ਰੋਜ਼ੀ-ਰੋਟੀ ਲਈ ਇਟਲੀ ਗਏ ਬਲਾਕ ਭੋਗਪੁਰ ਦੇ ਪਿੰਡ ਕਾਲਾ ਬੱਕਰਾ ਦੇ 27 ਸਾਲਾ ਨੌਜਵਾਨ ਸਤਵੰਤ ਸਿੰਘ ਉਰਫ ਜੰਗੀ ਦਾ ਪੰਜਾਬੀ ਭਾਈਚਾਰੇ ਦੇ ਹੀ 2 ਵਿਅਕਤੀਆਂ ਵੱਲੋ ਪਿੱਠ ਵਿੱਚ ਛੁਰਾ ਮਾਰ ਕੇ ਕਤਲ ਕਰ ਦਿੱਤਾ ਗਿਆ।
ਉਸਦੀ ਮਾਂ ਨੇ ਕਿਹਾ ਕਿ ਇੱਕ ਰਾਤ ਪਹਿਲਾਂ ਹੀ ਉਸਦੀ ਆਵਦੇ ਮੁੰਡੇ ਨਾਲ ਗੱਲ ਹੋਈ ਸੀ ਤੇ ਉਸਨੇ ਕਿਹਾ ਸੀ ਕੇ ਮੈਂ ਰੋਟੀ ਬਣਾ ਰਿਹਾ ਤੇ ਸਵੇਰੇ ਗੱਲ ਕਰੁ, ਪਰ ਅਗਲੇ ਦਿਨ ਕਿਸੇ ਨੇ ਫੋਨ ਕਰਕੇ ਦੱਸਿਆ ਗਿਆ ਕੇ ਉਸਦਾ ਪੁੱਤ ਹੁਣ ਇਸ ਦੁਨੀਆਂ ਤੇ ਨਹੀਂ ਰਿਹਾ। ਨਾਲ ਹੀ ਓਹਨਾ ਕਿਹਾ ਕੇ ਸਰਕਾਰ ਨੂੰ ਅਪੀਲ ਹੈ ਕੇ ਉਸਦੀ ਦੇਹ ਨੂੰ ਜਲਦੀ ਘਰ ਭੇਜਣ। ਨੌਜਵਾਨ ਦੀ ਮਾਂ ਨੇ ਇਹ ਵੀ ਦੱਸਿਆਂ ਕਿ ਉਸਦੇ ਪਿਓ ਦੀ ਪਹਿਲਾਂ ਸੜਕ ਹਾਦਸੇ ‘ਚ ਮੌਤ ਹੋ ਚੁੱਕੀ ਹੈ। ਉਨ੍ਹਾਂ ਕਿਹਾ ਕਿ ਓਹਨਾ ਦੇ ਘਰ ਦਾ ਖਰਚਾ ਮੁੰਡੇ ਕਰਕੇ ਹੀ ਚੱਲਦਾ ਸੀ।
ਮੁੰਡੇ ਦੇ ਤਾਏ ਨੇ ਗੱਲ ਕਰਦੇ ਦੱਸਿਆ ਕੇ ਉਹ ਕੰਮ ਤੋਂ ਥੱਕਿਆ ਘਰੇ ਆਇਆ ਸੀ ਅਤੇ ਉਸਦੇ ਨਾਲ ਹੋਰ ਵੀ ਕਈ ਮੁੰਡੇ ਘਰ ‘ਚ ਰਹਿੰਦੇ ਸਨ ਜੋ ਉਸ ਸਮੇ ਰੌਲਾ ਪਾ ਰਹੇ ਹਨ। ਜਦੋ ਉਸ ਨੇ ਮੁੰਡਿਆਂ ਨੂੰ ਰੌਲਾ ਪਾਉਣ ਤੋਂ ਹਟਾਉਣ ਦੀ ਕੋਸ਼ਿਸ ਕੀਤੀ ਤਾਂ ਉਸ ਤੇ ਮੁੰਡਿਆਂ ਨੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਪੁਲਿਸ ਵੱਲੋ ਮਾਮਲੇ ਦੀ investigation ਕੀਤੀ ਜਾ ਰਹੀ ਹੈ
