ਭਾਰਤ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੇ ਬੇਟੇ ਅਨੰਤ ਅੰਬਾਨੀ ਜਲਦ ਹੀ ਰਾਧਿਕਾ ਮਰਚੈਂਟ ਨਾਲ ਵਿਆਹ ਕਰਨ ਜਾ ਰਹੇ ਹਨ। ਦੋਵਾਂ ਦੀ ਪ੍ਰੀ-ਵੈਡਿੰਗ ਸੈਰੇਮਨੀ 1 ਮਾਰਚ ਤੋਂ ਗੁਜਰਾਤ ਦੇ ਜਾਮਨਗਰ ‘ਚ ਸ਼ੁਰੂ ਹੋਣ ਜਾ ਰਹੀ ਹੈ।
ਵਿਆਹ ‘ਚ ਬਿਲ ਗੇਟਸ, ਮਾਰਕ ਜ਼ੁਕਰਬਰਗ ਅਤੇ ਬਾਲੀਵੁੱਡ ਸੈਲੀਬ੍ਰਿਟੀਜ਼ ਵਰਗੀਆਂ ਕਈ ਅੰਤਰਰਾਸ਼ਟਰੀ ਹਸਤੀਆਂ ਦਾ ਇਕੱਠ ਹੋਣ ਵਾਲਾ ਹੈ। Siasat.com ਦੀ ਰਿਪੋਰਟ ਮੁਤਾਬਕ ਅਨੰਤ-ਰਾਧਿਕਾ ਦੇ ਆਲੀਸ਼ਾਨ ਵਿਆਹ ‘ਤੇ 1000 ਕਰੋੜ ਰੁਪਏ ਖਰਚ ਹੋਣ ਜਾ ਰਹੇ ਹਨ।
ਇਸ ਤੋਂ ਪਹਿਲਾਂ ਮੁਕੇਸ਼ ਅੰਬਾਨੀ ਦੀ ਬੇਟੀ ਈਸ਼ਾ ਅੰਬਾਨੀ ਦੇ ਵਿਆਹ ‘ਤੇ 400 ਕਰੋੜ ਰੁਪਏ ਖਰਚ ਕੀਤੇ ਗਏ ਸਨ। ਈਸ਼ਾ ਅੰਬਾਨੀ ਨੇ ਆਪਣੇ ਵਿਆਹ ‘ਚ 90 ਕਰੋੜ ਰੁਪਏ ਦਾ ਲਹਿੰਗਾ ਪਹਿਨ ਕੇ ਵਿਸ਼ਵ ਰਿਕਾਰਡ ਬਣਾਇਆ ਸੀ। ਜਦੋਂ ਕਿ ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੁਕੋਣ ਅਤੇ ਅਨੁਸ਼ਕਾ ਸ਼ਰਮਾ ਦੇ ਵਿਆਹ ਦਾ ਕੁੱਲ ਬਜਟ 90-95 ਕਰੋੜ ਰੁਪਏ ਸੀ।
ਜੇਕਰ ਬਾਲੀਵੁੱਡ ਦੀ ਗੱਲ ਕਰੀਏ ਤਾਂ ਪ੍ਰਿਯੰਕਾ ਚੋਪੜਾ 15 ਕਰੋੜ ਰੁਪਏ ਦੀ ਵੈਡਿੰਗ ਡਰੈੱਸ ਪਹਿਨ ਕੇ ਟਾਪ ‘ਤੇ ਹੈ। ਫਿਲਮ ਇੰਡਸਟਰੀ ਵੀ ਆਪਣੇ ਵੱਡੇ ਫੈਟ ਵੈਡਿੰਗ ਬਜਟ ਨੂੰ ਲੈ ਕੇ ਹਮੇਸ਼ਾ ਸੁਰਖੀਆਂ ‘ਚ ਰਹੀ ਹੈ। ਹਾਲਾਂਕਿ ਅੰਬਾਨੀ ਪਰਿਵਾਰ ਦੇ ਸਿਰਫ ਇੱਕ ਵਿਆਹ ਦਾ ਬਜਟ ਬਾਲੀਵੁੱਡ ਦੇ 5 ਸਭ ਤੋਂ ਮਹਿੰਗੇ ਵਿਆਹਾਂ ਦੇ ਬਰਾਬਰ ਸੀ।
