Jaggu Bhagwanpuria’s Lawer: ਦੇਸ਼ ਦੇ ਪੰਜਾਬ, ਹਰਿਆਣਾ ਅਤੇ ਦਿੱਲੀ ਸਮੇਤ ਕਈ ਥਾਵਾਂ ‘ਤੇ NIA ਨੇ ਛਾਪੇਮਾਰੀ ਕੀਤੀ। ਇਸ ਦੇ ਨਾਲ ਹੀ ਚੰਡੀਗੜ੍ਹ ‘ਚ ਵੀ NIA ਦੀ ਰੇਡ ਹੋਈ। ਖਾਸ ਗੱਲ ਇਹ ਰਹੀ ਕਿ ਐਨਆਈਏ ਦੀ ਇਹ ਰੇਡ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦੀ ਵਕੀਲ ਦੇ ਘਰ ਹੋਈ।
ਗੈਂਗਸਟਰ ਦੀ ਵਕੀਲ ਸ਼ੈਲੀ ਸ਼ਰਮਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ NIA ਨੂੰ ਰੇਡ ਕਰਨ ਦਾ ਕਾਰਨ ਪੁੱਛਿਆ ਤਾਂ ਉਨ੍ਹਾਂ ਨੂੰ ਕਿਹਾ ਗਿਆ ਕਿ ਉਨ੍ਹਾਂ ਕੋਲ ਹੀ ਕਿਉਂ ਹਰ ਗੈਂਗਸਟਰ ਦਾ ਕੇਸ ਆ ਰਿਹਾ ਹੈ। ਜਿਸ ਕਰਕੇ ਐਨਆਈਏ ਨੇ ਸ਼ੈਲੀ ਦੇ ਘਰ ਕਰੀਬ ਸਾਢੇ ਤਿੰਨ ਘੰਟੇ ਜਾਂਚ ਕੀਤੀ। ਜਿਸ ‘ਚ ਵਕੀਲ ਦੇ ਫੋਨ ਸੀਜ਼ ਕਰਨ ਦੀ ਗੱਲ ਵੀ ਕੀਤੀ ਗਈ।
ਐਨਆਈਏ ਦੀ ਰੇਡ ਤੋਂ ਭੜਕੀ ਜੱਗੂ ਦੀ ਵਕੀਲ ਨੇ ਮੀਡੀਆ ਨਾਲ ਗੱਲ ਕਰਦਿਆਂ ਕਿਹਾ ਕਿ ਹਰ ਕੋਈ ਤਰੱਕੀ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਵਕੀਲ ਹਾਂ ਕੋਈ ਅਪਰਾਧੀ ਨਹੀਂ। ਇਸ ਮਾਮਲੇ ਨੂੰ ਵੇਖਦਿਆਂ ਵਕੀਲਾਂ ਵਲੋਂ ਪ੍ਰਦਰਸ਼ਨ ਕਰਨ ਦੀ ਗੱਲ ਵੀ ਕਹੀ ਗਈ।
