ਦੁਨੀਆ ‘ਚ ਚਾਹ ਪੀਣ ਵਾਲਿਆਂ ਦੀ ਕਮੀ ਨਾ ਕਦੇ ਸੀ ਤੇ ਨਾ ਹੀ ਹੈ।ਸਭ ਤੋਂ ਜਿਆਦਾ ਚਾਹ ਪੀਣ ਵਾਲੇ ਦੇਸ਼ਾਂ ‘ਚ ਭਾਰਤ ਦਾ ਦੂਜਾ ਸਥਾਨ ਹੈ।ਇੱਥੇ ਉਗਾਈ ਜਾਣ ਵਾਲੀ ਕੁਲ ਚਾਹ ਦਾ 80 ਫੀਸਦੀ ਹਿੱਸਾ ਭਾਰਤ ‘ਚ ਹੀ ਪੀਤਾ ਜਾਂਦਾ ਹੈ।ਬਲੈਕ ਟੀ ਦੀ ਗੱਲ ਕਰੀਏ ਤਾਂ ਇਸਦੀਆਂ ਜਿਆਦਾਤਰ ਕਿਸਮਾਂ ਅਸਮ, ਦਾਰਜੀਲਿੰਗ,ਕੇਨਯਾ, ਨੀਲਗਿਰੀ ਤੇ ਨੇਪਾਲ ‘ਚ ਉਗਾਈਆਂ ਜਾਂਦੀਆਂ ਹਨ।ਸਿਹਤ ‘ਤੇ ਇਸ ਬਲੈਕ ਟੀ ਦਾ ਚੰਗਾ ਅਸਰ ਦੇਖਣ ਨੂੰ ਮਿਲਦਾ ਹੈ।ਜਾਣੋ ਕਿਨ੍ਹਾਂ ਸਿਹਤ ਸਬੰਧੀ ਦਿੱਕਤਾਂ ਨੂੰ ਦੂਰ ਕਰਨ ‘ਚ ਕਾਲੀ ਚਾਹ ਲਾਭਦਾਇਕ ਸਾਬਤ ਹੁੰਦੀ ਹੈ।
ਬਲੈਕ ਟੀ ਪੀਣ ਦੇ ਲਾਭ: ਬਲੈਕ ਟੀ ਨੂੰ ਇਸਦੇ ਕੜਕ ਸਵਾਦ ਤੇ ਲੰਬੀ ਸ਼ੈਲਫ ਲਾਈਫ ਦੇ ਲਈ ਜਾਣਿਆ ਜਾਂਦਾ ਹੈ।ਇਸ ‘ਚ ਕਈ ਐਂਟੀਆਕਸੀਡੈਂਟ ਪਾਏ ਜਾਂਦੇ ਹਨ ਜੋ ਸਿਹਤ ਨੂੰ ਇਕ ਜਾਂ ਦੋ ਨਹੀਂ ਸਗੋਂ ਕਈ ਫਾਇਦੇ ਦਿੰਦੇ ਹਨ।ਕਈ ਲੋਕ ਵਰਕਆਊਟ ਤੋਂ ਪਹਿਲਾਂ ਐਨਰਜ਼ੀ ਤੇ ਮੈਟਾਬਲਾਜ਼ਿਮ ਨੂੰ ਵਧਾਉਣ ਲਈ ਬਲੈਕ ਟੀ ਪੀਂਦੇ ਹਨ।ਇਸ ਨਾਲ ਸਿਹਤ ਨੂੰ ਮਿਲਣ ਵਾਲਿਆਂ ਤੇ ਵੀ ਕੁਝ ਫਾਇਦਿਆਂ ਦੀ ਸੂਚੀ ਦਿੱਤੀ ਗਈ ਹੈ…
ਭਾਰ ਘਟਾਉਣ ‘ਚ ਅਸਰਦਾਰ: ਬਲੈਕ ਟੀ ਪੀਣ ‘ਤੇ ਮੈਟਾਬਲਾਜ਼ਿਮ ਬਿਹਤਰ ਹੁੰਦਾ ਹੈ ਜਿਸਦਾ ਅਸਰ ਭਾਰ ਘਟਣ ‘ਤੇ ਵੀ ਦੇਖਿਆ ਨੂੰ ਮਿਲਦਾ ਹੈ।ਇਸ ‘ਚ ਪਾਏ ਜਾਣ ਵਾਲੇ ਫਲੇਵੇਨਾਇਡਸ ਭਾਰ ਨੂੰ ਨਿਯੰਤਰਣ ਕਰਨ ‘ਚ ਕਾਰਗਰ ਹਨ।
ਬਲੱਡ ਸ਼ੂਗਰ ਘੱਟ ਕਰਨ ‘ਚ ਅਸਰ: ਡਾਇਬਟੀਜ਼ ਦੇ ਮਰੀਜ਼ ਇਸ ਬਲੈਕ ਟੀ ਨੂੰ ਪੀ ਸਕਦੇ ਹਨ।ਕਈ ਸਟੱਡੀਜ਼ ‘ਚ ਬਲੱਡ ਸ਼ੂਗਰ ਕੰਮ ਕਰਨ ‘ਚ ਬਲੈਕ ਟੀ ਨੂੰ ਕਾਰਗਰ ਮੰਨਿਆ ਗਿਆ ਹੈ।
ਬਲੱਡ ਸ਼ੂਗਰ ਘੱਟ ਕਰਨ ‘ਚ ਅਸਰ: ਡਾਇਬਟੀਜ਼ ਦੇ ਮਰੀਜ਼ ਇਸ ਬਲੈਕ ਟੀ ਨੂੰ ਪੀ ਸਕਦੇ ਹਨ।ਕਈ ਸਟੱਡੀਜ਼ ‘ਚ ਬਲੱਡ ਸ਼ੂਗਰ ਘੱਟ ਕਰਨ ‘ਚ ਬਲੈਕ ਟੀ ਨੂੰ ਕਾਰਗਰ ਮੰਨਿਆ ਗਿਆ ਹੈ।ਇਸਦੇ ਨਾਲ ਹੀ ਇਸ ਚਾਹ ਨੂੰ ਪੀਣ ‘ਤੇ ਬਲੱਡ ਸ਼ੂਗਰ ਦੇ ਅਚਾਨਕ ਵੱਧ ਜਾਣ ਦਾ ਖ਼ਤਰਾ ਵੀ ਘੱਟ ਹੋ ਜਾਂਦਾ ਹੈ।ਤੁਸੀਂ ਦਿਨ ‘ਚ 1-2 ਕੱਪ ਬਲੈਕ ਟੀ ਬੇਝਿਜਕ ਪੀ ਸਕਦੇ ਹੋ।
ਦਿਲ ਦੀ ਸਿਹਤ ਦੇ ਲਈ : ਬਲੈਕ ਟੀ ਪੀਣ ਨਾਲ ਸਰੀਰ ਦਾ ਬੈਡ ਕਾਲੈਸਟ੍ਰਾਲ ਘੱਟ ਹੋਣ ‘ਚ ਮਦਦ ਮਿਲਦੀ ਹੈ ਜਿਸ ਨਾਲ ਦਿਲ ਦੀ ਸਿਹਤ ‘ਤੇ ਚੰਗਾ ਅਸਰ ਪੈਂਦਾ ਹੈ।ਵਧਿਆ ਹੋਇਆ ਕੈਲੋਸਟ੍ਰਾਲ ਦਿਲ ਦੇ ਰੋਗਾਂ ਦਾ ਕਾਰਨ ਬਣਦਾ ਹੈ ਜਿਸ ਨਾਲ ਹਾਰਟ ਅਟੈਕ ਤੇ ਕਾਰਡੀਅਕ ਆਰੇਸਟ ਤਕ ਦੀ ਨੌਬਤ ਆ ਜਾਂਦੀ ਹੈ।ਇਸ ਚਾਹ ਨਾਲ ਸਰੀਰ ‘ਚ ਸੁਚਾਰੂ ਰਕਤ ਪ੍ਰਵਾਹ ਹੁੰਦਾ ਹੈ ਜੋ ਸਰੀਰ ਦੇ ਅੰਗਾਂ ਤੇ ਟੀਸ਼ੂਜ ਤਕ ਪ੍ਰਾਪਤ ਆਕਸੀਜਨ ਪਹੁੰਚਾਉਂਦਾ ਹੈ।
ਬੁਰੇ ਬੈਕਟੀਰੀਆ ਨੂੰ ਖ਼ਤਮ ਕਰਨਾ: ਫਲੇਨਨਾਇਡਸ ਤੇ ਪੋਲੀਫੇਨੋਲਸ ਨਾਲ ਭਰਪੂਰ ਬਲੈਕ ਟੀ ‘ਚ ਐਂਟੀਬੈਕਟੀਰੀਅਲ ਗੁਣ ਹੁੰਦੇ ਹਨ ਜੋ ਸਰੀਰ ਨਾਲ ਬੁਰੇ ਬੈਕਟੀਰੀਆ ਨੂੰ ਹਟਾਕੇ ਤੁਹਾਨੂੰ ਇਨਫੈਕਸ਼ਨ ਦੀ ਚਪੇਟ ‘ਚ ਆਉਣ ਤੋਂ ਬਚਾਉਂਦੇ ਹਨ।ਇਸਦੇ ਨਾਲ ਹੀ, ਵਾਰ ਵਾਰ ਪਸੀਨਾ ਆਉਣਾ, ਸਰੀਰ ‘ਚ ਖੁਜਲੀ, ਲਾਲ ਧੱਫੜ ਤੇ ਦਾਣਿਆਂ ਦੀ ਦਿਕਤ ਨੂੰ ਵੀ ਇਹ ਚਾਹ ਦੂਰ ਕਰਨ ‘ਚ ਅਸਰਦਾਰ ਹੈ।
ਪਾਚਨ ਦੇ ਲਈ: ਬਲੈਕ ਟੀ ‘ਚ ਪਾਏ ਜਾਣ ਵਾਲੇ ਟੈਨਿਨ ਤੇ ਐਂਟੀ-ਇੰਫਲੇਮੇਟਰੀ ਗੁਣ ਪਾਚਨ ਨੂੰ ਦਰੁਸਤ ਰੱਖਦੇ ਹਨ।ਇਸ ਚਾਹ ਨਾਲ ਪੇਟ ‘ਚ ਗੈਸ ਬਣਨ ਵਰਗੀਆਂ ਮੁਸ਼ਕਿਲਾਂ ਦੂਰ ਹੁੰਦੀਆਂ ਹਨ ਤੇ ਦਸਤ ਤੋਂ ਛੁਟਕਾਰਾ ਮਿਲਦਾ ਹੈ।ਇਹ ਚੰਗੇ ਗਟ ਬੈਕਟੀਰੀਆ ਨੂੰ ਵਧਾਉਣ ‘ਚ ਵੀ ਮਦਦਗਾਰ ਹੈ।
