ਪੰਜਾਬ ‘ਚ ਨਿਤ ਨਵਾਂ ਗੈਂਗਸਟਰ ਆਏ ਦਿਨ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ , ਹੁਣ ਮੁੜ ਤੋਂ ਲੁਧਿਆਣਾ ਸ਼ਹਿਰ ‘ਚ ਕਾਲਾ ਕੱਛਾ ਗਿਰੋਹ ਸਰਗਰਮ ਹੋ ਗਿਆ ਹੈ।ਬਿਨਾਂ ਕੱਪੜਿਆਂ ਅਤੇ ਹੱਥਾਂ ‘ਚ ਤੇਜ਼ਧਾਰ ਹਥਿਆਰ ਲੈ ਕੇ ਸੜਕ ‘ਤੇ ਘੁੰਮ ਰਹੇ ਇਸ ਗਿਰੋਹ ਦੀ ਵੀਡੀਓ ਵੀ ਵਾਇਰਲ ਹੋ ਰਹੀ ਹੈ
ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ 5 ਤੋਂ 6 ਵਿਅਕਤੀ ਬਿਨਾਂ ਕੱਪੜਿਆਂ ਸਿਰਫ ਕੱਛਾ ਪਾਏ ਹੱਥਾਂ ‘ਚ ਤੇਜ਼ਧਾਰ ਹਥਿਆਰ ਲੈ ਕੇ ਘੁੰਮ ਰਹੇ ਹਨ। ਇਕ ਡਰਾਈਵਰ ਸੜਕ ‘ਤੇ ਆਉਂਦਾ ਹੈ, ਪਰ ਗਿਰੋਹ ਦੇ ਮੈਂਬਰ ਉਸ ਨੂੰ ਦੇਖਦੇ ਹਨ ਅਤੇ ਪੱਥਰਾਂ ਦੇ ਪਿੱਛੇ ਲੁਕ ਜਾਂਦੇ ਹਨ। ਜਾਣਕਾਰੀ ਮਿਲੀ ਹੈ ਕਿ ਮੁਲਜ਼ਮ ਹੁਣ ਤੱਕ 4 ਤੋਂ 5 ਵਾਰਦਾਤਾਂ ਕਰ ਚੁੱਕੇ ਹਨ
ਵੀਡੀਓ ਵੀ ਦੇਖੋ :
https://www.facebook.com/propunjabtv/videos/3226015031045527/
ਮੁਲਜ਼ਮਾਂ ਨੇ ਮੂੰਹ ਛੁਪਾਉਣ ਲਈ ਮੌਨਕੀ ਕੈਪ ਪਹਿਨੀ ਹੋਈ ਹੈ। ਦੋਸ਼ੀ ਨੂੰ ਬਿਨਾਂ ਕੱਪੜਿਆਂ ਦੇ ਇਸ ਤਰ੍ਹਾਂ ਸੜਕਾਂ ‘ਤੇ ਦੇਖ ਕੇ ਕੋਈ ਵੀ ਵਿਅਕਤੀ ਦੰਗ ਰਹਿ ਜਾਵੇਗਾ। ਵੀਡੀਓ ‘ਚ ਉਸ ਦੇ ਸਰੀਰ ਦੀ ਚਮਕ ਦੇਖ ਕੇ ਅਜਿਹਾ ਲੱਗ ਰਿਹਾ ਹੈ ਕਿ ਉਸ ਨੇ ਸਰੀਰ ‘ਤੇ ਕੁਝ ਤੇਲ ਲਗਾਇਆ ਹੈ, ਤਾਂ ਜੋ ਕੋਈ ਫੜ ਨਾ ਸਕੇ।
ਪੁਲੀਸ ਕਮਿਸ਼ਨਰ ਕੌਸਤੁਭ ਸ਼ਰਮਾ ਨੇ ਕਿਹਾ ਕਿ ਉਹ ਇਸ ਗਰੋਹ ਬਾਰੇ ਜਾਣੂ ਹਨ। ਇਸ ਗਰੋਹ ਨੇ ਕਰੀਬ 3 ਤੋਂ 4 ਵਾਰਦਾਤਾਂ ਕੀਤੀਆਂ ਹਨ। ਸੀਸੀਟੀਵੀ ਦੀ ਮਦਦ ਨਾਲ ਉਨ੍ਹਾਂ ਦੀ ਪਛਾਣ ਕੀਤੀ ਗਈ ਹੈ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਇਹ ਲੋਕ ਬਾਹਰਲੇ ਰਾਜ ਦੇ ਹਨ। ਹੁਣ ਤੱਕ ਪਿਛਲੇ 10 ਦਿਨਾਂ ਤੋਂ ਉਸ ਇਲਾਕੇ ਵਿੱਚ ਕੋਈ ਘਟਨਾ ਨਹੀਂ ਵਾਪਰੀ। ਉਮੀਦ ਜਤਾਈ ਜਾ ਰਹੀ ਹੈ ਕਿ ਸ਼ਾਇਦ ਇਹ ਗਰੋਹ ਪੰਜਾਬ ਤੋਂ ਬਾਹਰ ਚਲਾ ਗਿਆ ਹੈ ਪਰ ਸਾਡੀਆਂ ਟੀਮਾਂ ਇਨ੍ਹਾਂ ਦੀ ਭਾਲ ਕਰ ਰਹੀਆਂ ਹਨ।
