ਉੱਤਰਾਖੰਡ ਦੀ ਇੱਕ 32 ਸਾਲਾ ਔਰਤ ਨੇ ਪੀਜੀਆਈਐਮਈਆਰ, ਚੰਡੀਗੜ੍ਹ ਵਿੱਚ ਇੱਕੋ ਸਮੇਂ ਗੁਰਦੇ-ਪੈਨਕ੍ਰੀਅਸ ਟ੍ਰਾਂਸਪਲਾਂਟ ਤੋਂ ਚਾਰ ਸਾਲ ਬਾਅਦ ਇੱਕ ਬੱਚੀ ਨੂੰ ਜਨਮ ਦਿੱਤਾ।ਪ੍ਰੋਫੈਸਰ ਆਸ਼ੀਸ਼ ਸ਼ਰਮਾ, ਰੀਨਲ ਟ੍ਰਾਂਸਪਲਾਂਟ ਸਰਜਰੀ ਵਿਭਾਗ ਦੇ ਮੁਖੀ, ਪੀਜੀਆਈਐਮਈਆਰ, ਨੇ ਸਾਂਝਾ ਕੀਤਾ, “ਭਾਰਤ ਵਿੱਚ ਹੁਣ ਤੱਕ 150 ਤੋਂ ਘੱਟ ਪੈਨਕ੍ਰੀਅਸ ਟ੍ਰਾਂਸਪਲਾਂਟ ਕੀਤੇ ਗਏ ਹਨ। ਇਹਨਾਂ ਵਿੱਚੋਂ, ਇਕੱਲੇ ਪੀਜੀਆਈਐਮਈਆਰ ਨੇ 38 ਤੋਂ ਵੱਧ ਯੋਗਦਾਨ ਪਾਇਆ ਹੈ। ਸਾਡੇ ਸੰਸਥਾਨ ਵਿੱਚ ਪੈਨਕ੍ਰੀਅਸ ਟ੍ਰਾਂਸਪਲਾਂਟ ਤੋਂ ਬਾਅਦ ਹੋਣ ਵਾਲਾ ਇਹ ਪਹਿਲਾ ਜਣੇਪਾ ਹੈ ਅਤੇ ਸੰਭਵ ਤੌਰ ‘ਤੇ ਭਾਰਤ ਵਿੱਚ ਇਹ ਪਹਿਲਾ ਹੈ। ਜਦੋਂ ਕਿ ਵਿਸ਼ਵ ਪੱਧਰ ‘ਤੇ ਪੈਨਕ੍ਰੀਅਸ ਟ੍ਰਾਂਸਪਲਾਂਟ ਸੰਯੁਕਤ ਰਾਜ ਵਿੱਚ ਲਗਭਗ 35,000 ਪੈਨਕ੍ਰੀਅਸ ਟ੍ਰਾਂਸਪਲਾਂਟ ਕੀਤੇ ਜਾਣ ਦੇ ਨਾਲ ਕਾਫ਼ੀ ਆਮ ਹੈ, ਇਹ ਸਾਡੇ ਦੇਸ਼ ਵਿੱਚ ਹੁਣੇ ਸ਼ੁਰੂ ਹੋਇਆ ਹੈ।
ਪੀ. ਜੀ. ਆਈ. ਦੀ ਮੰਨੀਏ ਤਾਂ ਅਜਿਹਾ ਦੇਸ਼ ‘ਚ ਪਹਿਲੀ ਵਾਰ ਹੋਇਆ ਹੈ, ਜਦੋਂ ਔਰਤ ਨੇ ਪੈਂਕਰਿਆਜ ਟਰਾਂਸਪਲਾਂਟ ਹੋਣ ਤੋਂ ਬਾਅਦ ਬੱਚੇ ਨੂੰ ਜਨਮ ਦਿੱਤਾ। ਪੀ. ਜੀ. ਆਈ. ਰੀਨਲ ਟ੍ਰਾਂਸਪਲਾਂਟ ਸਰਜਰੀ ਦੇ ਮੁਖੀ ਪ੍ਰੋ. ਆਸ਼ੀਸ਼ ਸਰਮਾ ਅਨੁਸਾਰ ਸੰਸਥਾ ਟ੍ਰਾਂਸਪਲਾਂਟ ਸਰਜਰੀ ‘ਚ ਵਧੀਆ ਕੰਮ ਕਰ ਰਹੀ ਹੈ। ਦੇਸ਼ ‘ਚ ਹੁਣ ਤੱਕ 150 ਤੋਂ ਘੱਟ ਪੈਂਕਰਿਆਜ ਟਰਾਂਸਪਲਾਂਟ ਕੀਤੇ ਜਾ ਚੁੱਕੇ ਹਨ, ਜਦੋਂ ਕਿ ਇਕੱਲੇ ਪੀ. ਜੀ. ਆਈ. ‘ਚ 38 ਮਾਮਲੇ ਸਾਹਮਣੇ ਆਏ ਹਨ।
ਪੀ. ਜੀ. ਆਈ. ‘ਚ ਇਸ ਦੇ ਨਾਲ ਹੀ ਇਹ ਦੇਸ਼ ਦਾ ਪਹਿਲਾ ਮਾਮਲਾ ਹੈ, ਜੋ ਮਾਣ ਵਾਲੀ ਗੱਲ ਹੈ। ਯੂ. ਐੱਸ. ‘ਚ ਲਗਭਗ 35 ਹਜ਼ਾਰ ਅਜਿਹੇ ਟਰਾਂਸਪਲਾਂਟ ਹੋ ਚੁੱਕੇ ਹਨ ਪਰ ਭਾਰਤ ‘ਚ ਇਹ ਕੁੱਝ ਸਾਲ ਪਹਿਲਾਂ ਹੀ ਸ਼ੁਰੂ ਹੋਏ ਹਨ। ਐਂਡੋਕਰੀਨੋਲਾਜੀ ਦੇ ਮੁਖੀ ਪ੍ਰੋ. ਸੰਜੇ ਬੜਾਡਾ ਨੇ ਦੱਸਿਆ ਕਿ ਔਰਤ ਨੂੰ ਹਰ ਰੋਜ਼ 70 ਯੂਨਿਟ ਇੰਸੂਲਿਨ ਦੀ ਲੋੜ ਹੁੰਦੀ ਸੀ।
ਇਸ ਦੇ ਬਾਵਜੂਦ ਇਸ ਨੂੰ ਕੰਟਰੋਲ ਕਰਨਾ ਮੁਸ਼ਕਿਲ ਸੀ। 2016 ‘ਚ ਉਸ ਨੂੰ ਵੈਂਟੀਲੇਟਰ ਸਪੋਰਟ ਨਾਲ ਹਸਪਤਾਲ ‘ਚ ਦਾਖ਼ਲ ਕਰਵਾਉਣ ਦੀ ਵੀ ਲੋੜ ਸੀ। ਫਿਰ ਪਤਾ ਲੱਗਾ ਕਿ ਕਿਡਨੀ ਫੇਲ੍ਹ ਹੋ ਗਈ ਸੀ ਤਾਂ ਪੂਰੇ ਸਰੀਰ ‘ਚ ਸੋਜ ਆ ਗਈ ਸੀ। 2018 ‘ਚ ਹਫ਼ਤੇ ‘ਚ ਦੋ ਵਾਰ ਡਾਇਲਸਿਸ ਕੀਤਾ ਜਾਂਦਾ ਸੀ ਪਰ 4 ਸਾਲ ਪਹਿਲਾਂ ਔਰਤ ਨੂੰ ਪੀ. ਜੀ. ਆਈ. ’ਚ ਬ੍ਰੇਨ ਡੈੱਡ ਮਰੀਜ਼ ਦੇ ਅੰਗ ਟਰਾਂਸਪਲਾਂਟ ਕੀਤੇ ਗਏ ਸਨ। ਹੁਣ ਇਹ ਔਰਤ ਆਮ ਜ਼ਿੰਦਗੀ ਜੀਅ ਰਹੀ ਹੈ ਅਤੇ ਇਕ ਬੱਚੀ ਦੀ ਮਾਂ ਬਣ ਗਈ ਹੈ।
ਪੀ. ਜੀ. ਆਈ. ਗਾਇਨੀ ਵਿਭਾਗ ਤੋਂ ਪ੍ਰੋ. ਸੀਮਾ ਚੋਪੜਾ ਦੀ ਦੇਖ-ਰੇਖ ‘ਚ ਇਹ ਡਲਿਵਰੀ ਹੋਈ। ਇਸ ਦੁਰਲੱਭ ਕੇਸ ਸਬੰਧੀ ਉਨ੍ਹਾਂ ਕਿਹਾ ਕਿ ਇਹ ਆਸਾਨ ਨਹੀਂ ਸੀ, ਇਸ ਕੇਸ ਦੀਆਂ ਆਪਣੀਆਂ ਵੱਡੀਆਂ ਚੁਣੌਤੀਆਂ ਸਨ ਪਰ ਸਾਨੂੰ ਖੁਸ਼ੀ ਹੈ ਕਿ ਅਸੀਂ ਬਿਨਾਂ ਕਿਸੇ ਮੁਸ਼ਕਿਲ ਦੇ ਡਲਿਵਰੀ ਕਰਨ ‘ਚ ਸਫ਼ਲ ਰਹੇ। ਮਰੀਜ਼ ਦਾ ਸ਼ੂਗਰ, ਹਾਈਪਰਟੈਂਸ਼ਨ ਅਤੇ ਗੁਰਦੇ ਫੇਲ੍ਹ ਹੋਣ ਦਾ ਇਤਿਹਾਸ ਹੈ। ਅਜਿਹੇ ‘ਚ ਸਾਰੇ ਮਾਹਿਰਾਂ ਦੀ ਆਪਣੀ-ਆਪਣੀ ਰਾਏ ਸੀ। ਇਸ ਦੇ ਬਾਵਜੂਦ ਗਇਨੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਉਨ੍ਹਾਂ ਕਿਹਾ ਕਿ ਇਹ ਚੰਗੀ ਗੱਲ ਸੀ ਕਿ ਗਰਭ ਅਵਸਥਾ ਦੌਰਾਨ ਔਰਤ ਦਾ ਗੁਲੂਕੋਜ਼, ਬਲੱਡ ਪ੍ਰੈਸ਼ਰ ਅਤੇ ਗੁਰਦੇ ਠੀਕ ਸਨ। ਜ਼ਿਆਦਾ ਖ਼ਤਰੇ ਦੇ ਮੱਦੇਨਜ਼ਰ, ਅਸੀਂ 9ਵੇਂ ਮਹੀਨੇ ‘ਚ ਸੀਜੇਰੀਅਨ ਕਰਨ ਦਾ ਫ਼ੈਸਲਾ ਕੀਤਾ ਸੀ। ਮਾਂ ਅਤੇ ਬੱਚਾ ਦੋਵੇਂ ਤੰਦਰੁਸਤ ਹਨ। ਬੱਚੇ ਦਾ ਭਾਰ 2.5 ਕਿਲੋ ਹੈ। ਜ਼ਿਕਰਯੋਗ ਹੈ ਕਿ 2005 ‘ਚ ਔਰਤ ਨੂੰ ਪਤਾ ਲੱਗਾ ਕਿ ਉਹ ਟਾਈਪ ਵੰਨ ਡਾਈਬਿਟੀਜ਼ ਤੋਂ ਪੀੜਤ ਹੈ। 13 ਸਾਲ ਦੀ ਉਮਰ ਤੋਂ ਔਰਤ ਦਾ ਪੀ. ਜੀ. ਆਈ. ਐਂਡੋਕਰੀਨੋਲੋਜੀ ‘ਚ ਇਲਾਜ ਚੱਲ ਰਿਹਾ ਸੀ।
ਇਹ ਵੀ ਪੜ੍ਹੋ : ਦੁਨੀਆ ‘ਚ ਇਹ ਤਿੰਨ ਲੋਕਾਂ ਨੂੰ ਬਿਨ੍ਹਾਂ ਪਾਸਪੋਰਟ ਕਿਤੇ ਵੀ ਜਾਣ ਦੀ ਹੈ ਆਜ਼ਾਦੀ, ਜਾਣੋ ਕੌਣ ਹਨ ਇਹ ਲੋਕ?
ਇਹ ਵੀ ਪੜ੍ਹੋ : ਫਲਿੱਪਕਾਰਟ ਦੀ ਬਿਗ ਬਿਲੀਅਨ ਡੇਜ਼ ਸੇਲ ਤੋਂ ਆਰਡਰ ਕੀਤਾ ਲੈਪਟਾਪ,ਪੈਕਿੰਗ ਖੋਲ੍ਹਣ ‘ਤੇ ਜੋ ਵਿੱਚੋਂ ਨਿਕਲਿਆ ਦੇਖ ਕੇ ਉੱਡੇ ਹੋਸ਼…
