ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਯੂਕਰੇਨ ਦੇ ਚਾਰ ਖੇਤਰਾਂ ਵਿੱਚ 3 ਲੱਖ ਰਿਜ਼ਰਵ ਸੈਨਿਕਾਂ ਦੀ ਤਾਇਨਾਤੀ ਦਾ ਐਲਾਨ ਕੀਤਾ। ਇਸ ਹੁਕਮ ਤੋਂ ਬਾਅਦ ਰਿਜ਼ਰਵ ਸੈਨਿਕ ਦੇਸ਼ ਛੱਡ ਕੇ ਭੱਜ ਰਹੇ ਹਨ। ਰਿਜ਼ਰਵ ਟੁਕੜੀਆਂ ਦੀ ਤਾਇਨਾਤੀ ਨੂੰ ਲੈ ਕੇ ਚੋਟੀ ਦੇ ਕਮਾਂਡਰ ਵੀ ਵੰਡੇ ਹੋਏ ਹਨ। ਰੂਸ ਦੇ ਕਈ ਸ਼ਹਿਰਾਂ ਦੇ ਹਵਾਈ ਅੱਡਿਆਂ, ਬੱਸਾਂ ਅਤੇ ਰੇਲਵੇ ਸਟੇਸ਼ਨਾਂ ‘ਤੇ ਦੇਸ਼ ਛੱਡਣ ਵਾਲੇ ਰਿਜ਼ਰਵ ਸੈਨਿਕਾਂ ਦੀ ਭੀੜ ਹੈ। ਟਿਕਟਾਂ ਦੇ ਰੇਟ ਕਈ ਗੁਣਾ ਵਧ ਗਏ ਹਨ। ਰਿਜ਼ਰਵ ਸੈਨਿਕਾਂ ਨੂੰ ਫੌਜੀ ਅੱਡੇ ‘ਤੇ ਲਿਆਉਣ ਲਈ ਬੱਸਾਂ ਉਨ੍ਹਾਂ ਦੇ ਘਰਾਂ ਨੂੰ ਭੇਜੀਆਂ ਜਾ ਰਹੀਆਂ ਹਨ।
ਇਹ ਵੀ ਪੜ੍ਹੋ : ‘ਜਾਕੋ ਰਾਖੇ ਸਾਈਆਂ, ਮਾਰ ਸਕੇ ਨਾ ਕੋਇ’, 30 ਘੰਟੇ ਬਾਅਦ ਚਮਤਕਾਰੀ ਢੰਗ ਨਾਲ ਮਲਬੇ ਹੇਠੋਂ ਜ਼ਿੰਦਾ ਨਿਕਲੀ 4 ਸਾਲਾ ਮਾਸੂਮ (ਵੀਡੀਓ)
ਬਹੁਤ ਸਾਰੇ ਰਿਜ਼ਰਵ ਸੈਨਿਕ ਘਰਾਂ ਦੇ ਫਰਿੱਜਾਂ ਵਿੱਚ ਲੁਕ ਗਏ। ਉਨ੍ਹਾਂ ਨੂੰ ਜਬਰੀ ਬਾਹਰ ਕੱਢਿਆ ਜਾ ਰਿਹਾ ਹੈ। ਰੂਸ ਵਿੱਚ ਮਾਸਕੋ, ਸੇਂਟ ਪੀਟਰਸਬਰਗ ਸਮੇਤ 10 ਸ਼ਹਿਰਾਂ ਵਿੱਚ ਪ੍ਰਦਰਸ਼ਨ ਜਾਰੀ ਹਨ। ਕਈ ਸ਼ਹਿਰਾਂ ਵਿਚ ਪੁਲਿਸ ਨੇ ਪ੍ਰਦਰਸ਼ਨਕਾਰੀਆਂ ‘ਤੇ ਲਾਠੀਆਂ ਨਾਲ ਹਮਲਾ ਕੀਤਾ ਅਤੇ ਹਵਾ ਵਿਚ ਗੋਲੀਆਂ ਵੀ ਚਲਾਈਆਂ। 4 ਹਜ਼ਾਰ ਤੋਂ ਵੱਧ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਰਿਜ਼ਰਵ ਸੈਨਿਕ ਫਿਨਲੈਂਡ, ਜਾਰਜੀਆ, ਮੋਂਟੇਨੇਗਰੋ ਅਤੇ ਤੁਰਕੀ ਵੱਲ ਭੱਜ ਰਹੇ ਹਨ। ਇਨ੍ਹਾਂ ਦੇਸ਼ਾਂ ਵਿੱਚ ਰੂਸੀਆਂ ਨੂੰ ਵੀਜ਼ੇ ਦੀ ਲੋੜ ਨਹੀਂ ਹੈ।
ਰੂਸੀ ਰਿਜ਼ਰਵ ਸੈਨਿਕਾਂ ਦੇ ਪਰਿਵਾਰਾਂ ਨੂੰ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਦੇ ਪਰਿਵਾਰ ਵੀ ਦੂਜੇ ਸ਼ਹਿਰਾਂ ਵਿੱਚ ਚਲੇ ਗਏ ਹਨ। ਪ੍ਰਦਰਸ਼ਨ ਵਿੱਚ ਰਿਜ਼ਰਵ ਸੈਨਿਕ ਨਾਅਰੇ ਲਗਾ ਰਹੇ ਹਨ ਕਿ ਭਾਵੇਂ ਸਾਨੂੰ ਬੁੱਚੜਖਾਨੇ ਵਿੱਚ ਭੇਜ ਦਿਓ, ਪਰ ਯੂਕਰੇਨ ਦੇ ਮੋਰਚੇ ਵਿੱਚ ਨਹੀਂ ਜਾਣਗੇ। ਜੰਗ ਗਲਤ ਹੈ। ਪੁਤਿਨ ਨੇ ਮੰਗਲਵਾਰ ਨੂੰ ਹੀ ਸੰਸਦ ਤੋਂ ਬਿੱਲ ਪਾਸ ਕਰਵਾ ਲਿਆ, ਜਿਸ ‘ਚ ਮੋਰਚੇ ‘ਤੇ ਜਾਣ ਤੋਂ ਇਨਕਾਰ ਕਰਨ ‘ਤੇ ਜੇਲ੍ਹ ਦੀ ਸਜ਼ਾ ਦੀ ਵਿਵਸਥਾ ਹੈ। ਰੂਸੀ ਔਰਤਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਭਰਾ ਅਤੇ ਪਿਤਾ ਦੂਜਿਆਂ ਦੇ ਭਰਾ ਅਤੇ ਪਿਤਾ ਨੂੰ ਨਹੀਂ ਮਾਰਨਗੇ। ਯੂਕਰੇਨ ਨਹੀਂ ਜਾਣ ਦੇਵਾਂਗੇ।
ਇਹ ਵੀ ਪੜ੍ਹੋ : ਪੁਤਿਨ ਦੀ ਧਮਕੀ ਤੋਂ ਬਾਅਦ ਯੂਕਰੇਨ ‘ਚ ਲੋਕਾਂ ਨੇ ਛੱਡਣਾ ਸ਼ੁਰੂ ਕੀਤਾ ਦੇਸ਼, ਮਚੀ ਹਫੜਾ ਤਫੜੀ, ਜਾਣੋ ਕਾਰਨ। ..
