Magh Mela 2023 : ਹਰ ਸਾਲ ਪੋਹ ਪੂਰਨਿਮਾ ਤੋਂ ਬਾਅਦ ਮਾਘ ਮਹੀਨਾ ਆਰੰਭ ਹੋ ਜਾਂਦਾ ਹੈ। ਹਿੰਦੂ ਧਰਮ ‘ਚ ਇਸ ਮਹੀਨੇ ਦਾ ਵਿਸ਼ੇਸ਼ ਮਹੱਤਵ ਹੈ। ਇਸ ਮਹੀਨੇ ਸੂਰਜ ਦੇਵਤਾ ਤੇ ਭਗਵਾਨ ਵਿਸ਼ਨੂੰ ਦੀ ਪੂਜਾ ਕਰਨ ਦਾ ਨਿਯਮ ਹੈ। ਇਸ ਦੇ ਨਾਲ ਹੀ ਇਸ਼ਨਾਨ ਕਰਨ ਨਾਲ ਸ਼ੁਭ ਫਲ ਪ੍ਰਾਪਤ ਹੁੰਦੇ ਹਨ। ਦੂਜੇ ਪਾਸੇ, ਪ੍ਰਯਾਗਰਾਜ ਵਿੱਚ ਮਾਘ ਇਸ਼ਨਾਨ ਪੋਹ ਪੂਰਨਿਮਾ ਤੋਂ ਸ਼ੁਰੂ ਹੁੰਦਾ ਹੈ ਅਤੇ ਮਹਾਂਸ਼ਿਵਰਾਤਰੀ ਨਾਲ ਸਮਾਪਤ ਹੁੰਦਾ ਹੈ। ਇਨ੍ਹਾਂ ਦਿਨਾਂ ਵਿੱਚ ਸ਼ਰਧਾਲੂ ਸੰਗਮ ‘ਚ ਆਸਥਾ ਦੀ ਡੁਬਕੀ ਲਗਾਉਂਦੇ ਹਨ। ਜਾਣੋ ਮਾਘ ਇਸ਼ਨਾਨ ਦਾ ਮਹੱਤਤਾ ਤੇ ਇਸ਼ਨਾਨ ਦੀਆਂ ਪ੍ਰਮੁੱਖ ਤਰੀਕਾਂ ਬਾਰੇ।
ਤੁਹਾਨੂੰ ਦੱਸ ਦੇਈਏ ਕਿ ਮਾਘ ਇਸ਼ਨਾਨ 6 ਜਨਵਰੀ ਨੂੰ ਪੋਹ ਪੂਰਨਿਮਾ ਨਾਲ ਸ਼ੁਰੂ ਹੋਵੇਗਾ ਜੋ ਕਿ 18 ਫਰਵਰੀ ਨੂੰ ਮਹਾਸ਼ਿਵਰਾਤਰੀ ਨਾਲ ਸਮਾਪਤ ਹੋਵੇਗਾ। ਇਸ ਲਈ ਮਾਘ ਮਹੀਨੇ ਦਾ ਪਹਿਲਾ ਇਸ਼ਨਾਨ ਤਿਉਹਾਰ ਪੋਹ ਪੂਰਨਿਮਾ, 6 ਜਨਵਰੀ, 2023 ਨੂੰ ਹੋਵੇਗਾ। ਮਾਘ ਮੇਲਾ ਇਸ ਦਿਨ ਤੋਂ ਰਸਮੀ ਤੌਰ ‘ਤੇ ਸ਼ੁਰੂ ਹੋਵੇਗਾ ਜਿਸ ਦੀ ਸਮਾਪਤੀ ਮਹਾਸ਼ਿਵਰਾਤਰੀ ਦੇ ਦਿਨ ਭਾਵ 18 ਫਰਵਰੀ ਨੂੰ ਹੋਵੇਗੀ।
ਪੋਹ ਪੂਰਨਿਮਾ 2023 ਕਦੋਂ ਤੋਂ ਕਦੋਂ ਤਕ
ਮਾਘ ਮੇਲਾ ਪੋਹ ਪੂਰਨਿਮਾ ਨਾਲ ਸ਼ੁਰੂ ਹੋਵੇਗਾ। ਪੰਚਾਂਗ ਅਨੁਸਾਰ 6 ਜਨਵਰੀ, 2023 ਨੂੰ 02:16 ਵਜੇ ਤੋਂ ਪੂਰਨਮਾਸ਼ੀ ਦੀ ਸ਼ੁਰੂਆਤ ਹੋਵੇਗੀ ਜੋ 07 ਜਨਵਰੀ, 2023 ਨੂੰ ਸਵੇਰੇ 04:37 ਵਜੇ ਸਮਾਪਤ ਹੋਵੇਗੀ। ਉਦੈ ਤਿਥੀ ਅਨੁਸਾਰ, ਪੋਹ ਪੂਰਨਿਮਾ ਇਸ ਵਾਰ 06 ਜਨਵਰੀ 2023 ਨੂੰ ਮਨਾਈ ਜਾਵੇਗੀ।
ਮਾਘ ਇਸ਼ਨਾਨ ‘ਚ ਆਉਣ ਵਾਲੇ ਮੁੱਖ ਇਸ਼ਨਾਨ
ਪੋਹ ਪੂਰਨਿਮਾ – 6 ਜਨਵਰੀ 2023
ਮਕਰ ਸੰਕ੍ਰਾਂਤੀ-14 ਜਾਂ 15 ਜਨਵਰੀ 2023
ਮੌਨੀ ਮੱਸਿਆ – 21 ਜਨਵਰੀ 2023
ਮਾਘੀ ਪੂਰਨਿਮਾ – 5 ਫਰਵਰੀ 2023
ਮਹਾਸ਼ਿਵਰਾਤਰੀ – 18 ਫਰਵਰੀ 2023
ਪ੍ਰਯਾਗ ਦੇ ਮਾਘ ਮੇਲੇ ਦਾ ਹੈ ਵਿਸ਼ੇਸ਼ ਮਹੱਤਵ
ਪ੍ਰਯਾਗ ‘ਚ ਗੰਗਾ, ਯਮੁਨਾ ਤੇ ਸਰਸਵਤੀ ਦੇ ਤੱਟ ‘ਤੇ ਹਰ ਸਾਲ ਮਾਘ ਇਸ਼ਨਾਨ ਕੀਤਾ ਜਾਂਦਾ ਹੈ। ਇਸ ਇਸ਼ਨਾਨ ਦਾ ਵਰਣਨ ਹਿੰਦੂ ਪੁਰਾਣਾਂ ‘ਚ ਵੀ ਮਿਲਦਾ ਹੈ। ਸ਼ਾਸਤਰਾਂ ਅਨੁਸਾਰ, ਤੀਰਥਾਂ ਦਾ ਰਾਜਾ ਪ੍ਰਯਾਗਰਾਜ ਹੈ। ਇੱਥੇ ਇਸ਼ਨਾਨ ਕਰਨ ਨਾਲ ਸ਼ੁਭ ਫਲ ਮਿਲਦਾ ਹੈ ਤੇ ਹਰ ਕਸ਼ਟ ਤੋਂ ਛੁਟਕਾਰਾ ਮਿਲਦਾ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
