Sunny Deol Birthday Special: ਬਾਲੀਵੁੱਡ(bollywood) ਦੇ ਐਕਸ਼ਨ ਹੀਰੋ ਸੰਨੀ ਦਿਓਲ (Sunny Deol) ਅੱਜ ਆਪਣਾ 64ਵਾਂ ਜਨਮਦਿਨ ਮਨਾ ਰਹੇ ਹਨ। ਸੰਨੀ ਦਿਓਲ ਅਜਿਹੇ ਫਿਲਮੀ ਹੀਰੋ ਰਹੇ ਹਨ, ਜਿਨ੍ਹਾਂ ਦੇ ਉੱਚੇ-ਉੱਚੇ ਡਾਇਲਾਗ ਅੱਜ ਵੀ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦੇ ਬੁੱਲਾਂ ‘ਤੇ ਹਨ। ਸੰਨੀ ਦਿਓਲ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਸਾਲ 1983 ਵਿੱਚ ਫਿਲਮ ਬੇਤਾਬ ਨਾਲ ਕੀਤੀ ਸੀ।
ਸੰਨੀ ਦਿਓਲ ਲੰਬੇ ਸਮੇਂ ਤੋਂ ਹਿੰਦੀ ਫਿਲਮ ਇੰਡਸਟਰੀ ਵਿੱਚ ਹਿੱਟ ਰਹੇ ਸਨ। ਬਾਰਡਰ ਫ਼ਿਲਮ (Border Movie) ਦੇ ਮੇਜਰ ਕੁਲਦੀਪ ਸਿੰਘ ਤੋਂ ਲੈ ਕੇ ਗਦਰ ਦੇ ਤਾਰਾ ਸਿੰਘ ਤੱਕ ਸਨੀ ਦਿਓਲ ਨੂੰ ਇੱਕ ਕਿਰਦਾਰ ਵਜੋਂ ਖੂਬ ਪਸੰਦ ਕੀਤਾ ਗਿਆ ਸੀ। ਫਿਰ ਇੱਕ ਸਮਾਂ ਅਜਿਹਾ ਆਇਆ ਜਦੋਂ ਉਸ ਦੀਆਂ ਫਿਲਮਾਂ ਬਾਕਸ ‘ਤੇ ਸਫਲ ਹੋਣੀਆਂ ਬੰਦ ਹੋ ਗਈਆਂ। ਫਿਰ ਉਹ ਰਾਜਨੀਤੀ ਦੇ ਮੈਦਾਨ ਵਿਚ ਉਤਰਿਆ।
2019 ਦੀਆਂ ਆਮ ਚੋਣਾਂ ਵਿਚ, ਉਹ ਭਾਰਤੀ ਜਨਤਾ ਪਾਰਟੀ ਦੀ ਟਿਕਟ ‘ਤੇ ਪੰਜਾਬ ਦੀ ਗੁਰਦਾਸਪੁਰ (Gurdaspur MP) ਲੋਕ ਸਭਾ ਸੀਟ ਤੋਂ ਜਿੱਤ ਕੇ ਸੰਸਦ ਵਿਚ ਪਹੁੰਚੇ ਸਨ। ਸੰਨੀ ਦਿਓਲ ਕਰੋੜਾਂ ਦੀ ਜਾਇਦਾਦ ਦੇ ਮਾਲਕ ਹਨ। 2019 ਦੀਆਂ ਚੋਣਾਂ ਲਈ ਆਪਣੇ ਹਲਫਨਾਮੇ ‘ਚ ਉਨ੍ਹਾਂ ਨੇ ਆਪਣੀ ਜਾਇਦਾਦ ਦੀ ਜਾਣਕਾਰੀ ਦਿੱਤੀ ਸੀ।
2019 ਵਿੱਚ ਜਾਇਦਾਦ ਕਿੰਨੀ ਸੀ
ਸੰਨੀ ਦਿਓਲ ਨੇ ਲੋਕ ਸਭਾ ਚੋਣਾਂ ਦੌਰਾਨ ਆਪਣੀ ਜਾਇਦਾਦ ਦਾ ਵੇਰਵਾ ਦਿੱਤਾ ਸੀ। ਉਸ ਅਨੁਸਾਰ ਸੰਨੀ ਦਿਓਲ ਕੋਲ ਉਦੋਂ 60 ਕਰੋੜ ਰੁਪਏ ਦੀ ਚੱਲ ਅਤੇ 21 ਕਰੋੜ ਰੁਪਏ ਦੀ ਅਚੱਲ ਜਾਇਦਾਦ ਸੀ। ਸੰਨੀ ਦੀ ਪਤਨੀ ਪੂਜਾ ਕੋਲ 6 ਕਰੋੜ ਦੀ ਜਾਇਦਾਦ ਸੀ। ਜਿਨ੍ਹਾਂ ਵਿੱਚੋਂ 19 ਲੱਖ ਬੈਂਕ ਵਿੱਚ ਅਤੇ 16 ਲੱਖ ਨਕਦੀ ਵਿੱਚ ਸਨ।
ਇਸ ਤੋਂ ਇਲਾਵਾ ਸੰਨੀ ਕੋਲ 1.69 ਕਰੋੜ ਦੀ ਕਾਰ ਅਤੇ 1.56 ਕਰੋੜ ਦੇ ਗਹਿਣੇ ਸਨ। 2019 ਦੀਆਂ ਲੋਕ ਸਭਾ ਚੋਣਾਂ ਦੌਰਾਨ ਸੰਨੀ ਦਿਓਲ ਨੇ ਹਲਫਨਾਮੇ ‘ਚ ਦੱਸਿਆ ਸੀ ਕਿ ਉਨ੍ਹਾਂ ਦੀ ਪਤਨੀ ‘ਤੇ ਕਰੀਬ 53 ਕਰੋੜ ਰੁਪਏ ਦਾ ਕਰਜ਼ਾ ਹੈ।
2022 ਵਿੱਚ ਜਾਇਦਾਦ ਕਿੰਨੀ ਹੈ?
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਸਾਲ 2022 ‘ਚ ਸੰਨੀ ਦਿਓਲ ਦੀ ਕੁੱਲ ਜਾਇਦਾਦ 17 ਮਿਲੀਅਨ ਡਾਲਰ (133 ਕਰੋੜ ਰੁਪਏ) ਹੈ।ਉਨ੍ਹਾਂ ਦੀ ਮਹੀਨਾਵਾਰ ਆਮਦਨ ਇੱਕ ਕਰੋੜ ਰੁਪਏ ਦੱਸੀ ਜਾਂਦੀ ਹੈ ਅਤੇ ਉਹ ਇੱਕ ਫਲੀਮ ਲਈ ਪੰਜ ਕਰੋੜ ਰੁਪਏ ਫੀਸ ਵਸੂਲਦੇ ਹਨ। ਸੰਨੀ ਦਿਓਲ ਕੋਲ ਬਹੁਤ ਸਾਰੀਆਂ ਲਗਜ਼ਰੀ ਗੱਡੀਆਂ ਹਨ ਜਿਸ ਵਿੱਚ ਔਡੀ 8, ਰੇਂਜ ਰੋਵਰ ਵਰਗੀਆਂ ਕਈ ਗੱਡੀਆਂ ਸ਼ਾਮਲ ਹਨ।
