ਪਿਆਰੀ ਬੇਟੀ ਨਾਇਰਾ ਦੇ ਸਦੀਵੀ ਵਿਛੋੜੇ ‘ਤੇ Pro Punjab TV ਦੁੱਖ ਪ੍ਰਗਟ ਕਰਦਾ ਹੈ ਤੇ ਪਰਮਾਤਮਾ ਅੱਗੇ ਅਰਦਾਸ ਹੈ ਕਿ ਬੱਚੀ ਦੀ ਪਵਿੱਤਰ ਰੂਹ ਨੂੰ ਆਪਣੇ ਚਰਨਾਂ ‘ਚ ਨਿਵਾਸ ਦੇਣ ਤੇ ਪਰਿਵਾਰ ਨੂੰ ਭਾਣਾ ਮੰਨਣ ਦਾ ਬਲ ਬਖਸ਼ਣ । ਅੱਜ ਨਾਇਰਾ ਦੀ ਅੰਤਿਮ ਅਰਦਾਸ ਦੀਵਾਨ ਟੋਡਰ ਮੱਲ ਹਾਲ ਸ਼੍ਰੀ ਫ਼ਤਿਹਗੜ੍ਹ ਸਾਹਿਬ ਵਿਖੇ ਹੋਵੇਗੀ । ਦੁੱਖ ਦੀ ਇਸ ਘੜੀ ‘ਚ ਅਸੀਂ ਨਵਨੀਤ ਸਿੰਘ ਬੈਂਸ ਤੇ ਰਵਜੋਤ ਕੌਰ ਗਰੇਵਾਲ ਦੇ ਨਾਲ ਹਾਂ।
ਦੱਸਣਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਆਈਪੀਐਸ ਜੋੜੇ ਜਿਨ੍ਹਾਂ ਵਿੱਚ ਐਸਐਸਪੀ ਜਗਰਾਓਂ ਨਵਨੀਤ ਸਿੰਘ ਬੈਂਸ ਤੇ ਐਸਐਸਪੀ ਫ਼ਤਹਿਗੜ੍ਹ ਸਾਹਿਬ ਰਵਜੋਤ ਕੌਰ ਗਰੇਵਾਲ ਦੀ 4 ਸਾਲਾਂ ਦੀ ਧੀ ਨਾਇਰਾ ਦਾ ਦੇਹਾਂਤ ਹੋ ਗਿਆ ਸੀ । ਜਾਣਕਾਰੀ ਅਨੁਸਾਰ ਛੋਟੀ ਬੱਚੀ ਦੀ ਪਿਛਲੇ ਥੋੜ੍ਹੇ ਸਮੇਂ ਤੋ ਤਬੀਅਤ ਖਰਾਬ ਰਹਿੰਦੀ ਸੀ, ਜਿਸ ਕਰਕੇ ਇਹ ਭਾਣਾ ਵਾਪਰ ਗਿਆ ਸੀ ਤੇ ਆਈਪੀਐਸ ਜੋੜੇ ਨੂੰ ਇਹ ਵੱਡਾ ਸਦਮਾ ਲੱਗਿਆ।
ਜਾਣਕਾਰੀ ਮੁਤਾਬਕ ਬੱਚੀ ਨੇ ਕੁਝ ਖਾਧਾ ਜੋ ਕਿ ਉਸ ਦੇ ਗਲ਼ੇ ਵਿਚ ਫਸ ਗਿਆ। ਇਸ ਤੋਂ ਬਾਅਦ ਉਸ ਨੂੰ ਸਾਹ ਨਹੀਂ ਆ ਰਿਹਾ ਸੀ ਜਿਸ ਕਰਕੇ ਬੱਚੀ ਨੂੰ ਪ੍ਰਾਈਵੇਟ ਹਸਪਤਾਲ ਲਿਜਾਇਆ ਗਿਆ ਸੀ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਸੀ । ਇਹ ਜੋੜਾ ਮੋਹਾਲੀ ਰਹਿੰਦਾ ਹੈ।
