ਅੰਮ੍ਰਿਤਸਰ ਦੇਹਾਤੀ ਪੁਲਿਸ ਅਧੀਨ ਆਉਂਦੇ ਪਿੰਡ ਧੁਪਸੜੀ ‘ਚ ਘਰਵਾਲੀ ਅਤੇ ਬਾਹਰ ਵਾਲੀ ਆਹਮਣੇ ਸਾਹਮਣੇ ਹੋ ਗਈ, ਜਿਸ ਦੌਰਾਨ ਘਰਵਾਲੀ ਨੇ ਆਪਣੇ ਪਤੀ ਦੇ ਨਾਲ ਮਿਲ ਕੇ ਬਾਹਰ ਵਾਲੀ ਨੂੰ ਖੂਬ ਕੁੱਟਿਆ, ਜਿਸ ‘ਤੇ ਪੁਲਿਸ ਨੇ ਦੋਸ਼ੀ ਪਤੀ ਪਤਨੀ ਦੇ ਵਿਰੁੱਧ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਕੀ ਸੀ ਵੀਡੀਓ ‘ਚ : ਪਿੰਡ ਧੁਪਸੜੀ ਦੀ ਰਹਿਣ ਵਾਲੀ ਰਜਵੰਤ ਕੌਰ ਦਾ ਕਹਿਣਾ ਕਿ ਉਸਦੇ ਪਿੰਡ ਦੇ ਹੀ ਅਮਰ ਮਸੀਹ ਦੇ ਨਾਲ ਪ੍ਰੇਮ ਸਬੰਧ ਸੀ, ਪਰ ਕੁਝ ਸਾਲਾਂ ਤੋਂ ਉਹ ਸਭ ਕੁਝ ਛੱਡ ਕੇ ਆਪਣੇ ਪੇਕੇ ਰਹਿ ਰਹੀ ਸੀ।ਅੱਜ ਉਹ ਪਿੰਡ ‘ਚ ਜਾ ਰਹੀ ਸੀ ਕਿ ਅਮਰ ਮਸੀਹ ਤੇ ਉਸਦੀ ਪਤਨੀ ਉਰਮਿਲਾ ਇਨੋਵਾ ਗੱਡੀ ਚ ਆਏ ਅਤੇ ਉਸ ਨੂੰ ਫੜ ਕੇ ਬੁਰੀ ਤਰ੍ਹਾਂ ਨਾਲ ਕੁੱਟਣ ਲੱਗੇ।ਦੋਸ਼ੀ ਅਮਰ ਮਸੀਹ ਨੇ ਉਸਦੇ ਲੜਕੇ ਨੂੰ ਨਸ਼ੇ ‘ਤੇ ਲਗਾ ਕੇ ਰੱਖ ਦਿੱਤਾ, ਜਿਸ ਸਬੰਧ ‘ਚ ਉਸਨੇ ਪੁਲਿਸ ਕਮਿਸ਼ਨਰ ਨੂੰ ਸ਼ਿਕਾਇਤ ਦਿੱਤੀ ਸੀ,
ਇਸਦੇ ਬਾਅਦ ਉਸਨੇ ਉਸ ਨੂੰ ਬੰਦੀ ਬਣਾ ਕੇ ਆਪਣੇ ਘਰ ‘ਚ ਰੱਖਿਆ ਹੋਇਆ ਸੀ, ਉਹ ਉਥੋਂ ਭੱਜ ਨਿਕਲੀ ਪਰ ਅੱਜ ਉਸ ਨੂੰ ਮਾਰਨ ਦੀ ਨੀਅਤ ਨਾਲ ਉਸ ‘ਤੇ ਪਹਿਲਾਂ ਗੱਡੀ ਚੜ੍ਹਾਉਣ ਦਾ ਯਤਨ ਕੀਤਾ ਜਿਸਦੇ ਬਾਅਦ ਉਰਮਿਲਾ ਨੇ ਉਸਦੀ ਹੱਤਿਆ ਨਾਲ ਉਸਦੇ ਸਿਰ ਤੇ ਇੱਟਾਂ ਨਾਲ ਵਾਰ ਕੀਤਾ।ਰਜਵੰਤ ਕੌਰ ਦਾ ਕਹਿਣਾ ਹੈ ਕਿ ਇਹ ਘਟਨਾ 13 ਅਪ੍ਰੈਲ ਦੀ ਹੈ।ਜਿਸ ਸਬੰਧੀ ਉਸਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਸੀ, ਪਰ ਅੱਜ ਤਕ ਪੁਲਿਸ ਵਲੋਂ ਕੋਈ ਕਾਨੂੰਨੀ ਕਾਰਵਾਈ ਨਹੀਂ ਕੀਤੀ ਗਈ ਜਦੋਂਕਿ ਵਾਇਰਲ ਹੋਈ, ਵੀਡੀਓ ‘ਚ ਇਹ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਉਰਮਿਲਾ ਉਸਦੇ ਸਿਰ ‘ਤੇ ਇੱਟਾਂ ਨਾਲ ਵਾਰ ਕਰ ਰਹੀ ਹੈ।
ਕੀ ਕਹਿਣਾ ਹੈ ਪੁਲਿਸ ਦਾ: ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਿਕਾਇਤ ਦੇ ਆਧਾਰ ‘ਤੇ ਉਰਮਿਲਾ ਤੇ ਉਸਦੇ ਪਤੀ ਅਮਰ ਮਸੀਹ ਦੇ ਵਿਰੁਧ ਕੇਸ ਦਰਜ ਕਰ ਲਿਆ ਗਿਆ ਹੈ।ਪੁਲਿਸ ਅਗੇ ਦੀ ਜਾਂਚ ਕਰ ਰਹੀ ਹੈ।
