ICC ODI Rankings 'ਚ ਟੌਪ 4 ਬੱਲੇਬਾਜ਼ਾਂ 'ਚ ਵਿਰਾਟ ਕੋਹਲੀ ਦੀ ਐਂਟਰੀ

Virat Kohli and Mohammed Siraj: ਸ਼੍ਰੀਲੰਕਾ ਖਿਲਾਫ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ‘ਚ ਦੋ ਸੈਂਕੜਿਆਂ ਦੀ ਮਦਦ ਨਾਲ 283 ਦੌੜਾਂ ਬਣਾਉਣ ਵਾਲੇ ਵਿਰਾਟ ਕੋਹਲੀ ਨੂੰ ਆਈਸੀਸੀ ਦੀ ਤਾਜ਼ਾ ਵਨਡੇ ਬੱਲੇਬਾਜ਼ੀ ਰੈਂਕਿੰਗ ‘ਚ ਚਾਰ ਸਥਾਨ ਦਾ ਫਾਇਦਾ ਹੋਇਆ ਹੈ।

ਕੋਹਲੀ ਅੱਠਵੇਂ ਤੋਂ ਚੌਥੇ ਸਥਾਨ ‘ਤੇ ਪਹੁੰਚ ਗਏ। ਗੇਂਦਬਾਜ਼ੀ ਰੈਂਕਿੰਗ ‘ਚ ਮੁਹੰਮਦ ਸਿਰਾਜ ਨੂੰ 15 ਸਥਾਨ ਦਾ ਫਾਇਦਾ ਹੋਇਆ ਹੈ। ਉਹ ਗੇਂਦਬਾਜ਼ੀ ਰੈਂਕਿੰਗ ‘ਚ ਨੰਬਰ-3 ‘ਤੇ ਆ ਗਿਆ ਹੈ।

ਵਨਡੇ ਬੱਲੇਬਾਜ਼ਾਂ ਦੀ ਰੈਂਕਿੰਗ ‘ਚ ਪਾਕਿਸਤਾਨ ਦੇ ਬਾਬਰ ਆਜ਼ਮ (887) ਸਿਖਰ ‘ਤੇ ਹਨ। ਇੱਥੇ ਦੂਜੇ ਤੇ ਤੀਜੇ ਨੰਬਰ ‘ਤੇ ਪ੍ਰੋਟੀਆਜ਼ ਬੱਲੇਬਾਜ਼ਾਂ ਦਾ ਕਬਜ਼ਾ ਹੈ। ਰਾਸੀ ਵੈਨ ਡੇਰ ਡੁਸਨ (766) ਦੂਜੇ ਸਥਾਨ ‘ਤੇ ਤੇ ਕਵਿੰਟਨ ਡਿਕੌਕ (759) ਤੀਜੇ ਸਥਾਨ ‘ਤੇ ਹੈ।

ਵਿਰਾਟ ਕੋਹਲੀ (750) ਚੌਥੇ ਸਥਾਨ ‘ਤੇ ਹੈ। ਇਸ ਤੋਂ ਬਾਅਦ ਟੌਪ-10 ਵਿੱਚ ਡੇਵਿਡ ਵਾਰਨਰ (747), ਇਮਾਮ-ਉਲ-ਹੱਕ (740), ਕੇਨ ਵਿਲੀਅਮਸਨ (721), ਸਟੀਵ ਸਮਿਥ (719), ਜੌਨੀ ਬੇਅਰਸਟੋ (710) ਅਤੇ ਰੋਹਿਤ ਸ਼ਰਮਾ (704) ਸ਼ਾਮਲ ਹਨ।

ਗੇਂਦਬਾਜ਼ਾਂ ‘ਚ ਟ੍ਰੈਂਟ ਬੋਲਟ (730) ਪਹਿਲੇ ਨੰਬਰ ‘ਤੇ ਹਨ। ਦੂਜੇ ਨੰਬਰ ‘ਤੇ ਆਸਟਰੇਲੀਆ ਦਾ ਜੋਸ ਹੇਜ਼ਲਵੁੱਡ (727) ਆਉਂਦਾ ਹੈ। ਮੁਹੰਮਦ ਸਿਰਾਜ (685) ਤੀਜੇ ਨੰਬਰ ‘ਤੇ ਹੈ। ਇਸ ਦੇ ਨਾਲ ਹੀ ਮਿਸ਼ੇਲ ਸਟਾਰਕ (665) ਚੌਥੇ ਸਥਾਨ ‘ਤੇ ਮੌਜੂਦ ਹੈ।

ਸ਼ੁਭਮਨ ਗਿੱਲ ਨੂੰ ਬੱਲੇਬਾਜ਼ੀ ਰੈਂਕਿੰਗ ਵਿੱਚ ਵੀ 10 ਸਥਾਨ ਦਾ ਫਾਇਦਾ ਹੋਇਆ ਹੈ। ਇਸ ਬੱਲੇਬਾਜ਼ ਨੇ ਸ਼੍ਰੀਲੰਕਾ ਖਿਲਾਫ ਤਿੰਨ ਵਨਡੇ ਮੈਚਾਂ ‘ਚ 200 ਤੋਂ ਜ਼ਿਆਦਾ ਦੌੜਾਂ ਬਣਾਈਆਂ ਸਨ। ਉਹ ਹੁਣ 26ਵੇਂ ਰੈਂਕ ‘ਤੇ ਆ ਗਿਆ ਹੈ।

ਮੁਹੰਮਦ ਸਿਰਾਜ ਨੇ ਸ਼੍ਰੀਲੰਕਾ ਖਿਲਾਫ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ‘ਚ 9 ਵਿਕਟਾਂ ਲਈਆਂ ਸੀ। ਇਸ ਦੌਰਾਨ ਉਸ ਦਾ ਇਕਾਨਮੀ ਰੇਟ ਵੀ ਸ਼ਾਨਦਾਰ ਰਿਹਾ। ਇਸ ਦਾ ਫਾਇਦਾ ਇਹ ਹੈ ਕਿ ਉਹ ਆਪਣੇ ਕਰੀਅਰ ਦੇ ਸਰਵੋਤਮ ਰੇਟਿੰਗ ਅੰਕ (685) ਦੇ ਨਾਲ ਤੀਜੇ ਸਥਾਨ ‘ਤੇ ਪਹੁੰਚ ਗਿਆ ਹੈ। ਇਹ 28 ਸਾਲਾ ਗੇਂਦਬਾਜ਼ ਪਹਿਲਾਂ 18ਵੇਂ ਸਥਾਨ ‘ਤੇ ਸੀ।

ਰਾਸ਼ਿਦ ਖ਼ਾਨ (659), ਐਡਮ ਜ਼ਾਂਪਾ (655), ਸ਼ਾਕਿਬ ਅਲ ਹਸਨ (652), ਮੈਟ ਹੈਨਰੀ (643) ਅਤੇ ਸ਼ਾਹੀਨ ਅਫਰੀਦੀ (641) ਚੋਟੀ ਦੇ-10 ਗੇਂਦਬਾਜ਼ਾਂ ਵਿੱਚ ਮੌਜੂਦ ਹਨ।

ਭਾਰਤੀ ਸਪਿਨਰ ਕੁਲਦੀਪ ਯਾਦਵ ਦੀ ਗੇਂਦਬਾਜ਼ੀ ਰੈਂਕਿੰਗ ਵਿੱਚ ਵੀ ਕਾਫੀ ਸੁਧਾਰ ਹੋਇਆ ਹੈ। ਕੁਲਦੀਪ ਨੇ 7 ਸਥਾਨਾਂ ਦੀ ਛਾਲ ਮਾਰ ਕੇ 21ਵਾਂ ਰੈਂਕ ਹਾਸਲ ਕੀਤਾ ਹੈ।

ICC ODI Rankings: ਟੌਪ 4 ਬੱਲੇਬਾਜ਼ਾਂ ‘ਚ ਵਿਰਾਟ ਕੋਹਲੀ ਦੀ ਐਂਟਰੀ, ਗੇਂਦਬਾਜ਼ਾਂ ‘ਚ ਮੁਹੰਮਦ ਸਿਰਾਜ ਤੀਜੇ ਨੰਬਰ ‘ਤੇ

Related Posts

ਜਲੰਧਰ : ਓਲੰਪੀਅਨ ਸੁਰਜੀਤ ਸਿੰਘ ਹਾਕੀ ਸਟੇਡੀਅਮ ’ਚ ‘ਸਾਡਾ ਪਿੰਡ’ ਬਣਿਆ ਖਿੱਚ ਦਾ ਕੇਂਦਰ

ਪੰਜਾਬ ਵੱਲੋਂ ਪਹਿਲੀ ਵਾਰ ਏਸ਼ੀਆਈ ਹਾਕੀ ਚੈਂਪੀਅਨਸ਼ਿਪ ਦੀ ਮੇਜ਼ਬਾਨੀ; ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਟੂਰਨਾਮੈਂਟ ਦਾ ਕੀਤਾ ਉਦਘਾਟਨ

ਹੀਰੋ ਏਸ਼ੀਅਨ ਚੈਂਪੀਅਨਜ਼ ਟਰਾਫ਼ੀ: ਪੰਜਾਬ ਪਹਿਲੀ ਵਾਰ ਕਰੇਗਾ ਅੰਤਰਰਾਸ਼ਟਰੀ ਹਾਕੀ ਟੂਰਨਾਮੈਂਟ ਦੀ ਮੇਜ਼ਬਾਨੀ : CM ਭਗਵੰਤ ਮਾਨ

ਪੰਜਾਬ ‘ਚ ਖੇਡ ਕ੍ਰਾਂਤੀ ਨੂੰ ਮਿਲੇਗੀ ਹੋਰ ਰਫ਼ਤਾਰ, CM ਮਾਨ ਅੱਜ 510 ਨਵੇਂ ਖੇਡ ਮੈਦਾਨਾਂ ਦਾ ਕਰਨਗੇ ਉਦਘਾਟਨ

Recent News

ਵੱਡੀ ਖ਼ਬਰ : ਪਠਾਣਮਾਜਰਾ ਨੇ ਵਿਧਾਇਕੀ ਤੋਂ ਵੀ ਦਿੱਤਾ ਅਸਤੀਫ਼ਾ

ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਵਿਖੇ ਏਆਈਵਿਸਕਾਰ 2026 ਨੇ ਭਾਰਤ ਦੇ ਏਆਈ ਇਨੋਵੇਸ਼ਨ ਪਰਿਦ੍ਰਿਸ਼ ਨੂੰ ਦਿੱਤੀ ਨਵੀਂ ਦਿਸ਼ਾ

Quick Links