ਪੰਜਾਬ ਦੇ ਲੁਧਿਆਣਾ ‘ਚ ਘਰ ਤੋਂ ਭੱਜ ਕੇ ਲੜਕਾ ਤੇ ਲੜਕੀ ਨੇ ਲਵ ਮੈਰਿਜ ਕਰਾਈ ਸੀ।ਲਵ ਮੈਰਿਜ ਦੇ ਬਾਅਦ ਦੋਵਾਂ ਨੇ ਆਪਣੇ ਆਪਣੇ ਪਰਿਵਾਰਾਂ ਨੂੰ ਵਟਸਅਪ ‘ਤੇ ਫੋਟੋ ਪਾ ਕੇ ਵਿਆਹ ਕਰਾਉਣ ਦੀ ਜਾਣਕਾਰੀ ਦਿੱਤੀ, ਪਰ 2 ਦਿਨ ਬਾਅਦ ਹੀ ਨਵਵਿਆਹੇ ਜੋੜੇ ਨੇ ਨਹਿਰ ‘ਚ ਛਾਲ ਮਾਰ ਖੁਦਕੁਸ਼ੀ ਕਰ ਲਈ।ਪੁਲਿਸ ਨੇ ਦੋਵਾਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਹਨ ਅਤੇ ਦੋਵਾਂ ਦਾ ਪੋਸਟਮਾਰਟਮ ਕਰਵਾ ਕੇ ਲਾਸ਼ਾਂ ਪਰਿਵਾਰਾਂ ਨੂੰ ਸੌਂਪ ਦਿੱਤੀਆਂ ਗਈਆਂ ਹਨ।
ਕਿਲਾ ਰਾਏਕੋਟ ਦਾ ਹੈ ਮਾਮਲਾ: ਮਾਮਲਾ ਲੁਧਿਆਣਾ ਦੇ ਥਾਣਾ ਡਹਲੋਂ ਦੇ ਅਧੀਨ ਕਿਲ੍ਹਾ ਕਿਲਾ ਰਾਏਕੋਟ ਦਾ ਹੈ।ਨੌਜਵਾਨ ਹਰਸ਼ਨਜੋਤ ਸਿੰਘ ਅਤੇ ਲੜਕੀ ਰਾਜਜੋਤ ਕੌਰ ਦੋਵਾਂ ਨੇ ਘਰ ਤੋਂ ਭੱਜ ਕੇ 1 ਜੁਲਾਈ ਨੂੰ ਵਿਆਹ ਕਰ ਲਿਆ ਸੀ ਅਤ ਵਿਆਹ ਤੋਂ ਬਾਅਦ ਦੋਵਾਂ ਨੇ ਆਪਣੇ ਆਪਣੇ ਪਰਿਵਾਰਾਂ ਨੂੰ ਇਕ ਵਿਆਹ ਦੀ ਫੋਟੋ ਭੇਜੀ, ਤਾਂ ਕਿ ਉਨ੍ਹਾਂ ਨੂੰ ਵਿਆਹ ਦਾ ਪਤਾ ਲੱਗ ਸਕੇ।ਪਰ 2 ਦਿਨ ਬਾਅਦ ਹੀ ਦੋਵਾਂ ਨੇ ਨੇੜੇ ਦੀ ਨਹਿਰ ‘ਚ ਛਾਲ ਮਾਰ ਦਿੱਤੀ।
ਲੜਕੀ ਦੇ ਪਿਤਾ ਨੇ ਦਰਜ ਕਰਾਈ ਸੀ ਸ਼ਿਕਾਇਤ
ਮਾਮਲੇ ਦੇ ਜਾਂਚ ਕਰ ਰਹੇ ਥਾਣਾ ਦੇਹਲੋਂ ਦੇ ਐਸਐਚਓ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਲੜਕੀ ਰਾਜਜੋਤ ਕੌਰ ਦੇ ਪਿਤਾ ਬਲਜੀਤ ਸਿੰਘ ਨੇ ਉਨ੍ਹਾਂ ਦੇ ਕੋਲ 30 ਜੂਨ ਨੂੰ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਨ੍ਹਾਂ ਦੀ 21 ਸਾਲਾ ਬੇਟੀ ਰਾਜਜੋਤ ਕੌਰ ਘਰ ਤੋਂ ਲਾਪਤਾ ਹੈ ਅਤੇ ਉਨ੍ਹਾਂ ਨੂੰ ਸ਼ੱਕ ਹੈ ਕਿ ਪਿੰਡ ਦਾ ਹੀ ਲੜਕਾ ਹਰਸ਼ਨਜੋਤ ਸਿੰਘ ਉਨ੍ਹਾਂ ਦੀ ਕੁੜੀ ਨੂੰ ਭਜਾ ਕੇ ਲੈ ਗਿਆ ਹੈ।ਪੁਲਿਸ ਨੇ ਸ਼ਿਕਾਇਤ ਦਰਜ ਕਰਕੇ ਦੋਵਾਂ ਨੂੰ ਲੱਭਣਾ ਸ਼ੁਰੂ ਕਰ ਦਿੱਤਾ ਸੀ।
ਐਸਐਚਓ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ 1 ਜੁਲਾਈ ਨੂੰ ਦੋਵਾਂ ਨੇ ਕੋਰਟ ਮੈਰਿਜ ਕੀਤੀ ਸੀ।ਵਿਆਹ ਦਾ ਪਤਾ ਉਦੋਂ ਲੱਗਾ ਜਦੋਂ ਦੋਵਾਂ ਨੇ ਪਰਿਵਾਰਾਂ ਨੂੰ ਫੋਟੋ ਭੇਜੀ।ਵਿਆਹ ਦੇ ਬਾਅਦ ਦੋਵੇਂ ਆਪਣੇ ਘਰ ਜਾਣ ਦੀ ਥਾਂ ਕਿੱਥੇ ਗਏ ਕਿਸੇ ਨੂੰ ਨਹੀਂ ਪਤਾ।
