Phone Bhoot Movie Trailer: ਕੈਟਰੀਨਾ ਕੈਫ ਅਤੇ ਈਸ਼ਾਨ ਖੱਟਰ ਸਟਾਰਰ ਸਭ ਤੋਂ ਵੱਧ ਉਡੀਕੀ ਜਾ ਰਹੀ ਫ਼ਿਲਮ ‘ਫੋਨ ਭੂਤ’ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਹ ਇੱਕ ਹੋਰਰ-ਕਾਮੇਡੀ ਫਿਲਮ ਹੈ। ‘ਫੋਨ ਭੂਤ’ ‘ਚ ਕੈਟਰੀਨਾ ਕੈਫ, ਸਿਧਾਂਤ ਚਤੁਰਵੇਦੀ ਅਤੇ ਈਸ਼ਾਨ ਖੱਟਰ ਨਜ਼ਰ ਆਉਣਗੇ। ਇਹ ਫਿਲਮ ਕਾਫੀ ਸਮੇਂ ਤੋਂ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਇਸ ‘ਚ ਕੈਟਰੀਨਾ ਪਹਿਲੀ ਵਾਰ ਸਭ ਤੋਂ ਖੂਬਸੂਰਤ ਭੂਤ ਦੇ ਰੋਲ ‘ਚ ਨਜ਼ਰ ਆਵੇਗੀ। ਫਿਲਮ ਦੇ ਟ੍ਰੇਲਰ ਨੇ ਫੈਨਸ ‘ਚ ਕਾਫੀ ਐਕਸਾਈਟਮੈਂਟ ਪੈਦਾ ਕਰ ਦਿੱਤੀ ਹੈ।
ਦੱਸ ਦਈਏ ਕਿ ਫਿਲਮ ਦਾ ਟ੍ਰੇਲਰ 2 ਮਿੰਟ 49 ਸੈਕਿੰਡ ਦਾ ਹੈ, ਜਿਸ ‘ਚ ਸਿਧਾਂਤ ਚਤੁਰਵੇਦੀ ਅਤੇ ਈਸ਼ਾਨ ਭੂਤ ਦੇ ਸ਼ਿਕਾਰੀ ਦੀ ਭੂਮਿਕਾ ਨਿਭਾ ਰਿਹਾ ਹੈ। ਉਹ ਸਭ ਤੋਂ ਖੂਬਸੂਰਤ ਭੂਤ, ਕੈਟਰੀਨਾ ਕੈਫ ਨੂੰ ਮਿਲਦੇ ਹਨ ਅਤੇ ਇਸ ਤੋਂ ਬਾਅਦ ਉਨ੍ਹਾਂ ਦੀ ਮਜ਼ੇਦਾਰ ਅਤੇ ਡਰਾਉਣੀ ਯਾਤਰਾ ਸ਼ੁਰੂ ਹੁੰਦੀ ਹੈ। ਇਸ ਤੋਂ ਇਲਾਵਾ ਫੋਨ ਭੂਤ ਇਸ ਸਾਲ ਦੀ ਬਲਾਕਬਸਟਰ ‘ਭੂਲ ਭੁਲਾਇਆ 2’ ਤੋਂ ਬਾਅਦ ਇੱਕ ਹੋਰ ਕਾਮੇਡੀ ਡਰਾਉਣੀ ਫਿਲਮ ਹੋਵੇਗੀ।
ਫਿਲਮ ਨੂੰ ਰਿਤੇਸ਼ ਸਿਧਵਾਨੀ ਅਤੇ ਫਰਹਾਨ ਅਖ਼ਤਰ ਨੇ ਪ੍ਰੋਡਿਊਸ ਕੀਤਾ ਹੈ। ਫਿਲਮ ਮਜ਼ੇਦਾਰ ਹੈ ਅਤੇ ਲੋਕ ਇਹ ਕਹਿੰਦੇ ਹੋਏ ਖੁਸ਼ ਨਜ਼ਰ ਆ ਰਹੇ ਹਨ ਕਿ ਆਖਿਰਕਾਰ ਬਾਲੀਵੁੱਡ ਵਿੱਚ ਕੋਈ ਐਂਟਰਟੇਨਿੰਗ ਫਿਲਮ ਆ ਰਹੀ ਹੈ। ਲੋਕਾਂ ਨੇ ਕਿਹਾ – ਇਹ ਉਮੀਦ ਤੋਂ ਵੱਡੀ ਨਿਕਲੀ। ਲੋਕਾਂ ਨੇ ਕੈਟਰੀਨਾ ਦੀ ਮੌਜੂਦਗੀ ਅਤੇ ਉਸ ਦੀ ਹਿੰਦੀ ਦੀ ਵੀ ਤਾਰੀਫ ਕੀਤੀ ਹੈ, ਜਿਸ ‘ਚ ਕਾਫੀ ਸੁਧਾਰ ਹੋਇਆ ਹੈ।
ਇਹ ਫਿਲਮ 4 ਨਵੰਬਰ ਨੂੰ ਸਿਨੇਮਾਘਰਾਂ ‘ਚ ਦਸਤਕ ਦੇਵੇਗੀ ਅਤੇ ਰਿਲੀਜ਼ ਤੋਂ ਕੁਝ ਦਿਨ ਪਹਿਲਾਂ ਹੀ ਮੇਕਰਸ ਨੇ ਇਸ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਹੈ, ਜੋ ਕਾਫੀ ਮਜ਼ਾਕੀਆ ਹੈ। ਟ੍ਰੇਲਰ ਦੇਖ ਕੇ ਤੁਸੀਂ ਡਰ ਤੋਂ ਵੀ ਵੱਧ ਹੱਸੋਗੇ ਕਿਉਂਕਿ ਟ੍ਰੇਲਰ ‘ਚ ਕੈਟਰੀਨਾ ਇੱਕ ਖੂਬਸੂਰਤ ਭੂਤ ਹੈ, ਜੋ ਸਭ ਦੇ ਦਿਲਾਂ ‘ਚ ਉਤਰ ਜਾਵੇਗੀ।
