ਬੰਗਲੌਰ ‘ਚ ਇਕ ਮਾਂ ਨੇ ਆਪਣੀ 3 ਸਾਲ ਦੀ ਬੇਟੀ ਦਾ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ। 26 ਸਾਲਾ ਔਰਤ ਮਾਸੂਮ ਧੀ ਨਾਲ ਨਾਰਾਜ਼ ਸੀ ਕਿ ਉਸਨੇ ਹਮੇਸ਼ਾਂ ਆਪਣੇ ਪਿਤਾ ਦਾ ਸਮਰਥਨ ਕੀਤਾ। ਹਾਲ ਹੀ ਵਿੱਚ ਦੋਵੇਂ ਪਤੀ-ਪਤਨੀ ਦੀ ਟੀਵੀ ਰਿਮੋਟ ਕੰਟਰੋਲ ਨੂੰ ਲੈ ਕੇ ਲੜਾਈ ਹੋਈ ਸੀ ਅਤੇ ਧੀ ਨੇ ਪਿਤਾ ਦਾ ਪੱਖ ਲਿਆ ਸੀ। ਇਸ ਨਾਲ ਔਰਤ ਦਾ ਗੁੱਸਾ ਹੋਰ ਵਧ ਗਿਆ।
ਸੁਧਾ ਨਾਮ ਦੀ ਇਹ ਔਰਤ ਆਪਣੀ ਧੀ ਨੂੰ ਉਸਾਰੀ ਅਧੀਨ ਇਮਾਰਤ ਵਿਚ ਲੈ ਗਈ ਅਤੇ ਉਸ ਨੂੰ ਗਲਾ ਘੁੱਟ ਕੇ ਮਾਰ ਦਿੱਤਾ। ਸੁਧਾ ਪੱਛਮੀ ਬੰਗਲੁਰੂ ਵਿਚ ਇਕ ਟਾਈਲ ਦੀ ਦੁਕਾਨ ‘ਤੇ ਸਾਫ ਸਫਾਈ ਦਾ ਕੰਮ ਕਰਦੀ ਹੈ। ਉਸਦਾ ਪਤੀ ਇਕ ਦਿਹਾੜੀਦਾਰ ਮਜ਼ਦੂਰ ਹੈ।
ਸੁਧਾ ਧੀ ਦੇ ਗਾਇਬ ਹੋਣ ਦਾ ਦਿਖਾਵਾ ਕਰਦੀ ਰਹੀ ਸੀ । ਉਸਨੇ ਧੀ ਦੇ ਆਪਣੇ ਪਤੀ ਨਾਲ ਲਾਪਤਾ ਹੋਣ ਦੀ ਪੁਲਿਸ ਰਿਪੋਰਟ ਵੀ ਦਰਜ ਕਰਵਾਈ। ਸੁਧਾ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਲੜਕੀ ਨੂੰ ਚਾਟ ਦੀ ਦੁਕਾਨ ‘ਤੇ ਗੋਭੀ ਮੰਚੂਰੀਅਨ ਖੁਆਉਣ ਘਰ ਤੋਂ ਬਾਹਰ ਲੈ ਗਈ ਸੀ। ਜਦੋਂ ਉਹ ਬਿੱਲ ਅਦਾ ਕਰ ਰਹੀ ਸੀ ਤਾਂ ਧੀ ਲਾਪਤਾ ਹੋ ਗਈ।
ਅਗਲੇ ਹੀ ਦਿਨ ਇੱਕ ਰਾਹਗੀਰ ਨੇ ਲੜਕੀ ਦੀ ਮ੍ਰਿਤਕ ਦੇਹ ਉਸਾਰੀ ਅਧੀਨ ਇਮਾਰਤ ਦੇ ਕੋਲੋਂ ਲੰਘਦਿਆਂ ਵੇਖੀ। ਉਸਨੇ ਇਸ ਬਾਰੇ ਪੁਲਿਸ ਨੂੰ ਸੂਚਿਤ ਕੀਤਾ। ਪੁਲਿਸ ਮੌਕੇ ‘ਤੇ ਪਹੁੰਚ ਗਈ। ਲੜਕੀ ਦੀ ਪਛਾਣ ਹੋਣ ਤੋਂ ਬਾਅਦ ਪੁਲਿਸ ਨੇ ਸੁਧਾ ਅਤੇ ਈਰਾਨਾ ਨੂੰ ਬੁਲਾਇਆ। ਸੁਧਾ ਦੇ ਸ਼ਬਦਾਂ ਤੋਂ ਪੁਲਿਸ ਨੂੰ ਕੁਝ ਸ਼ੱਕ ਹੋਇਆ। ਪੁਲਿਸ ਨੇ ਸੁਧਾ ਤੋਂ ਚਾਟ ਦੀ ਦੁਕਾਨ ‘ਤੇ ਜਾਣ ਬਾਰੇ ਪੁੱਛਗਿੱਛ ਕੀਤੀ। ਜਦੋਂ ਪੁਲਿਸ ਨੇ ਸਖਤੀ ਦਿਖਾਈ ਤਾਂ ਸੁਧਾ ਨੇ ਆਪਣੀ ਲੜਕੀ ਦਾ ਨੂੰ ਗਲਾ ਘੁੱਟਕੇ ਮਾਰਨ ਦਾ ਇਕਬਾਲ ਕੀਤਾ।
