Sindh: ਪਾਕਿਸਤਾਨ (Pakistan) ਦੇ ਸਿੰਧ ਸੂਬੇ ‘ਚ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਇੱਕ ਵਿਅਕਤੀ ਨੇ ਪਹਿਲਾਂ ਆਪਣੀ ਪਤਨੀ ਦਾ ਮੂੰਹ ਸਿਰਹਾਣੇ ਨਾਲ ਦਬਾ ਕੇ ਮਾਰਿਆ, ਫਿਰ ਆਪਣੇ 6 ਬੱਚਿਆਂ ਦੇ ਸਾਹਮਣੇ ਪਤਨੀ (Wife) ਦੀ ਲਾਸ਼ ਨੂੰ ਕੜਾਹੀ ਵਿਚ ਪਾ ਕੇ ਉਬਾਲ (Boil) ਦਿੱਤਾ। ਇਹ ਜਾਣਕਾਰੀ ਜੀਓ ਨਿਊਜ਼ ਦੀ ਰਿਪੋਰਟ ਵਿਚ ਦਿੱਤੀ ਗਈ ਹੈ। ਵਿਅਕਤੀ ਨੇ ਇਸ ਘਟਨਾ ਨੂੰ 9 ਮਹੀਨਿਆਂ ਤੋਂ ਬੰਦ ਸਕੂਲ ਦੀ ਰਸੋਈ ‘ਚ ਅੰਜਾਮ ਦਿੱਤਾ।
Read More: ਜੇਲ੍ਹ ‘ਚ ਬਿਮਾਰ ਪਏ ਸਿੱਧੂ, ਮੈਡੀਕਲ ਚੈੱਕਅਪ ਤੋਂ ਬਾਅਦ ਡਾਕਟਰਾਂ ਨੇ ਦਿੱਤੀ ਇਹ ਸਲਾਹ
ਜੀਓ ਨਿਊਜ਼ ਦੀ ਰਿਪੋਰਟ ਮੁਤਾਬਕ ਸਨਕੀ ਪਤੀ ਇਸ ਸਕੂਲ ਵਿਚ ਚੌਕੀਦਾਰ ਵਜੋਂ ਕੰਮ ਕਰਦਾ ਸੀ। ਕੜਾਹੀ ਵਿਚ ਔਰਤ ਦੀ ਇਕ ਲੱਤ ਸਰੀਰ ਤੋਂ ਕੱਟੀ ਗਈ ਸੀ। ਪੁਲਿਸ ਨੇ ਲਾਸ਼ ਬਰਾਮਦ ਕਰਕੇ ਮੁਲਜ਼ਮਾਂ ਦੀ ਭਾਲ ਤੇਜ਼ ਕਰ ਦਿੱਤੀ ਹੈ।
ਬੁੱਧਵਾਰ ਨੂੰ ਸਿੰਧ ਪੁਲਿਸ ਨੂੰ ਨਰਗਿਸ ਨਾਂ ਦੀ ਔਰਤ ਦੀ ਲਾਸ਼ ਇਕ ਵੱਡੇ ਕੜਾਹੇ ‘ਚੋਂ ਮਿਲੀ। ਇਹ ਲਾਸ਼ ਇੱਕ ਨਿੱਜੀ ਸਕੂਲ ਦੀ ਰਸੋਈ ਵਿਚ ਪਈ ਸੀ। ਜੀਓ ਨਿਊਜ਼ ਮੁਤਾਬਕ ਘਟਨਾ ਕਰਾਚੀ ਦੇ ਗੁਲਸ਼ਨ-ਏ-ਇਕਬਾਲ ਇਲਾਕੇ ਦੀ ਹੈ।
Read More: ਗੋਲਗੱਪੇ ਖਾਣ ਨਾਲ ਹੋ ਸਕਦਾ ਹੈ ਖਤਰਨਾਕ ਇਨਫੈਕਸ਼ਨ! ਪੈ ਸਕਦੈ ਪਛਤਾਉਣਾ
ਪੁਲਿਸ ਅਨੁਸਾਰ ਔਰਤ ਦਾ ਪਤੀ ਆਸ਼ਿਕ ਬਜੌਰ ਏਜੰਸੀ ਦਾ ਰਹਿਣ ਵਾਲਾ ਸੀ। ਸਕੂਲ ਵਿਚ ਚੌਕੀਦਾਰ ਵਜੋਂ ਕੰਮ ਕਰਦਾ ਸੀ। ਉਸ ਨੂੰ ਸਕੂਲ ਵਿਚ ਰਹਿਣ ਲਈ ਸਰਵੈਂਟ ਕੁਆਟਰ ਦਿੱਤਾ ਗਿਆ ਸੀ। ਇਹ ਸਕੂਲ ਪਿਛਲੇ 9 ਮਹੀਨਿਆਂ ਤੋਂ ਬੰਦ ਸੀ।
ਰਿਪੋਰਟ ਮੁਤਾਬਕ ਪੀੜਤ ਦੀ 15 ਸਾਲਾ ਧੀ ਨੇ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਉਦੋਂ ਤੱਕ ਆਸ਼ਿਕ ਨਾਂ ਦਾ ਇਹ ਹੈਵਾਨ ਆਪਣੇ ਤਿੰਨ ਬੱਚਿਆਂ ਸਮੇਤ ਭੱਜ ਚੁੱਕਾ ਸੀ। ਸਿੰਧ ਸੂਬੇ ਦੇ ਐੱਸਐੱਸਪੀ ਅਬਦੁਰ ਰਹੀਮ ਸ਼ੇਰਾਜੀ ਨੇ ਕਿਹਾ ਕਿ ਪੁਲਿਸ ਨੇ ਬਾਕੀ ਤਿੰਨ ਬੱਚਿਆਂ ਨੂੰ ਆਪਣੇ ਕੋਲ ਸੁਰੱਖਿਅਤ ਰੱਖਿਆ ਹੈ। ਇਸ ਘਟਨਾ ਨੂੰ ਦੇਖ ਕੇ ਬੱਚੇ ਕਾਫੀ ਡਰੇ ਹੋਏ ਹਨ।
Read More: ਨੌਕਰੀਪੇਸ਼ਾ ਲੋਕਾਂ ਨੂੰ ਕਦੋਂ ਮਿਲੇਗੀ ਹਫ਼ਤੇ ‘ਚ 3 ਦਿਨ ਦੀ ਛੁੱਟੀ? ਕਿਰਤ ਮੰਤਰੀ ਨੇ ਦਿੱਤਾ ਇਹ ਜਵਾਬ
ਬੱਚਿਆਂ ਨੇ ਦਿੱਤੀ ਪੁਲਿਸ ਨੂੰ ਗਵਾਹੀ
ਅਧਿਕਾਰੀ ਨੇ ਕਿਹਾ ਕਿ ਸ਼ੁਰੂਆਤੀ ਜਾਂਚ ਅਤੇ ਬੱਚਿਆਂ ਦੇ ਬਿਆਨਾਂ ਤੋਂ ਪਤਾ ਚੱਲਿਆ ਹੈ ਕਿ ਦੋਸ਼ੀ ਨੇ ਆਪਣੀ ਪਤਨੀ ਨੂੰ ਕੜਾਹੀ ਵਿਚ ਉਬਾਲਣ ਤੋਂ ਪਹਿਲਾਂ ਸਿਰਹਾਣੇ ਨਾਲ ਗਲਾ ਘੁੱਟ ਕੇ ਮਾਰ ਦਿੱਤਾ। ਕੜਾਹੀ ਵਿਚ ਔਰਤ ਦੀ ਇੱਕ ਲੱਤ ਉਸਦੇ ਸਰੀਰ ਤੋਂ ਵੱਖ ਹੋ ਗਈ। ਘਟਨਾ ਦੇ ਪਿੱਛੇ ਦਾ ਕਾਰਨ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ।
