ਪੰਜਾਬੀ ਗਾਇਕ ਸ਼ੁੱਭਦੀਪ ਸਿੰਘ ਸਿੱਧੂ ਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ ਦੇ ਨਾਲ ਚੱਲਣ ਵਾਲੇ ਗੰਨਮੈਨ ਦੇਰ ਰਾਤ ਆਪਸ ‘ਚ ਭਿੜ ਗਏ।ਜਿਸ ‘ਚ ਇੱਕ ਗੰਨਮੈਨ ਦੇ ਸੱਟ ਲੱਗਣ ਕਾਰਨ ਗੰਭੀਰ ਜ਼ਖਮੀ ਹੋ ਗਿਆ।ਜ਼ਖਮੀ ਨੂੰ ਇਲਾਜ ਲਈ ਮਾਨਸਾ ਦੇ ਸਿਵਿਲ ਹਸਪਤਾਲ ‘ਚ ਭਰਤੀ ਕਰਾਇਆ ਗਿਆ ਹੈ।
ਜਾਣਕਾਰੀ ਅਨੁਸਾਰ, ਦੇਰ ਰਾਤ ਕਮਰੇ ‘ਚ ਸੌਂ ਰਹੇ ਕਮਾਂਡੋ ਗੰਨਮੈਨ ਗੁਰਦੀਪ ਸਿੰਘ ‘ਤੇ ਗੰਨਮੈਨ ਅਰੁਣ ਕੁਮਾਰ ਵਲੋਂ ਹਮਲਾ ਕੀਤਾ ਗਿਆ।
ਜਿਸ ‘ਚ ਗੁਰਦੀਪ ਸਿੰਘ ਨੂੰ ਕਾਫੀ ਡੂੰਘੀਆਂ ਸੱਟਾਂ ਲੱਗੀਆਂ।ਜ਼ਖਮੀ ਗੁਰਦੀਪ ਸਿੰਘ ਨੇ ਦੱਸਿਆ ਕਿ ਅਰੁਣ ਕੁਮਾਰ ਨੇ ਆਪਣੇ ਹੱਥ ‘ਚ ਪਾਏ ਹੋਏ ਕੜੇ ਨਾਲ ਉਨ੍ਹਾਂ ਦੇ ਸਿਰ ‘ਚ ਵਾਰ ਕੀਤਾ।ਜਿਸਦੇ ਚਲਦਿਆਂ ਉਹ ਜਖਮੀ ਹੋ ਗਿਆ।ਜ਼ਖਮੀ ਨੂੰ ਇਲਾਜ ਲਈ ਸਿਵਿਲ ਹਸਪਤਾਲ ‘ਚ ਦਾਖਲ ਕਰਾਇਆ ਗਿਆ।
ਦੱਸਣਯੋਗ ਹੈ ਕਿ ਦੋਵਾਂ ‘ਚ ਡਿਊਟੀ ਨੂੰ ਲੈ ਕੇ ਵਿਵਾਦ ਹੋ ਗਿਆ ਸੀ।ਫਿਲਹਾਲ ਮਾਨਸਾ ਪੁਲਿਸ ਹਸਪਤਾਲ ‘ਚ ਪਹੁੰਚ ਕੇ ਜਖਮੀ ਦੇ ਬਿਆਨ ਦਰਜ ਕਰ ਰਹੀ ਹੈ।
