India vs Sri Lanka, 1st ODI, 10 Januray: ਸ਼੍ਰੀਲੰਕਾ ਦੇ ਖਿਲਾਫ ਮੰਗਲਵਾਰ ਤੋਂ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਲਈ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਵਰਗੇ ਦਿੱਗਜ ਖਿਡਾਰੀਆਂ ਦੀ ਵਾਪਸੀ ਨਾਲ ਭਾਰਤ ਦਾ ਬੱਲੇਬਾਜ਼ੀ ਕ੍ਰਮ ਮਜ਼ਬੂਤ ਹੋਇਆ ਹੈ। ਇਸ ਦੇ ਨਾਲ ਹੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੂੰ ਸੀਰੀਜ਼ ਤੋਂ ਬਾਹਰ ਕੱਢ ਦਿੱਤਾ ਗਿਆ ਹੈ। ਦੱਸ ਦਈਏ ਕਿ ਬੁਮਰਾਹ ਨੂੰ ਫਿਟਨੈੱਸ ਕਾਰਨ ਟੀਮ ਤੋਂ ਇੱਕ ਵਾਰ ਫਿਰ ਬਾਹਰ ਕੀਤਾ ਗਿਆ ਹੈ।
ਬੁਮਰਾਹ ਨੂੰ ਵਨਡੇ ਲਈ ਭਾਰਤੀ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਸੀ ਪਰ ਕਮਰ ਦੇ ‘ਸਟ੍ਰੈੱਸ ਫ੍ਰੈਕਚਰ’ ਤੋਂ ਪੂਰੀ ਤਰ੍ਹਾਂ ਠੀਕ ਨਾ ਹੋਣ ਕਾਰਨ ਉਸ ਦੀ ਵਾਪਸੀ ਟਾਲ ਦਿੱਤੀ ਗਈ ਹੈ। ਸ਼੍ਰੀਲੰਕਾ ਦੇ ਖਿਲਾਫ ਪਹਿਲੇ ਵਨਡੇ ਵਿੱਚ ਭਾਰਤ ਦੀ ਪਲੇਇੰਗ ਇਲੈਵਨ ਕੀ ਹੋਵੇਗੀ ਇਸ ਨੂੰ ਲੈ ਕੇ ਉਤਸੁਕਤਾ ਬਣੀ ਹੋਈ ਹੈ। ਪਰ ਦੱਸ ਦੇਈਏ ਕਿ ਪਹਿਲੇ ਵਨਡੇ ਦੌਰਾਨ ਕੋਹਲੀ, ਰੋਹਿਤ ਅਤੇ ਸੂਰਿਆਕੁਮਾਰ ਯਾਦਵ ਨੂੰ ਖਾਸ ਸਥਾਨ ‘ਤੇ ਪਹੁੰਚਣ ਦਾ ਮੌਕਾ ਮਿਲੇਗਾ। ਅਜਿਹੇ ‘ਚ ਜਾਣੋ ਅੱਜ ਦੇ ਮੈਚ ‘ਚ ਕਿਹੜੇ-ਕਿਹੜੇ ਰਿਕਾਰਡ ਬਣ ਸਕਦੇ ਹਨ।
ਵਿਰਾਟ ਕੋਹਲੀ ਪੂਰੀਆਂ ਕਰ ਸਕਦੈ 12500 ਦੌੜਾਂ- ਕੋਹਲੀ ਵਨਡੇ ‘ਚ 12,500 ਦੌੜਾਂ ਬਣਾਉਣ ਤੋਂ ਸਿਰਫ 29 ਦੌੜਾਂ ਦੂਰ ਹਨ। ਉਮੀਦ ਹੈ ਕਿ ਉਹ ਪਹਿਲੇ ਵਨਡੇ ‘ਚ ਇਹ ਖਾਸ ਮੁਕਾਮ ਹਾਸਲ ਕਰ ਲੈਣਗੇ।
ਰੋਹਿਤ ਸ਼ਰਮਾ ਕੋਲ ਵੀ ਖਾਸ ਮੁਕਾਮ ਹਾਸਲ ਕਰਨ ਦਾ ਮੌਕਾ- ਰੋਹਿਤ ਸ਼ਰਮਾ ਵਨਡੇ ‘ਚ 9500 ਦੌੜਾਂ ਪੂਰੀਆਂ ਕਰਨ ਤੋਂ ਸਿਰਫ 46 ਦੌੜਾਂ ਪਿੱਛੇ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਪਹਿਲੇ ਵਨਡੇ ‘ਚ ਰੋਹਿਤ ਦਾ ਬੱਲਾ ਜ਼ਬਰਦਸਤ ਚਲੇਗਾ ਤੇ ਉਹ ਆਪਣੇ ਕਰੀਅਰ ‘ਚ 9500 ਵਨਡੇ ਦੌੜਾਂ ਪੂਰੀਆਂ ਕਰ ਲੈਣਗੇ।
ਸੂਰਿਆਕੁਮਾਰ ਯਾਦਵ ਕੋਲ ਵੀ ਖਾਸ ਮੌਕਾ- ਸੂਰਿਆਕੁਮਾਰ ਯਾਦਵ ਕੋਲ ਵਨਡੇ ‘ਚ 50 ਚੌਕੇ ਪੂਰੇ ਕਰਨ ਦਾ ਮੌਕਾ ਹੋਵੇਗਾ। ਇਸ ਦੇ ਲਈ ਸੂਰਿਆ ਨੂੰ 9 ਚੌਕੇ ਲਗਾਉਣੇ ਹੋਣਗੇ। ਇਸ ਤੋਂ ਇਲਾਵਾ ਸੂਰਿਆ ਕੋਲ ਅੰਤਰਰਾਸ਼ਟਰੀ ਕ੍ਰਿਕਟ ‘ਚ 2000 ਦੌੜਾਂ ਬਣਾਉਣ ਦਾ ਵੀ ਮੌਕਾ ਹੋਵੇਗਾ।
ਕੁਲਦੀਪ ਯਾਦਵ ਕੋਲ ‘ਡਬਲ ਸੈਂਕੜਾ’ ਲਗਾਉਣ ਦਾ ਮੌਕਾ- ਕੁਲਦੀਪ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ‘ਚ ਹੁਣ ਤੱਕ 197 ਵਿਕਟਾਂ ਹਾਸਲ ਕੀਤੀਆਂ ਹਨ। ਜੇਕਰ ਕੁਲਦੀਪ ਨੂੰ ਪਹਿਲੇ ਵਨਡੇ ‘ਚ ਮੌਕਾ ਮਿਲਦਾ ਹੈ ਅਤੇ ਉਹ 3 ਵਿਕਟਾਂ ਲੈਣ ‘ਚ ਸਫਲ ਰਹਿੰਦਾ ਹੈ ਤਾਂ ਉਹ ਅੰਤਰਰਾਸ਼ਟਰੀ ਕ੍ਰਿਕਟ ‘ਚ ਆਪਣੀਆਂ 200 ਵਿਕਟਾਂ ਪੂਰੀਆਂ ਕਰ ਲਵੇਗਾ।
ਹਾਰਦਿਕ ਪੰਡਿਆ 150 ਵਿਕਟਾਂ ਲੈਣ ਦੇ ਨੇੜੇ- ਇਸ ਦੇ ਨਾਲ ਹੀ ਹਾਰਦਿਕ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ‘ਚ ਹੁਣ ਤੱਕ 144 ਵਿਕਟਾਂ ਲਈਆਂ ਹਨ। ਜੇਕਰ ਹਾਰਦਿਕ ਪਹਿਲੇ ਵਨਡੇ ‘ਚ 6 ਵਿਕਟਾਂ ਲੈਣ ‘ਚ ਕਾਮਯਾਬ ਹੁੰਦੇ ਹਨ ਤਾਂ ਕੌਮਾਂਤਰੀ ਕ੍ਰਿਕਟ ‘ਚ ਉਸ ਦੀਆਂ 150 ਵਿਕਟਾਂ ਪੂਰੀਆਂ ਹੋ ਜਾਣਗੀਆਂ।
ਇਸ ਪ੍ਰਕਾਰ ਦੋਵ ਟੀਮਾਂ :
ਭਾਰਤ ਦੀ ਸੰਭਾਵਿਤ ਪਲੇਇੰਗ XI: ਰੋਹਿਤ ਸ਼ਰਮਾ, ਹਾਰਦਿਕ ਪੰਡਿਆ, ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਸੂਰਿਆਕੁਮਾਰ ਯਾਦਵ, ਸ਼੍ਰੇਅਸ ਅਈਅਰ, ਲੋਕੇਸ਼ ਰਾਹੁਲ, ਈਸ਼ਾਨ ਕਿਸ਼ਨ, ਵਾਸ਼ਿੰਗਟਨ ਸੁੰਦਰ, ਯੁਜਵੇਂਦਰ ਚਾਹਲ, ਕੁਲਦੀਪ ਯਾਦਵ, ਅਕਸ਼ਰ ਪਟੇਲ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸ਼ਮੀ, ਮੁਹੰਮਦ ਸਿਰਾਜ, ਉਮਰਾਨ ਮਲਿਕ ਅਤੇ ਅਰਸ਼ਦੀਪ ਸਿੰਘ
ਸ਼੍ਰੀਲੰਕਾ ਸੰਭਾਵਿਤ ਪਲੇਇੰਗ XI: ਦਾਸੁਨ ਸ਼ਨਾਕਾ, ਕੁਸਲ ਮੇਂਡਿਸ, ਪਥੁਮ ਨਿਸਾਂਕਾ, ਅਵਿਸ਼ਕਾ ਫਰਨਾਂਡੋ, ਸਦਾਰਾ ਸਮਰਾਵਿਕਰਮ, ਚਰਿਤ ਅਸਲੰਕਾ, ਧਨੰਜਯਾ ਡੀਸਿਲਵਾ, ਵਾਨਿੰਦੁ ਹਸਾਰੰਗਾ, ਅਸ਼ੇਨ ਬਾਂਦਰਾ, ਮਹੇਸ਼ ਤੀਕਸ਼ਾਨਾ, ਚਮਿਕਾ ਕਰੁਣਾਰਤਨੇ, ਦਿਲਸ਼ਾਨ ਮਦੁਸ਼ੰਕਾ, ਰਾਜੋਧਨੰਦ ਕਸਾਨੰਦ, ਮਦੁਸਨਾਗ, ਨੁਸਾਨੰਦ ਵੀ, ਨੁਸਨਾਗ, ਮਦੁਸ਼ਾਂਕ ਅਤੇ ਲਹਿਰੂ ਕੁਮਾਰ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
