Punjab Government: ਟੈਕਸ ਚੋਰੀ ਰੋਕਣ ਲਈ ਪੰਜਾਬ ਸਰਕਾਰ ਨੇ ਵੱਡਾ ਕਦਮ ਚੁੱਕਿਆ ਹੈ।ਟੈਕਸ ਖੁਫੀਆ ਵਿੰਗ ਦੀ ਸਥਾਪਨਾ ਨੂੰ ਸੂਬਾ ਸਰਕਾਰ ਦੀ ਹਰੀ ਝੰਡੀ।ਹਰਪਾਲ ਚੀਮਾ ਵਿੱਤ ਮੰਤਰੀ ਦਾ ਕਹਿਣਾ ਹੈ ਟੈਕਸ ਖੁਫੀਆ ਵਿੰਗ ਤੋਂ ਟੈਕਸ ਚੋਰੀ ਰੁਕਣ ਦੇ ਇਲਾਵਾ ਪੰਜਾਬ ਸਰਕਾਰ ਦੀ ਆਮਦਨ ‘ਚ ਵੀ ਵਾਧਾ ਹੋਵੇਗਾ।
ਟੈਕਸ ਖੁਫੀਆ ਵਿੰਗ ਐਡੀਸ਼ਨਲ ਕਮਿਸ਼ਨਰ ਦੀ ਅਗਵਾਈ ‘ਚ ਕੰਮ ਕਰੇਗਾ।ਇੱਕ ਸੈਂਟ੍ਰਲਾਈਜਡ ਯੂਨਿਟ ਤੋਂ ਇਲਾਵਾ ਦੋ ਯੂਨਿਟ ਤੇ ਬਣਾਏ ਜਾਣਗੇ।ਸੈਂਟ੍ਰਲਾਈਜਡ ਯੂਨਿਟ ‘ਚ ਇੱਕ ਜੁਆਇੰਟ ਕਮਿਸ਼ਨਰ, 3 ਈਟੀਓ, 6 ਇੰਸਪੈਕਟਰ ਤੇ 6 ਮਾਹਿਰਾਂ ਨੂੰ ਸ਼ਾਮਿਲ ਕੀਤਾ ਜਾਵੇਗਾ।
ਸਾਈਬਰ ਐਕਸਪਰਟ, ਲੀਗਲ ਐਕਸਪਰਟ, ਬਿਜ਼ਨੈਸ ਐਕਸਪਰਟ ਤੋਂ ਇਲਾਵਾ ਹੋਰ ਵੀ ਮਾਹਿਰ ਹੋਣਗੇ ਇਸ ਵਿੰਗ ਦਾ ਹਿੱਸਾ ਟੈਕਸ ਖੁਫੀਆ ਵਿੰਗ ਜਾਅਲੀ ਬਿੱਲਾਂ ‘ਤੇ ਪੈਨੀ ਨਜ਼ਰ ਰੱਖੇਗਾ।ਮਾਨ ਸਰਕਾਰ ਨੂੰ ਸਿਰਫ ਡੇਢ ਮਹੀਨੇ ‘ਚ ਡਾਟਾ ਮਾਇਨਿੰਗ ਸਿਸਟਮ ਤੋਂ ਹੋਈ 107 ਕਰੋੜ ਦੀ ਆਮਦਨ।ਕਾਂਗਰਸ ਸਰਕਾਰ ਦੇ ਸਮੇਂ ਪਿਛਲੇ 2 ਸਾਲਾਂ ‘ਚ ਵਿਭਾਗ ਨੂੰ ਸਿਰਫ 600 ਕਰੋੜ ਦੀ ਹੋਈ ਸੀ ਆਮਦਨ।
