ਇੰਸਟਾਗ੍ਰਾਮ ਅਤੇ ਫੇਸਬੁੱਕ ਦੀ ਲਤ ਕਾਰਨ ਹੋਣ ਵਾਲੇ ਨੁਕਸਾਨ ਬਾਰੇ ਅਕਸਰ ਬਹੁਤ ਚਰਚਾ ਹੁੰਦੀ ਹੈ। ਕਦੇ ਅਜਿਹਾ ਸੁਣਿਆ ਹੈ ਇੱਕ ਸੋਸ਼ਲ ਮੀਡੀਆ ਐਪ ਨੇ ਕਿਸੇ ਦੀ ਜਾਨ ਬਚਾ ਲਈ ਹੋਵੇ ਅਜਿਹਾ ਹੀ ਇੱਕ ਮਾਮਲਾ UP ਤੋਂ ਸਾਹਮਣੇ ਆ ਰਿਹਾ ਹੈ ਦੱਸ ਦੇਈਏ ਕਿ ਇਸ ਵਾਰ ਇੰਸਟਾਗ੍ਰਾਮ ਨੇ ਉੱਤਰ ਪ੍ਰਦੇਸ਼ ਦੇ ਇੱਕ ਨੌਜਵਾਨ ਦੀ ਜਾਨ ਬਚਾਈ ਹੈ।
ਜਾਣਕਾਰੀ ਅਨੁਸਾਰ ਉੱਤਰ ਪ੍ਰਦੇਸ਼ ਦੇ ਦੇਵਰੀਆ ਜ਼ਿਲ੍ਹੇ ਵਿੱਚ, ਰਾਜਨ ਨਾਮ ਦੇ ਇੱਕ ਵਿਅਕਤੀ ਨੇ ਕਰਜ਼ੇ ਤੋਂ ਪਰੇਸ਼ਾਨ ਹੋ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ, ਰਾਜਨ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਸੁਸਾਈਡ ਨੋਟ ਲਿਖਿਆ – ‘ਮਾਫ਼ ਕਰਨਾ ਭਰਾਵੋ, ਮੈਂ ਮਰਨ ਜਾ ਰਿਹਾ ਹਾਂ’।
ਇਸ ਪੋਸਟ ਤੋਂ ਬਾਅਦ, ਇੰਸਟਾਗ੍ਰਾਮ ਦੀ ਮੂਲ ਕੰਪਨੀ ਮੇਟਾ ਨੇ ਤੁਰੰਤ ਨਜ਼ਦੀਕੀ ਪੁਲਿਸ ਸਟੇਸ਼ਨ ਨੂੰ ਇੱਕ ਅਲਰਟ ਭੇਜਿਆ। ਪੁਲਿਸ ਨੇ ਵੀ ਤੇਜ਼ੀ ਨਾਲ ਕਾਰਵਾਈ ਕੀਤੀ ਅਤੇ ਸਿਰਫ਼ 12 ਮਿੰਟਾਂ ਵਿੱਚ ਹੀ ਮੌਕੇ ‘ਤੇ ਪਹੁੰਚ ਕੇ ਨੌਜਵਾਨ ਨੂੰ ਬਚਾਇਆ।
ਇਸ ਤੋਂ ਬਾਅਦ ਜਦੋਂ ਉਸਤੋਂ ਖ਼ੁਦਕੁਸ਼ੀ ਦਾ ਕਾਰਨ ਪੁੱਛਿਆ ਗਿਆ ਤਾਂ ਰਾਜਨ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸਨੇ 2015 ਵਿੱਚ ਕਿਸਾਨ ਕ੍ਰੈਡਿਟ ਕਾਰਡ ਤੋਂ ₹47,000 ਦਾ ਕਰਜ਼ਾ ਲਿਆ ਸੀ। ਵਿੱਤੀ ਤੰਗੀਆਂ ਕਾਰਨ ਉਹ ਸਮੇਂ ਸਿਰ ਕਰਜ਼ਾ ਨਹੀਂ ਮੋੜ ਸਕਿਆ। ਹਾਲ ਹੀ ਵਿੱਚ ਬੈਂਕ ਨੇ ਉਸਨੂੰ ਇੱਕ ਰਿਕਵਰੀ ਨੋਟਿਸ ਭੇਜਿਆ, ਜਿਸ ਵਿੱਚ ਕਾਨੂੰਨੀ ਕਾਰਵਾਈ ਅਤੇ ਕੈਦ ਦੀ ਧਮਕੀ ਸ਼ਾਮਲ ਸੀ।
ਇਹ ਅਲਰਟ ਸਿਸਟਮ ਕਿਵੇਂ ਕੰਮ ਕਰਦਾ ਹੈ?
ਰਾਜਨ ਦੀ ਆਤਮਘਾਤੀ ਪੋਸਟ ਨੇ ਤੁਰੰਤ ਮੈਟਾ ਦੇ ਆਤਮਘਾਤੀ ਅਤੇ ਸਵੈ-ਨੁਕਸਾਨ ਖੋਜ ਪ੍ਰਣਾਲੀਆਂ ਨੂੰ ਸਰਗਰਮ ਕਰ ਦਿੱਤਾ। ਇਸ ਤੋਂ ਬਾਅਦ, ਸਿਸਟਮ ਨੇ ਬਿਨਾਂ ਕਿਸੇ ਦੇਰੀ ਦੇ ਯੂਪੀ ਪੁਲਿਸ ਦੇ ਡੀਜੀਪੀ ਦਫ਼ਤਰ ਦੇ ਸੋਸ਼ਲ ਮੀਡੀਆ ਨਿਗਰਾਨੀ ਸੈੱਲ ਨੂੰ ਇੱਕ ਰੀਅਲ-ਟਾਈਮ ਅਲਰਟ ਭੇਜਿਆ। ਇਸ ਟੀਮ ਦਾ ਕੰਮ ਸੋਸ਼ਲ ਮੀਡੀਆ ਅਲਰਟ ‘ਤੇ ਨਜ਼ਰ ਰੱਖਣਾ ਹੈ।
