Heavy Driver Video: ਇੰਟਰਨੈੱਟ ਦੀ ਦੁਨੀਆ ਕਾਫੀ ਵੱਖਰੀ ਤੇ ਅਜੀਬ ਹੈ। ਕਈ ਵਾਰ ਇੱਥੇ ਕੋਈ ਚੀਜ਼ ਦੇਖਣ ਨੂੰ ਮਿਲਦੀ ਹੈ, ਜੋ ਆਮ ਤੌਰ ‘ਤੇ ਅਸੀਂ ਨਹੀਂ ਦੇਖ ਸਕਦੇ। ਅਜਿਹਾ ਹੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਇਸ ਸਮੇਂ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਇੰਨੀ ਤੰਗ ਜਗ੍ਹਾ ਤੋਂ ਭਾਰੀ ਲੋਡਰ ਟਰੱਕ ਕੱਢਦਾ ਦਿਖਾਈ ਦੇ ਰਿਹਾ ਹੈ, ਜਿਸ ਦੀ ਅਸੀਂ ਕਲਪਨਾ ਵੀ ਨਹੀਂ ਕਰ ਸਕਦੇ। ਆਮ ਤੌਰ ‘ਤੇ ਵੱਡੇ ਤੇ ਭਾਰੀ ਵਾਹਨਾਂ ਲਈ ਵੱਖਰੀਆਂ ਸੜਕਾਂ ਤੇ ਲੇਨ ਬਣਾਈਆਂ ਜਾਂਦੀਆਂ ਹਨ, ਪਰ ਇਹ ਡਰਾਈਵਰ ਜਿਥੋਂ ਟਰੱਕ ਲੈ ਕੇ ਜਾ ਰਿਹਾ ਹੈ, ਇਸ ਨੂੰ ਬਾਈਕ ਤੇ ਕਾਰਾਂ ਲਈ ਵੀ ਸੁਰੱਖਿਅਤ ਨਹੀਂ ਕਿਹਾ ਜਾ ਸਕਦਾ।
ਵਾਇਰਲ ਹੋ ਰਹੀ ਵੀਡੀਓ ‘ਚ ਇੱਕ ਟਰੱਕ ਡਰਾਈਵਰ ਬਹੁਤ ਹੀ ਖਤਰਨਾਕ ਪੁਲ ਤੋਂ ਪੂਰਾ ਟਰੱਕ ਲੈ ਕੇ ਜਾ ਰਿਹਾ ਹੈ। ਡਰਾਈਵਰ ਨੂੰ ਅਜਿਹਾ ਕਰਦੇ ਦੇਖ ਲੋਕ ਹੈਰਾਨ ਰਹਿ ਗਏ। ਪੁਲ ਵੀ ਕੰਕਰੀਟ ਦਾ ਨਹੀਂ, ਸਗੋਂ ਪੁਰਾਣਾ ਤੇ ਝੂਲਦਾ ਹੈ, ਫਿਰ ਵੀ ਡਰਾਈਵਰ ਆਪਣੀ ਜਾਨ ਦੀ ਪ੍ਰਵਾਹ ਕੀਤੇ ਬਿਨਾਂ ਭਾਰੀ ਵਾਹਨ ਨੂੰ ਇਸ ਪੁੱਲ ਤੋਂ ਪਾਰ ਕਰ ਰਿਹਾ ਹੈ।
Master Driver pic.twitter.com/wkEBLc4wDd
— Figen (@TheFigen_) December 26, 2022
ਕੁਝ ਡਰਾਈਵਰਾਂ ਦੀ ਡਰਾਈਵਿੰਗ ਇੰਨੀ ਅਜੀਬ ਹੁੰਦੀ ਹੈ ਕਿ ਉਹ ਭਾਵੇਂ ਕਿੰਨੀ ਵੀ ਤੰਗ ਜਗ੍ਹਾ ਹੋਣ, ਉਹ ਵੱਡੇ ਤੋਂ ਵੱਡੇ ਵਾਹਨਾਂ ਨੂੰ ਬਾਹਰ ਕੱਢ ਦਿੰਦੇ ਹਨ। ਵਾਇਰਲ ਹੋ ਰਹੀ ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਇਕ ਟਰੱਕ ਡਰਾਈਵਰ ਵੀ ਅਜਿਹਾ ਹੀ ਕੁਝ ਕਰ ਰਿਹਾ ਹੈ। ਇੱਥੇ ਟਰੱਕ ਡਰਾਈਵਰ ਤੰਗ ਤੇ ਖਤਰਨਾਕ ਪੁਲ ਤੋਂ ਦਰਿਆ ਪਾਰ ਕਰ ਰਿਹਾ ਹੈ। ਸ਼ੁਰੂ ‘ਚ ਤਾਂ ਲੱਗਦਾ ਹੈ ਕਿ ਸ਼ਾਇਦ ਅਗਲੇ ਹੀ ਪਲ ਕੋਈ ਘਟਨਾ ਵਾਪਰ ਸਕਦੀ ਹੈ, ਪਰ ਅਗਲੇ ਹੀ ਪਲ ਦੇਖਿਆ ਜਾਂਦਾ ਹੈ ਕਿ ਟਰੱਕ ਡਰਾਈਵਰ ਖਤਰਨਾਕ ਪੁਲ ਨੂੰ ਆਸਾਨੀ ਨਾਲ ਪਾਰ ਕਰ ਲੈਂਦਾ ਹੈ।
ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @TheFigen_ ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਨੂੰ ਹੁਣ ਤੱਕ 87 ਹਜ਼ਾਰ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦੋਂ ਕਿ ਇਸ ਵੀਡੀਓ ਨੂੰ 3 ਹਜ਼ਾਰ ਤੋਂ ਵੱਧ ਲਾਈਕ ਮਿਲੇ। ਵੀਡੀਓ ਨੂੰ ਦੇਖ ਕੇ ਯੂਜ਼ਰਸ ਕਈ ਤਰ੍ਹਾਂ ਦੀਆਂ ਅਜੀਬੋ-ਗਰੀਬ ਕਮੈਂਟ ਕਰ ਰਹੇ ਹਨ। ਹਾਲਾਂਕਿ ਸਾਰਿਆਂ ਦਾ ਇਹੀ ਕਹਿਣਾ ਹੈ ਕਿ ਇਹ ਕੰਮ ਬਹੁਤ ਜੋਖਮ ਭਰਿਆ ਸੀ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
