Diwali Holiday: ਹਾਲ ਹੀ ‘ਚ ਐਲਾਨ ਕੀਤਾ ਗਿਆ ਕਿ 2023 ਤੋਂ ਨਿਊਯਾਰਕ ਸਿਟੀ ਦੇ ਪਬਲਿਕ ਸਕੂਲਾਂ ‘ਚ ਦੀਵਾਲੀ ਦੀ ਛੁੱਟੀ ਹੋਵੇਗੀ। ਇਸ ਐਲਾਨ ‘ਤੇ ਹੁਣ ਬਾਲੀਵੁੱਡ ਐਕਟਰਸ Priyanka Chopra ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਇਸ ਬਾਰੇ ਉਸ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ‘ਤੇ ਸਟੋਰੀਜ਼ ‘ਚ ਪੋਸਟ ਸ਼ੇਅਰ ਕੀਤੀ ਹੈ।
Priyanka ਨੇ ਇੰਸਟਾਗ੍ਰਾਮ ਸਟੋਰੀਜ਼ ‘ਤੇ ਇੱਕ ਵੀਡੀਓ ਰੀ-ਪੋਸਟ ਕੀਤਾ ਹੈ ਜਿਸ ਵਿੱਚ ਨਿਊਯਾਰਕ ਸਿਟੀ ਦੇ ਮੇਅਰ ਨੇ ਐਲਾਨ ਕੀਤਾ ਕਿ ਅਗਲੇ ਸਾਲ ਤੋਂ ਦੀਵਾਲੀ ਪਬਲਿਕ ਸਕੂਲ ਵਿੱਚ ਛੁੱਟੀ ਹੋਵੇਗੀ। ਉਨ੍ਹਾਂ ਨੇ ਕਿਹਾ, “ਅੱਜ ਮੈਨੂੰ ਇਹ ਕਹਿੰਦੇ ਹੋਏ ਮਾਣ ਹੋ ਰਿਹਾ ਹੈ ਕਿ ਸਾਡਾ ਸਮਾਂ ਆ ਗਿਆ ਹੈ, ਸਮਾਂ ਆ ਗਿਆ ਹੈ ਕਿ ਹਿੰਦੂ, ਬੋਧੀ, ਸਿੱਖ ਅਤੇ ਜੈਨ ਧਰਮਾਂ ਦੇ 200,000 ਤੋਂ ਵੱਧ ਨਿਊਯਾਰਕ ਵਾਸੀਆਂ ਨੂੰ ਮਾਨਤਾ ਦਿੱਤੀ ਜਾਵੇ ਜੋ ਰੌਸ਼ਨੀ ਦੇ ਤਿਉਹਾਰ ਦੀਵਾਲੀ ਮਨਾਉਂਦੇ ਹਨ।”
ਦੱਸ ਦਈਏ ਕਿ 13 ਸਾਲਾ ਦੀ ਉਮਰ ‘ਚ ਪ੍ਰਿਅੰਕਾ ਵਿਦੇਸ਼ ਪੜਾਈ ਲਈ ਚਲੇ ਗਈ ਸੀ। ਜਿੱਥੇ ਸਕੂਲ ਦੀ ਸਿਖਿਆ ਹਾਸਲ ਕਰਨ ਤੋਂ ਬਾਅਦ ਪੀੱਗੀ ਚੋਪਸ ਭਾਰਤ ਵਾਪਸ ਪਰਤੀ। ਭਾਰਤ ਆਉਣ ਤੋਂ ਬਾਅਦ ਉਸ ਨੇ ਆਪਣੀ ਹਾਈ ਸਕੂਲ ਦੀ ਪੜਾਈ ਬਰੈਲੀ ਦੇ ਆਰਮੀ ਪਬਲਿਕ ਸਕੂਲ ਤੋਂ ਕੀਤੀ।
ਪ੍ਰਿਅੰਕਾ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਪ੍ਰਿਯੰਕਾ ‘It’s All Coming Back To Me’, ਅਤੇ ਸੀਰੀਜ਼ ‘Citadel’ ਵਰਗੇ ਅੰਤਰਰਾਸ਼ਟਰੀ ਪ੍ਰੋਜੈਕਟਾਂ ਵਿੱਚ ਨਜ਼ਰ ਆਵੇਗੀ। ਰੂਸੋ ਬ੍ਰਦਰਜ਼ ਵਲੋਂ ਨਿਰਮਿਤ, ‘Citadel’ ਪ੍ਰਾਈਮ ਵੀਡੀਓ ‘ਤੇ ਦਸਤਕ ਦੇਵੇਗੀ। ਆਗਾਮੀ ਸਾਇ-ਫਾਈ ਡਰਾਮਾ ਸੀਰੀਜ਼ ਦਾ ਨਿਰਦੇਸ਼ਨ ਪੈਟਰਿਕ ਮੋਰਗਨ ਦੁਆਰਾ ਕੀਤਾ ਜਾ ਰਿਹਾ ਹੈ ਅਤੇ ਪ੍ਰਿਯੰਕਾ ਦੇ ਨਾਲ ਰਿਚਰਡ ਮੈਡਨ ਵੀ ਹਨ।
ਬਾਲੀਵੁੱਡ ਵਿੱਚ ਉਹ ਫਰਹਾਨ ਅਖ਼ਤਰ ਦੀ ‘Jee Le Zaraa’ ਵਿੱਚ ਆਲੀਆ ਭੱਟ ਅਤੇ ਕੈਟਰੀਨਾ ਕੈਫ ਨਾਲ ਨਜ਼ਰ ਆਵੇਗੀ।
