀ ਦੁਕਾਨਦਾਰ ਨਾਲ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋਇਆ।ਇਸ ਝਗੜੇ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।ਇਸ ਵਾਇਰਲ ਵੀਡੀਓ ‘ਚ ਦੋਵਾਂ ਮੀਆਂ-ਬੀਵੀ ਤੇ ਉਨ੍ਹਾਂ ਦੇ ਗੁਆਂਢੀ ਇੱਕ ਦੂਜੇ ਨੂੰ ਅਸ਼ਲੀਲ਼ ਗਾਲਾਂ ਕੱਢ ਰਹੇ ਹਨ।
ਹੱਥੋਪਾਈ ਵੀ ਹੋਈ : ਜਲੰਧਰ ਸ਼ਹਿਰ ਦੇ ਵਾਲਮੀਕਿ ਚੌਕ ‘ਤੇ ਕੁੱਲੜ ਪੀਜ਼ਾ ਤੇ ਉਨ੍ਹਾਂ ਦੇ ਗੁਆਂਢੀਆਂ ਦੇ ਵਿਚਾਲੇ ਸਿਰਫ਼ ਗਾਲਾਂ ਹੀ ਨਹੀਂ ਸਗੋਂ ਹੱਥੋਪਾਈ ਵੀ ਹੋਈ।ਕੁੱਲੜ ਪੀਜ਼ਾ ਦੇ ਮਾਲਕ ਸਹਿਜ ਅਰੋੜਾ ਆਪਣੇ ਗੁਆਂਢੀਆਂ ਨੂੰ ਦੋਵਾਂ ਦੀ ਬਾਊਂਡਰੀ ਦੇ ਵਿਚਾਲੇ ਲਗਾਈਆਂ ਗਈਆਂ ਰੱਸੀਆਂ ‘ਚੋਂ ਖਿੱਚਣ ਦੀ ਕੋਸ਼ਿਸ਼ ਕਰਦਾ ਹੈ, ਪਰ ਕੁਝ ਲੋਕ ਛੁਡਵਾ ਦਿੰਦੇ ਹਨ।
ਨਿਰਮਾਣ ਨੂੰ ਲੈ ਕੇ ਭਗਵਾਨ ਵਾਲਮੀਕੀ ਚੌਕ ਵਿਖੇ ਦੋ ਗੁੱਟਾਂ ਵਿਚਕਾਰ ਲੜਾਈ ਹੋ ਗਈ। ਸ਼ਾਇਦ ਗਾਹਕਾਂ ਲਈ ਫਰੈਸ਼ ਬਾਈਟ ਜਾਂ ਕੁਲਹੜ ਪੀਜ਼ਾ ਰੇਹੜੀ ਦੇ ਕੋਲ ਜੋ ਖੜ੍ਹੇ ਮੇਜ਼ ਰੱਖੇ ਹੋਏ ਸਨ, ਉਹ ਉਸਾਰੀ ਦੇ ਕੰਮ ਕਾਰਨ ਗੁਆਂਢੀਆਂ ਨੇ ਹਟਾ ਦਿੱਤੇ ਸਨ। ਇਸ ਗੱਲ ਨੂੰ ਲੈ ਕੇ ਦੋਵਾਂ ਵਿਚਾਲੇ ਬਹਿਸ ਹੋ ਗਈ। ਕਿਸੇ ਨੇ ਇਸ ਸਾਰੀ ਘਟਨਾ ਨੂੰ ਮੋਬਾਈਲ ‘ਚ ਕੈਦ ਕਰ ਲਿਆ ਅਤੇ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਕਰ ਦਿੱਤੀ।
