Punjabi singer Shubh: ਪੰਜਾਬ ਸਿੰਗਰ ਸ਼ੁਭ ਨੂੰ ਇੰਡਸਟਰੀ ‘ਚ ਆਏ ਅਜੇ ਜ਼ਿਆਦਾ ਸਮਾਂ ਨਹੀਂ ਹੋਇਆ। ਇਸ ਛੋਟੇ ਜਿਹੇ ਸਮੇਂ ‘ਚ ਅਜਿਹਾ ਕੋਈ ਮੁਕਾਮ ਸ਼ਾਇਦ ਬਾਕੀ ਨਹੀਂ ਜਿਸ ‘ਤੇ ਪਹੁੰਚਣਾ ਸ਼ੁਭ ਦਾ ਅਜੇ ਬਾਕੀ ਰਹਿ ਗਿਆ ਹੋਵੇ। ਦੱਸ ਦਈਏ ਕਿ ਸ਼ੁਭ ਨੇ ਅਜੇ ਤੱਕ ਸਿਰਫ਼ ਕੁਝ ਗੀਤ ਹੀ ਰਿਲੀਜ਼ ਕੀਤੇ ਹਨ ਪਰ ਫਿਰ ਵੀ ਪੰਜਾਬੀ ਸੰਗੀਤ ਉਦਯੋਗ ਵਿੱਚ ਆਪਣੀ ਛਾਪ ਛੱਡਣ ਵਿੱਚ ਕਾਮਯਾਬ ਰਹੇ ਹਨ। ਇੰਨਾ ਹੀ ਨਹੀਂ ਇਹ ਗਾਇਕ ਅੰਤਰਰਾਸ਼ਟਰੀ ਬਾਜ਼ਾਰਾਂ ‘ਚ ਵੀ ਆਪਣੀ ਕਾਮਯਾਬੀ ਨਾਲ ਅਸਮਾਨ ਛੂਹ ਰਿਹਾ ਹੈ।
ਉਸ ਦਾ ਹਾਲ ਹੀ ਵਿੱਚ ਰਿਲੀਜ਼ ਹੋਇਆ ਗੀਤ Baller ਪਹਿਲਾਂ ਹੀ ਦੁਨੀਆ ਭਰ ਦੇ ਫੈਨਸ ਤੋਂ ਕਾਫ਼ੀ ਪਿਆਰ ਅਤੇ ਸ਼ਲਾਘਾ ਹਾਸਲ ਕਰ ਚੁੱਕਿਆ ਹੈ। ਅਤੇ ਹੁਣ ਗਾਣੇ ਨੇ ਬਿਲਬੋਰਡ ਦੇ ਹੌਟ 100 ਚਾਰਟ ਵਿੱਚ ਵੀ ਵੀ ਥਾਂ ਹਾਸਲ ਕਰ ਲਈ ਹੈ। ਜੀ ਹਾਂ, ਇਹ ਬਿਲਕੁਲ ਸਹੀ ਹੈ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਪਹੁੰਚਣ ਕਰਕੇ ਸ਼ੁਭ ‘ਤੇ ਘਰੇਲੂ ਉਦਯੋਗ ਬਹੁਤ ਮਾਣ ਮਹਿਸੂਸ ਕਰ ਰਿਹਾ ਹੈ।
ਸ਼ੁਭ ਦੇ ਫੈਨਸ ਨੇ ਬਿੱਲਬੋਰਡ ਹੌਟ 100 ਚਾਰਟਸ ‘ਤੇ 68ਵੇਂ ਨੰਬਰ ‘ਤੇ ਸ਼ੁਭ ਦੇ ਨਵੇਂ ਗੀਤ ਬੈਲਰ ਨੂੰ ਟ੍ਰੈਂਡ ਕੀਤਾ ਹੋਇਆ ਦੇਖਿਆ। ਸ਼ੁਭ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ‘ਤੇ ਆਪਣੇ ਫੈਨਸ ਵਲੋਂ ਸ਼ੇਅਰ ਕੀਤਾ ਇੱਕ ਸਕ੍ਰੀਨਸ਼ਾਟ ਵੀ ਸ਼ੇਅਰ ਕੀਤਾ ਹੈ।
ਕੁਝ ਦਿਨ ਪਹਿਲਾਂ, ਸ਼ੁਭ ਨੇ ਵੀ ਸੁਰਖੀਆਂ ਬਟੋਰੀਆਂ ਸੀ ਕਿਉਂਕਿ ਉਹ ਨਿਊਯਾਰਕ ਦੇ ਟਾਈਮਜ਼ ਸਕੁਏਅਰ ਬਿਲਬੋਰਡ ‘ਤੇ ਦਿਖਾਈ ਦਿੱਤੇ ਸੀ। ਸ਼ੁਭ ਦੇ ਕੁਝ ਸੁਪਰਹਿੱਟ ਅਤੇ ਚਾਰਟਬਸਟਰ ਗਾਣੇ ਬੈਲਰ, ਨੋ ਲਵ, ਆਫ ਸ਼ੋਰ, ਐਲੀਵੇਟਿਡ ਅਤੇ ਵੀ ਰੋਲਿਨ ਨੂੰ ਟਾਈਮਜ਼ ਸਕੁਏਅਰ ਬਿਲਬੋਰਡ ‘ਤੇ ਵੀ ਪ੍ਰਦਰਸ਼ਿਤ ਕੀਤਾ ਗਿਆ ਸੀ।
View this post on Instagram
ਉਸ ਦੇ ਹਾਲ ਹੀ ਵਿੱਚ ਰਿਲੀਜ਼ ਹੋਏ ਗੀਤ Baller ਬਾਰੇ ਗੱਲ ਕਰੀਏ ਤਾਂ ਇਹ ਸਾਰਾ ਕੁਝ ਸ਼ੁਭ ਨੇ ਲਿਖਿਆ, ਕੰਪੋਜ਼ ਅਤੇ ਗਾਇਆ ਸੀ, ਜਦੋਂ ਕਿ ਇਸ ਨੂੰ ਸੰਗੀਤ ਇਕੀ ਨੇ ਦਿੱਤਾ ਹੈ। Baller ਦਾ ਅਧਿਕਾਰਤ ਸੰਗੀਤ ਵੀਡੀਓ ਵੀ ਯੂਟਿਊਬ ‘ਤੇ 17 ਮਿਲੀਅਨ ਵਿਯੂਜ਼ ਨੂੰ ਪਾਰ ਕਰ ਚੁੱਕਾ ਹੈ।
