Monsoon 2023: ਦੇਸ਼ ‘ਚ ਇਸ ਵਾਰ ਕਿਵੇਂ ਰਹੇਗਾ ਮੌਨਸੂਨ ? ਇਸ ਵਾਰ ਬਾਰਿਸ਼ ਕਿੰਨੀ ਅਤੇ ਕਿਵੇਂ ਹੋਵੇਗੀ ਇਸ ਦਾ ਪਹਿਲਾ ਪੂਰਵ ਅਨੁਮਾਨ ਜਾਰੀ ਕੀਤਾ ਗਿਆ ਹੈ। ਮੌਸਮ ਦੀ ਭਵਿੱਖਬਾਣੀ ਕਰਨ ਵਾਲੀ ਨਿੱਜੀ ਏਜੰਸੀ ਸਕਾਈਮੇਟ ਨੇ ਮਾਨਸੂਨ 2023 ਲਈ ਆਪਣੀ ਭਵਿੱਖਬਾਣੀ ਜਾਰੀ ਕੀਤੀ ਹੈ, ਜੋ ਕਾਫੀ ਚਿੰਤਾਜਨਕ ਹੈ।
ਮੌਸਮ ਦੀ ਭਵਿੱਖਬਾਣੀ ਕਰਨ ਵਾਲੀ ਏਜੰਸੀ ਸਕਾਈਮੇਟ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਆਉਣ ਵਾਲੇ ਜੂਨ ਤੋਂ ਸਤੰਬਰ ‘ਚ ਮੌਨਸੂਨ ‘ਆਮ ਤੋਂ ਘੱਟ’ ਰਹੇਗਾ। ਸਕਾਈਮੇਟ ਨੇ ਜੂਨ ਤੋਂ ਸਤੰਬਰ ਤੱਕ ਚਾਰ ਮਹੀਨਿਆਂ ਦੀ ਲੰਮੀ ਮਿਆਦ ਲਈ 868.6 ਮਿਲੀਮੀਟਰ ਬਾਰਿਸ਼ ਦੀ ਭਵਿੱਖਬਾਣੀ ਕੀਤੀ ਹੈ, ਜੋ ਲੰਬੇ ਸਮੇਂ ਦੀ ਔਸਤ (LPA) ਦਾ 94 ਫੀਸਦੀ ਹੋ ਸਕਦੀ ਹੈ। ਸਕਾਈਮੇਟ ਦੁਆਰਾ ਮੌਨਸੂਨ ਦੀ ਭਵਿੱਖਬਾਣੀ ਦੇ ਅਨੁਸਾਰ, ਜੂਨ ਤੋਂ ਸਤੰਬਰ ਤੱਕ 868.8 ਮਿਲੀਮੀਟਰ ਦੇ ਮੁਕਾਬਲੇ 816.5 ਮਿਲੀਮੀਟਰ ਭਾਵ 4 ਮਹੀਨਿਆਂ ਦੀ ਔਸਤ ਬਾਰਿਸ਼ ਦਾ 94 ਪ੍ਰਤੀਸ਼ਤ ਹੋਣ ਦੀ ਸੰਭਾਵਨਾ ਹੈ।
ਸਕਾਈਮੇਟ ਦੇ ਮੈਨੇਜਿੰਗ ਡਾਇਰੈਕਟਰ ਜਤਿਨ ਸਿੰਘ ਨੇ ਇੱਕ ਬਿਆਨ ਵਿੱਚ ਕਿਹਾ, “ਲਾ ਨੀਨਾ ਕਾਰਨ ਦੱਖਣ-ਪੱਛਮੀ ਮਾਨਸੂਨ ਪਿਛਲੇ ਲਗਾਤਾਰ ਚਾਰ ਸਾਲਾਂ ਤੋਂ ਆਮ ਨਾਲੋਂ ਵੱਧ ਰਿਹਾ ਹੈ। ਹੁਣ ਜਦੋਂ ਕਿ ਲਾ ਨੀਨਾ ਖ਼ਤਮ ਹੋ ਗਿਆ ਹੈ, ਅਲ ਨੀਨੋ ਦੀ ਸੰਭਾਵਨਾ ਵੱਧ ਰਹੀ ਹੈ। ਇਸ ਦੌਰਾਨ ਅਲ ਨੀਨੋ ਦੇ ਹਾਵੀ ਹੋਣ ਦੀ ਸੰਭਾਵਨਾ।ਸਕਾਈਮੇਟ ਮੁਤਾਬਕ ਇਸ ਸਾਲ ਮੌਨਸੂਨ ਆਮ ਨਾਲੋਂ ਘੱਟ ਰਹਿਣ ਦੀ ਸੰਭਾਵਨਾ ਹੈ, ਜਿਸ ਦਾ ਮਤਲਬ ਹੈ ਕਿ ਪਹਿਲੇ ਪੂਰਵ ਅਨੁਮਾਨ ਵਿੱਚ ਬਾਰਸ਼ ਆਮ ਨਾਲੋਂ ਘੱਟ ਹੋ ਸਕਦੀ ਹੈ।ਅਲ ਨੀਨੋ ਦੀ ਵਾਪਸੀ ਕਮਜ਼ੋਰ ਮੌਨਸੂਨ ਦਾ ਸੰਕੇਤ ਦੇ ਰਹੀ ਹੈ।
ਇਸ ਸਾਲ ਫਸਲਾਂ ‘ਤੇ ਆ ਸਕਦਾ ਹੈ ਸੰਕਟ, ਫਸਲਾਂ ਹੋ ਸਕਦੀਆਂ ਹਨ ਮਹਿੰਗੀਆਂ
ਸਕਾਈ ਮੇਟ ਮੁਤਾਬਕ, ਇਸ ਸਾਲ ਜੂਨ, ਜੁਲਾਈ, ਅਗਸਤ, ਸਤੰਬਰ ਦੇ ਚਾਰ ਮਹੀਨਿਆਂ ਵਿੱਚ 868.6 ਮਿਲੀਮੀਟਰ ਬਾਰਿਸ਼ ਦਾ ਐਲਪੀਏ 94 ਪ੍ਰਤੀਸ਼ਤ ਹੋਵੇਗਾ। ਸਕਾਈਮੇਟ ਨੇ ਕਿਹਾ ਕਿ ਦੇਸ਼ ਦੇ ਉੱਤਰੀ ਅਤੇ ਮੱਧ ਹਿੱਸਿਆਂ ‘ਚ ਮੀਂਹ ਦੀ ਕਮੀ ਰਹੇਗੀ। ਗੁਜਰਾਤ, ਮੱਧ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਵਿੱਚ ਵੀ ਜੁਲਾਈ ਅਤੇ ਅਗਸਤ ਦੌਰਾਨ ਘੱਟ ਬਾਰਿਸ਼ ਹੋਵੇਗੀ।
ਉੱਤਰੀ ਭਾਰਤ ਵਿੱਚ, ਪੰਜਾਬ, ਹਰਿਆਣਾ, ਰਾਜਸਥਾਨ ਅਤੇ ਉੱਤਰ ਪ੍ਰਦੇਸ਼ ਵਿੱਚ ਸਾਲ ਦੇ ਦੂਜੇ ਅੱਧ ਵਿੱਚ ਆਮ ਨਾਲੋਂ ਘੱਟ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਸਕਾਈਮੇਟ ਨੇ ਵੀ 20 ਫੀਸਦੀ ਸੋਕੇ ਦੀ ਸੰਭਾਵਨਾ ਜਤਾਈ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
