ਬੀਤੇ ਇੱਕ ਪਹਿਲਾਂ ਗੈਂਗਸਟਰ ਦੀਪਕ ਟੀਨੂੰ ਜੋ ਕਿ ਮਾਨਸਾ ਸੀਆਈਏ ਸਟਾਫ ਦੀ ਗ੍ਰਿਫਤ ‘ਚੋਂ ਫਰਾਰ ਹੋ ਗਿਆ ਸੀ।ਦੱਸ ਦੇਈਏ ਕਿ 58 ਘੰਟੇ ਬੀਤਣ ਦੇ ਬਾਅਦ ਵੀ ਗੈਂਗਸਟਰ ਦੀਪਕ ਟੀਨੂੰ ਨੂੰ ਲੱਭਣ ‘ਚ ਪੁਲਿਸ ਅਸਫਲ ਹੈ।ਹੁਣ ਦੀਪਕ ਟੀਨੂੰ ਦੀ ਪ੍ਰੇਮਿਕਾ ਨਾਲ ਜੁੜੀ ਇਕ ਵੱਡੀ ਖ਼ਬਰ ਨਿਕਲ ਕੇ ਸਾਹਮਣੇ ਆ ਰਹੀ ਹੈ।ਜਾਣਕਾਰੀ ਮੁਤਾਬਕ ਗੈਂਗਸਟਰ ਦੀਪਕ ਟੀਨੂੰ ਦੀ ਪ੍ਰੇਮਿਕਾ ਇੱਕ ਪੁਲਿਸ ਮੁਲਾਜ਼ਮ ਹੈ।
ਜੋ ਕਿ ਇੱਕ ਹੈਰਾਨ ਕਰਨ ਵਾਲੀ ਤੇ ਪੁਲਿਸ ਦੀ ਰਾਤਾਂ ਦੀ ਨੀਂਦ ਉਡਾ ਦੇਣ ਵਾਲੀ ਖਬਰ ਹੈ।ਦੱਸਣਯੋਗ ਹੈ ਕਿ ਗੈਂਗਸਟਰ ਦੀਪਕ ਟੀਨੂੰ ਫਰਾਰ ਹੋਣ ਤੋਂ ਪਹਿਲਾਂ ਆਪਣੀ ਪ੍ਰੇਮਿਕਾ ਨਾਲ ਇਕ ਹੋਟਲ ‘ਚ ਰੁਕਿਆ ਹੋਇਆ ਸੀ।ਦੱਸ ਦੇਈਏ ਕਿ ਗੈਂਗਸਟਰ ਟੀਨੂੰ ਨੂੰ ਉਸਦੀ ਪ੍ਰੇਮਿਕਾ ਨਾਲ ਮਿਲਾਉਣ ਵਾਲਾ ਵੀ ਪੁਲਿਸ ਮੁਲਾਜ਼ਮ ਹੈ ਤੇ ਉਸਦੀ ਪ੍ਰੇਮਿਕਾ ਖੁਦ ਇੱਕ ਪੁਲਿਸ ਕਾਂਸਟੇਬਲ ਹੈ।
ਕਿਉਂਕਿ ਉਸ ਦੇ ਭੱਜਣ ਪਿੱਛੇ ਪੰਜਾਬ ਪੁਲਿਸ ਦੇ ਅਧਿਕਾਰੀ ਦੀ ਹੀ ਨਲਾਇਕੀ ਸਾਹਮਣੇ ਆਈ ਹੈ। ਉਸਦੀ ਮਦਦ ਕਰਨ ਵਾਲੇ ਸੀ. ਆਈ. ਏ. ਇੰਚਾਰਜ ਪ੍ਰਿਤਪਾਲ ਸਿੰਘ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।ਕਿਉਂਕਿ ਪ੍ਰਿਤਪਾਲ ਹੀ ਹੋਟਲ ਵਿਚ ਟੀਨੂੰ ਨੂੰ ਉਸਦੀ ਪ੍ਰੇਮਿਕਾ ਨਾਲ ਮਿਲਵਾਉਣ ਲੈ ਕੇ ਗਿਆ ਸੀ। ਜਿਸਤੋਂ ਬਾਅਦ ਉਹ ਫਰਾਰ ਹੋਇਆ। ਪੁਲਿਸ ਵੱਲੋਂ ਇਸ ਸਾਰੇ ਘਟਨਾਕ੍ਰਮ ਦੀਆਂ ਕੜੀਆਂ ਜੋੜੀਆਂ ਜਾ ਰਹੀਆਂ ਹਨ ਅਤੇ ਉਸ ਪ੍ਰੇਮਿਕਾ ਨੂੰ ਵੀ ਭਾਲਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਜਿਸਨੂੰ ਦੀਪਕ ਟੀਨੂੰ ਮਿਲਣ ਗਿਆ।ਜਦੋਂ ਪ੍ਰੇਮਿਕਾ ਬਾਰੇ ਪਤਾ ਲਗਾਉਣ ਵਿਚ ਪੁਲਿਸ ਜੁਟੀ ਤਾਂ ਕੁਝ ਨਵੇਂ ਖੁਲਾਸੇ ਹੋਏ। ਜਿਹਨਾਂ ਬਾਰੇ ਜਾਣ ਕੇ ਪੰਜਾਬ ਪੁਲਿਸ ਵੀ ਹੱਕੀ ਬੱਕੀ ਰਹਿ ਗਈ।
ਦੀਪਕ ਟੀਨੂੰ ਦੀ ਪ੍ਰੇਮਿਕਾ ਦਾ ਪਤਾ ਲਗਾਉਣ ਵਾਲੀ ਪੁਲਿਸ ਟੀਮ ਖੁਦ ਹੀ ਹੈਰਾਨ ਰਹਿ ਗਈ। ਕਿਉਂਕ ਟੀਨੂੰ ਦੀ ਪ੍ਰੇਮਿਕਾ ਕੋਈ ਹੋਰ ਨਹੀਂ ਸੀ ਬਲਕਿ ਪੁਲਿਸ ਵਾਲੀ ਹੀ ਸੀ ਜੋ ਕਿ ਪੰਜਾਬ ਪੁਲਿਸ ਵਿਚ ਕਾਂਸਟੇਬਲ ਸੀ। ਉਹ ਮਾਝੇ ਨਾਲ ਸਬੰਧ ਰੱਖਦੀ ਹੈ ਅਤੇ ਮਾਲਵਾ ਵਿਚ ਡਿਊਟੀ ‘ਤੇ ਤੈਨਾਤ ਹੈ।ਉਸਨੇ ਹੀ ਦੀਪਕ ਨੂੰ ਭਜਾਉਣ ਲਈ ਹਰ ਹਥਕੰਢਾ ਵਰਤਿਆ ਸੀ।
ਹੁਣ ਤੱਕ ਮਿਲੀ ਜਾਣਕਾਰੀ ਤੋਂ ਪਤਾ ਲੱਗਾ ਹੈ ਕਿ ਪ੍ਰੋਡਕਸ਼ਨ ਵਾਰੰਟ ‘ਤੇ ਲਿਆਉਣ ਦਰਮਿਆਨ ਮਹਿਲਾ ਕਾਂਸਟੇਬਲ ਦੀ ਦੀਪਕ ਟੀਨੂੰ ਨਾਲ ਮੁਲਾਕਾਤ ਹੋਈ ਸੀ ਅਤੇ ਫਿਰ ਫੋਨ ‘ਤੇ ਗੱਲਬਾਤ ਹੋਣ ਦਾ ਸਿਲਸਿਲਾ ਸ਼ੁਰੂ ਹੋਇਆ।ਫਿਰ ਮਿਲਣ ਦਾ ਸਿਲਸਿਲਾ ਸ਼ੁਰੂ ਹੋਇਆ ਅਤੇ ਫਿਰ ਨਾਟਕੀ ਢੰਗ ਨਾਲ ਦੀਪਕ ਟੀਨੂੰ ਫਰਾਰ ਹੋ ਗਿਆ।ਪਰ ਸੀ. ਆਈ. ਏ. ਇੰਚਾਰਜ ਪ੍ਰਿਤਪਾਲ ਸਿੰਘ ਦੀ ਨਲਾਇਕੀ ਇਹ ਰਹੀ ਕਿ ਐਨੇ ਵੱਡੇ ਅਪਰਾਧੀ ਨੂੰ ਖੁੱਲੇਆਮ ਮਨਮਾਨੀਆਂ ਕਰਨ ਦੀ ਛੂਟ ਦਿੱਤੀ ਗਈ। ਇਹ ਦੱਸ ਦਈਏ ਕਿ ਸੀ. ਆਈ. ਏ. ਸਟਾਫ਼ ਵਿਚ ਬਹੁਤ ਹੀ ਕਾਬਿਲ ਅਤੇ ਸਖ਼ਤ ਸੁਭਾਅ ਦਾ ਅਧਿਕਾਰੀ ਹੀ ਕੰਮ ਕਰ ਸਕਦਾ ਹੈ। ਪਰ ਪ੍ਰਿਤਪਾਲ ਸਿੰਘ ਵੱਲੋਂ ਬਹੁਤ ਹੀ ਗੈਰ ਜ਼ਿੰਮੇਵਰਾਨਾ ਹਰਕਤ ਕੀਤੀ ਗਈ। ਹੁਣ ਦੋਸ਼ੀ ਪੁਲਿਸ ਅਧਿਕਾਰੀ ਵੀ ਹਿਰਾਸਤ ਵਿਚ ਹੈ ਅਤੇ ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : VIDEO: ਦੀਪਕ ਟੀਨੂੰ ਤੋਂ ਬਾਅਦ ਇੱਕ ਹੋਰ ਵੱਡਾ ਗੈਂਗਸਟਰ-ਤਸਕਰ ਹਸਪਤਾਲ ‘ਚੋਂ ਹੋਇਆ ਫ਼ਰਾਰ
ਇਹ ਵੀ ਪੜ੍ਹੋ : 1058 ਸਾਲ ਉਮਰ ਦਾ ਇਹਨਾਂ ਭੈਣ -ਭਰਾਵਾਂ ਨੇ ਬਣਾਇਆ ਅਨੋਖਾ ਵਰਲਡ ਰਿਕਾਰਡ ! ਪੜ੍ਹ ਕੇ ਹੋ ਜਾਵੋਂਗੇ ਹੈਰਾਨ
