ਦੁਨੀਆਂ ਵਿੱਚ ਬੰਦਾ ਚਾਹੇ ਕਿੰਨਾ ਵੀ ਤਾਕਤਵਰ ਕਿਉਂ ਨਾ ਹੋਵੇ ਪਰ ਉਸਨੂੰ ਇੱਕ ਹੀ ਚੀਜ਼ ਤੋਂ ਡਰਦਾ ਹੈ ਜਿਸਦਾ ਨਾਂਅ ਹੈ ਮੌਤ। ਹਰ ਮਨੁੱਖ ਚਾਹੁੰਦਾ ਹੈ ਕਿ ਉਹ ਲੰਮੀ ਉਮਰ ਭੋਗੇ ਅਤੇ ਉਹ ਮੌਤ ਦੇ ਆਖਰੀ ਪਲਾਂ ਵਿੱਚ ਵੀ ਜ਼ਿੰਦਗੀ ਲਈ ਲੜਦਾ ਹੈ। ਅੱਜ ਅਸੀਂ ਜ਼ਿੰਦਗੀ ਦੇ ਸੰਘਰਸ਼ ਦੀ ਗੱਲ ਕਰ ਰਹੇ ਹਾਂ ਕਿਉਂਕਿ 50 ਸਾਲ ਪਹਿਲਾਂ ਕੁਝ ਲੋਕਾਂ ਨੇ ਆਪਣੇ ਆਪ ਨੂੰ ਜ਼ਿੰਦਾ ਰੱਖਣ ਲਈ ਜੋ ਕੋਸ਼ਿਸ਼ਾਂ ਕੀਤੀਆਂ, ਉਨ੍ਹਾਂ ਬਾਰੇ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਇਹ 72 ਦਿਨਾਂ ਦੇ ਸੰਘਰਸ਼ ਦੀ ਕਹਾਣੀ ਹੈ ਜਦੋਂ ਹਵਾਈ ਹਾਦਸੇ ਤੋਂ ਬਾਅਦ ਦੋ ਵਿਅਕਤੀ ਹਰ ਪਲ ਮੌਤ ਨੂੰ ਮਾਤ ਦਿੰਦੇ ਹਨ ਅਤੇ ਆਪਣੇ ਸੀਨੇ ‘ਚ ਜ਼ਿੰਦਾ ਰਹਿਣ ਦੀ ਉਮੀਦ ਨੂੰ ਜਗਾਏ ਰੱਖਦੇ ਹਨ।
ਜਾਣੋ ਹਾਦਸੇ ਦੀ ਪੂਰੀ ਕਹਾਣੀ
ਇਹ ਕਹਾਣੀ 13 ਅਕਤੂਬਰ 1972 ਦੀ ਹੈ, ਜਦੋਂ ਉਰੂਗਵੇ ਦੀ ਰਗਬੀ ਟੀਮ ਨੇ ਓਲਡ ਕ੍ਰਿਸਚੀਅਨ ਕਲੱਬ ਦੀ ਚਿਲੀ ਟੀਮ ਨਾਲ ਮੈਚ ਖੇਡਣਾ ਸੀ ਅਤੇ 12 ਅਕਤੂਬਰ ਨੂੰ ਚਿਲੀ ਲਈ ਜਹਾਜ਼ ਵਿੱਚ ਸਵਾਰ ਹੋ ਕੇ ਉਰੂਗਵੇ ਦੇ 19 ਖਿਡਾਰੀ, ਪ੍ਰਬੰਧਕ, ਉਨ੍ਹਾਂ ਦੇ ਮਾਲਕ ਅਤੇ ਉਨ੍ਹਾਂ ਦੇ ਸਾਥੀ ਖਿਡਾਰੀ ਮੈਂਬਰ ਆਪਣੇ ਦੋਸਤਾਂ ਨਾਲ ਉੱਡਾਣ ਭਰਦੇ ਹਨ। ਇਸ ਦੇ ਨਾਲ ਹੀ ਇਸ ਵਿੱਚ 5 ਕਰੂ ਮੈਂਬਰ ਸੀ ਅਤੇ ਇਹ ਜਹਾਜ਼ ਉਰੂਗਵੇ ਦੀ ਹਵਾਈ ਸੈਨਾ ਦਾ ਸੀ।
ਇਹ ਵੀ ਪੜ੍ਹੋ- ਧੀ ਨੂੰ ਡੇਟ ਕਰਨ ਵਾਲਾ ਬੁਆਏਫ੍ਰੈਂਡ ਕਿਵੇਂ ਦਾ ਹੋਣਾ ਚਾਹੀਦਾ ਇਸ ਦੇ ਲਈ ਮਾਂ ਨੇ ਰੱਖੀਆਂ ਇਹ ‘ਖ਼ਤਰਨਾਕ’ ਸ਼ਰਤਾਂ, ਪੜ੍ਹ ਕੇ ਉੱਡ ਜਾਣਗੇ ਹੋਸ਼
ਜਹਾਜ਼ ਦੇ ਉਡਾਣ ਭਰਨ ਤੋਂ ਕੁਝ ਦੇਰ ਬਾਅਦ ਹੀ ਖ਼ਰਾਬ ਮੌਸਮ ਕਾਰਨ ਜਹਾਜ਼ ਨੂੰ ਚਿਲੀ ਦੀ ਬਜਾਏ ਅਰਜਨਟੀਨਾ ‘ਚ ਲੈਂਡ ਕਰਨਾ ਪਿਆ। ਇੱਥੇ ਰੁਕ ਕੇ ਮੌਸਮ ਦੇ ਸਾਫ਼ ਹੋਣ ਦੀ ਉਡੀਕ ਕੀਤੀ ਜਾਂਦੀ ਹੈ ਤੇ ਅਗਲੇ ਦਿਨ ਚਿਲੀ ਲਈ ਉਡਾਣ ਭਰਦੇ ਹਨ।
ਇੱਕ ਪਲ ਵਿੱਚ ਤਬਾਹ ਹੋਇਆ ਜਹਾਜ਼
ਕਰੀਬ 14 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਪਤਾ ਨਹੀਂ ਕੀ ਹੋਇਆ ਕਿ ਪਾਇਲਟ ਆਪਣੀ ਸਥਿਤੀ ਨੂੰ ਸਮਝ ਨਹੀਂ ਸਕਿਆ ਅਤੇ ਇੱਕ ਝਟਕੇ ‘ਚ ਜਹਾਜ਼ ਐਂਡੀਜ਼ ਪਹਾੜ ਦੀ ਇੱਕ ਚੋਟੀ ਨਾਲ ਟਕਰਾ ਗਿਆ। ਤੂਫਾਨੀ ਰਫਤਾਰ ਵਾਲੇ ਜਹਾਜ਼ ਦੇ ਐਂਡੀਜ਼ ਪਹਾੜਾਂ ਨਾਲ ਟਕਰਾਉਂਦੇ ਹੀ ਜ਼ੋਰਦਾਰ ਧਮਾਕਾ ਹੋਇਆ। ਦੂਜੇ ਹੀ ਪਲ ਉਹ ਧੂੰਏਂ ਨਾਲ ਬਲਦੇ ਐਂਡੀਜ਼ ‘ਚ ਗੁਆਚ ਗਿਆ। ਇਸ ਭਿਆਨਕ ਹਾਦਸੇ ‘ਚ 18 ਲੋਕਾਂ ਦੀ ਮੌਤ ਹੋ ਗਈ। ਬਾਕੀ 27 ਲੋਕ ਤਾਂ ਕਿਸੇ ਤਰ੍ਹਾਂ ਬਚ ਗਏ, ਪਰ ਐਂਡੀਜ਼ ਦੀ ਹੱਡ ਕੰਬਾਉਂਦੀ ਬਰਫ਼ ਵਿੱਚ ਉਨ੍ਹਾਂ ਲਈ ਜ਼ਿੰਦਗੀ ਮੌਤ ਤੋਂ ਵੀ ਬਦਤਰ ਸਾਬਤ ਹੋ ਰਹੀ ਸੀ।
ਉਰੂਗਵੇ ਦੀ ਸਰਕਾਰ ਨੇ ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਕਾਰਵਾਈ ਕੀਤੀ ਅਤੇ ਬਚਾਅ ਮੁਹਿੰਮ ਚਲਾਈ ਪਰ ਜਹਾਜ਼ ਦਾ ਰੰਗ ਚਿੱਟਾ ਹੋਣ ਕਾਰਨ ਬਰਫ ਨਾਲ ਢੱਕੇ ਚਿੱਟੇ ਐਂਡੀਜ਼ ‘ਤੇ ਇਸ ਨੂੰ ਲੱਭਣਾ ਪਰਾਗ ਦੇ ਢੇਰ ‘ਚ ਸੂਈ ਲੱਭਣ ਦੇ ਬਰਾਬਰ ਸੀ। ਲਗਾਤਾਰ 10 ਦਿਨਾਂ ਤੱਕ ਬਚਾਅ ਮੁਹਿੰਮ ਚਲਾਈ ਗਈ ਅਤੇ ਨਾਕਾਮੀ ਹੱਥ ਲੱਗਣ ਤੋਂ ਬਾਅਦ 11ਵੇਂ ਦਿਨ ਬਚਾਅ ਮੁਹਿੰਮ ਨੂੰ ਬੰਦ ਕਰ ਦਿੱਤਾ ਗਿਆ।
ਚੱਲ ਰਿਹਾ ਸੀ ਜ਼ਿੰਦਾ ਰਹਿਣ ਲਈ ਸੰਘਰਸ਼
ਜਹਾਜ਼ ਵਿੱਚ ਖਾਣ ਲਈ ਬਹੁਤਾ ਸਮਾਨ ਨਹੀਂ ਸੀ। ਉਨ੍ਹਾਂ ਕੋਲ ਖਾਣੇ ਦੇ ਨਾਂ ‘ਤੇ 8 ਚਾਕਲੇਟ ਦੇ ਡੱਬੇ, 3 ਬੋਤਲਾਂ ਜੈਮ, ਖਜੂਰ, ਸੁੱਕੇ ਮੇਵੇ, ਕੈਂਡੀਜ਼ ਅਤੇ ਸ਼ਰਾਬ ਦੀਆਂ ਕਈ ਬੋਤਲਾਂ ਸੀ। ਉਨ੍ਹਾਂ ਕੋਲ ਪਾਣੀ ਵੀ ਖ਼ਤਮ ਹੋ ਗਿਆ ਸੀ। ਹੁਣ ਜਹਾਜ਼ ਵਿਚ ਸਿਰਫ਼ 27 ਲੋਕ ਹੀ ਜ਼ਿੰਦਾ ਬਚੇ ਸੀ ਅਤੇ ਉਹ ਨਹੀਂ ਜਾਣਦੇ ਸੀ ਕਿ ਕਿਵੇਂ ਜ਼ਿੰਦਾ ਰਹਿਣਾ ਹੈ। ਹੌਲੀ-ਹੌਲੀ ਲੋਕਾਂ ਦਾ ਖਾਣਾ ਖ਼ਤਮ ਹੋ ਗਿਆ, ਫਿਰ ਲੋਕ ਸੀਟ ‘ਤੇ ਚਮੜੇ ਦੇ ਕਵਰ ਨੂੰ ਖਾਣ ਲੱਗੇ। ਪਰ ਇਸ ਨੂੰ ਖਾਣ ਤੋਂ ਬਾਅਦ ਲੋਕ ਬਿਮਾਰ ਹੋਣ ਕੇ ਮਰਨ ਲੱਗੇ।
ਇਹ ਵੀ ਪੜ੍ਹੋ- ਜਿਮ ‘ਚ WorkOut ਕਰਦੀਆਂ ਭਿੜੀਆਂ ਦੋ ਔਰਤਾਂ… ਵੀਡੀਓ ਵਾਇਰਲ
ਖਾਣਾ ਖਤਮ ਹੋਣ ਤੋਂ ਬਾਅਦ ਬਚੇ ਹੋਏ ਲੋਕ ਭੁੱਖ ਨਾਲ ਇੰਨੇ ਪਰੇਸ਼ਾਨ ਹੋ ਗਏ ਕਿ ਉਨ੍ਹਾਂ ਨੇ ਆਪਣੇ ਸਾਥੀਆਂ ਦੀਆਂ ਲਾਸ਼ਾਂ ਨੂੰ ਟੁਕੜਿਆਂ ਵਿਚ ਖਾਣਾ ਸ਼ੁਰੂ ਕਰ ਦਿੱਤਾ। ਇੱਕ ਝਟਕੇ ਵਿੱਚ ਮੌਤ ਤੋਂ ਬਚਣ ਵਾਲੇ ਇਹ ਲੋਕ ਹੁਣ ਅਸਹਿ ਅੰਤ ਵੱਲ ਵਧ ਰਹੇ ਸੀ।
ਖਿਡਾਰੀਆਂ ਨੇ ਇੰਝ ਬਚਾਈ ਜਾਨ
ਹੁਣ ਸਿਰਫ 16 ਲੋਕ ਜ਼ਿੰਦਾ ਬਚੇ ਸੀ ਤੇ ਹਾਦਸੇ ਨੂੰ 60 ਦਿਨ ਬੀਤ ਚੁੱਕੇ ਸੀ। ਮਦਦ ਦੀ ਕੋਈ ਉਮੀਦ ਨਾ ਦੇਖ ਕੇ ਦੋ ਫੁੱਟਬਾਲ ਖਿਡਾਰੀਆਂ ਨੈਨਡੋ ਪਾਰੇਡੋ ਅਤੇ ਰੌਬਰਟ ਕੇਨੇਸਾ ਨੇ ਇੱਥੇ ਪਏ-ਪਏ ਮਰਨ ਨਾਲੋਂ ਮਦਦ ਦੀ ਭਾਲ ਵਿਚ ਬਾਹਰ ਨਿਕਲਣਾ ਬਿਹਤਰ ਸਮਝਿਆ। ਦੋਵੇਂ ਕਿਸੇ ਤਰ੍ਹਾਂ ਚਿੱਲੀ ਦੇ ਆਬਾਦੀ ਵਾਲੇ ਇਲਾਕੇ ‘ਚ ਪਹੁੰਚ ਗਏ, ਜਿੱਥੇ ਦੋਹਾਂ ਨੇ ਬਚਾਅ ਟੀਮ ਨੂੰ ਆਪਣੇ ਸਾਥੀਆਂ ਦੀ ਸਥਿਤੀ ਦੱਸੀ।
ਦੱਸ ਦਈਏ ਕਿ ਹਾਦਸੇ ਤੋਂ 72 ਦਿਨਾਂ ਬਾਅਦ 16 ਲੋਕਾਂ ਦਾ ਬਚਣਾ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਮੰਨਿਆ ਜਾ ਸਕਦਾ। ਪੈਰੋਡੋ ਨੇ ਇਸ ਸਮੁੱਚੇ ਘਟਨਾਕ੍ਰਮ ਅਤੇ ਇਸ ਦੇ ਸੰਘਰਸ਼ ਨੂੰ ਪੁਸਤਕ ਦਾ ਰੂਪ ਵੀ ਦਿੱਤਾ। ਇਸ ਭਿਆਨਕ ਘਟਨਾ ‘ਤੇ ਪੀਅਰਸ ਪਾਲ ਰੀਡ ਨੇ 1974 ਵਿੱਚ ਇੱਕ ਕਿਤਾਬ ‘ਅਲਾਈਵ’ ਲਿਖੀ। ਇਸੇ ਵਿਸ਼ੇ ‘ਤੇ ਨਿਰਦੇਸ਼ਕ ਫਰੈਂਕ ਮਾਰਸ਼ਲ ਨੇ ਵੀ 1993 ਵਿੱਚ ਇੱਕ ਫਿਲਮ ਬਣਾਈ ਸੀ।
