Plastic Ban: ਪਾਲੀਥੀਨ ਦੇ ਵਿਰੁੱਧ ਸਖਤ ਐਕਸ਼ਨ ਸ਼ੁਰੂ ਹੋ ਗਿਆ ਹੈ।ਹੁਣ ਸਬਜ਼ੀ ਜਾਂ ਹੋਰ ਸਮਾਨ ਲੈਣ ਲਈ ਘਰ ਤੋਂ ਨਿਕਲੋ ਤਾਂ ਕੱਪੜੇ ਜਾਂ ਜੂਟ ਦਾ ਬੈਗ ਨਾਲ ਜ਼ਰੂਰ ਰੱਖੋ।ਜੇਕਰ ਹੱਥ ‘ਚ ਪਾਲੀਥੀਨ ਦਾ ਲਿਫਾਫਾ ਨਜ਼ਰ ਆਇਆ ਤਾਂ ਜ਼ੁਰਮਾਨਾ ਭਰਨਾ ਪੈ ਸਕਦਾ ਹੈ।ਸ਼ਹਿਰ ‘ਚ ਅੱਜ ਤੋਂ ਪਾਲੀਥੀਨ ਪ੍ਰਯੋਗ ‘ਤੇ ਚਾਲਾਨ ਦੀ ਮੁਹਿੰਮ ਸ਼ੁਰੂ ਹੋ ਗਈ ਹੈ।
ਸ਼ਹਿਰ ਦੇ ਸਾਰੇ ਦੁਕਾਨਦਾਰਾਂ, ਸਬਜੀ ਵਿਕਰੇਤਾਵਾਂ ਨੂੰ ਵੀ ਨਗਰ ਨਿਗਮ ਨੇ ਪਹਿਲਾਂ ਹੀ ਚਿਤਾਵਨੀ ਦੇ ਦਿੱਤੀ ਹੈ ਮੰਗਲਵਾਰ ਤੋਂ ਪਾਲੀਥੀਨ ਨਜ਼ਰ ਆਉਣ ‘ਤੇ ਹੁਣ ਪੁੱਛਿਆ ਨਹੀਂ ਜਾਵੇਗਾ ਸਗੋਂ ਸਿੱਧਾ ਚਾਲਾਨ ਕੱਟ ਕੇ ਹੱਥ ‘ਚ ਫੜਾ ਦਿੱਤਾ ਜਾਵੇਗਾ।ਨਿਗਮ ਅਧਿਕਾਰੀਆਂ ਨੇ ਸਾਫ ਕਰ ਦਿੱਤਾ ਹੈ ਕਿ ਦੁਕਾਨਦਾਰ ਜੇਕਰ ਸਾਮਾਨ ਦੇਣਾ ਹੀ ਚਾਹੁੰਦੇ ਹਨ ਤਾਂ ਉਹ ਜੂਟ ਦੇ ਬੈਗ ਜਾ ਫਿਰ ਕੱਪੜੇ ਦੇ ਥੈਲੇ ‘ਚ ਦੇਣ।ਸਿੰਗਲ ਯੂਜ਼ ਪਾਲੀਥੀਨ ਕਿਸੇ ਵੀ ਸੂਰਤ ‘ਚ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
