Women’s T20 World Cup 2023 Final: ਵੀਰਵਾਰ ਨੂੰ ਕੇਪਟਾਊਨ ‘ਚ ਖੇਡੇ ਗਏ ਪਹਿਲੇ ਸੈਮੀਫਾਈਨਲ ਵਿੱਚ ਆਸਟ੍ਰੇਲੀਆ ਨੇ ਭਾਰਤੀ ਟੀਮ ਨੂੰ ਰੋਮਾਂਚਕ ਮੈਚ ਵਿੱਚ 5 ਦੌੜਾਂ ਨਾਲ ਹਰਾ ਕੇ ਫਾਈਨਲ ਵਿੱਚ ਥਾਂ ਬਣਾਈ। ਇਸ ਮੈਚ ‘ਚ ਕੁਝ ਅਜਿਹਾ ਹੋਇਆ ਕਿ ਅਚਾਨਕ ਫੈਨਸ ਨੂੰ ਭਾਰਤੀ ਪੁਰਸ਼ ਟੀਮ ਦੇ ਸਾਬਕਾ ਕਪਤਾਨ ਐੱਮਐੱਸ ਧੋਨੀ ਦੀ ਯਾਦ ਆ ਗਈ।
ਇਸ ਮੈਚ ‘ਚ ਆਸਟ੍ਰੇਲੀਆ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ‘ਚ 4 ਵਿਕਟਾਂ ਗੁਆ ਕੇ 172 ਦੌੜਾਂ ਬਣਾਈਆਂ। 173 ਦੌੜਾਂ ਦੇ ਜਵਾਬ ‘ਚ ਭਾਰਤੀ ਟੀਮ 167 ਦੌੜਾਂ ਹੀ ਬਣਾ ਸਕੀ। ਭਾਰਤ ਲਈ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਤੇ ਜਦੋਂ ਤੱਕ ਉਹ ਕ੍ਰੀਜ਼ ‘ਤੇ ਸੀ ਉਦੋਂ ਤੱਕ ਭਾਰਤੀ ਟੀਮ ਦੀ ਜਿੱਤ ਦੀ ਉਮੀਦ ਸੀ ਪਰ ਉਸ ਦੇ ਰਨਆਊਟ ਹੁੰਦੇ ਹੀ ਭਾਰਤ ਦੀਆਂ ਜਿੱਤ ਦੀਆਂ ਉਮੀਦਾਂ ‘ਤੇ ਪਾਣੀ ਫਿਰ ਗਿਆ।
ਮੈਚ ਬਹੁਤ ਰੋਮਾਂਚਕ ਰਿਹਾ ਤੇ ਅੰਤ ਵਿੱਚ ਇਹ ਆਸਟਰੇਲੀਆ ਨੇ 5 ਦੌੜਾਂ ਦੇ ਮਾਮੂਲੀ ਫਰਕ ਨਾਲ ਜਿੱਤ ਲਿਆ। ਇਸ ਨਾਲ ਭਾਰਤ ਦਾ ਵਿਸ਼ਵ ਕੱਪ ਫਾਈਨਲ ਖੇਡਣ ਦਾ ਸੁਪਨਾ ਬੁਰੀ ਤਰ੍ਹਾਂ ਚਕਨਾਚੂਰ ਹੋ ਗਿਆ। ਭਾਰਤ ਦੀ ਇਸ ਹਾਰ ‘ਚ ਆਸਟ੍ਰੇਲੀਆਈ ਟੀਮ ਦੇ ਹਰਫਨਮੌਲਾ ਪ੍ਰਦਰਸ਼ਨ ਨੇ ਅਹਿਮ ਭੂਮਿਕਾ ਨਿਭਾਈ, ਨਾਲ ਹੀ ਭਾਰਤੀ ਟੀਮ ਨੇ ਵੀ ਕੁਝ ਅਜਿਹੀਆਂ ਗਲਤੀਆਂ ਕੀਤੀਆਂ, ਜਿਨ੍ਹਾਂ ਨੇ ਟੀਮ ਨੂੰ ਬੁਰੀ ਤਰ੍ਹਾਂ ਨਾਲ ਢਾਹ ਦਿੱਤਾ। ਹਰ ਖਿਡਾਰੀ ਇਨ੍ਹਾਂ ਗਲਤੀਆਂ ਬਾਰੇ ਸੋਚ ਕੇ ਦੁਖੀ ਹੋਵੇਗਾ।
ਜਾਣੋ ਭਾਰਤੀ ਮਹਿਲਾ ਟੀਮ ਵਲੋਂ ਕੀਤੀਆਂ ਅਹਿਮ ਗਲਤੀਆਂ-
* ਭਾਰਤ ਕੋਲ ਕਪਤਾਨ ਮੇਗ ਲੈਨਿੰਗ ਦੇ ਨਾਲ ਸਲਾਮੀ ਬੱਲੇਬਾਜ਼ ਬੇਥ ਮੂਨੀ ਦੇ ਨਾਲ ਛੇਤੀ ਹੀ ਦੋਵਾਂ ਨੂੰ ਖੇਡਣ ਦਾ ਮੌਕਾ ਸੀ ਪਰ ਟੀਮ ਨੇ ਦੋਵਾਂ ਨੂੰ ਆਸਾਨੀ ਨਾਲ ਬਾਹਰ ਕਰ ਦਿੱਤਾ।
* ਭਾਰਤੀ ਟੀਮ ਦੀ ਇਸ ਹਾਰ ਵਿੱਚ ਗੇਂਦਬਾਜ਼ਾਂ ਨੇ ਵੀ ਅਹਿਮ ਭੂਮਿਕਾ ਨਿਭਾਈ। ਟੀਮ ਦੇ ਸਾਰੇ ਗੇਂਦਬਾਜ਼ ਸਹੀ ਲੈਂਥ ‘ਤੇ ਗੇਂਦਬਾਜ਼ੀ ਨਹੀਂ ਕਰ ਸਕੇ ਅਤੇ ਕਾਫੀ ਦੌੜਾਂ ਗਵਾ ਦਿੱਤੀਆਂ।
* ਇਸ ਟੂਰਨਾਮੈਂਟ ‘ਚ ਭਾਰਤੀ ਟੀਮ ਲਈ ਸਭ ਤੋਂ ਵੱਡੀ ਸਮੱਸਿਆ ਉਸ ਦਾ ਟਾਪ ਆਰਡਰ ਰਿਹਾ ਹੈ। ਇਸ ਮੈਚ ‘ਚ ਵੀ ਸਲਾਮੀ ਬੱਲੇਬਾਜ਼ ਸ਼ੈਫਾਲੀ ਵਰਮਾ ਇਕ ਵਾਰ ਫਿਰ ਅਸਫਲ ਰਹੀ, ਜਦਕਿ ਪਿਛਲੇ ਮੈਚ ਦੀ ਹੀਰੋ ਰਹੀ ਸਮ੍ਰਿਤੀ ਮੰਧਾਨਾ ਵੀ ਆਸਾਨੀ ਨਾਲ ਆਊਟ ਹੋ ਗਈ।
View this post on Instagram
* ਭਾਰਤੀ ਟੀਮ ਇੱਕ ਸਮੇਂ ਇਹ ਮੈਚ ਆਸਾਨੀ ਨਾਲ ਜਿੱਤ ਰਹੀ ਸੀ ਪਰ ਕਪਤਾਨ ਹਰਮਨਪ੍ਰੀਤ ਕੌਰ ਦੇ ਰਨਆਊਟ ਨੇ ਸਥਿਤੀ ਬਦਲ ਦਿੱਤੀ। ਇਹ ਇਸ ਮੈਚ ਦਾ ਸਭ ਤੋਂ ਵੱਡਾ ਮੋੜ ਸਾਬਤ ਹੋਇਆ। ਇਸ ਰਨਆਊਟ ‘ਚ ਕੈਪਟਨ ਹਰਮਨਪ੍ਰੀਤ ਦੀ ਗਲਤੀ ਸਭ ਦੇ ਸਾਹਮਣੇ ਆ ਗਈ।
* ਭਾਰਤੀ ਟੀਮ ਦੀ ਸਟਾਰ ਖਿਡਾਰਨ ਰਿਚਾ ਘੋਸ਼ ਲਈ ਇਹ ਟੂਰਨਾਮੈਂਟ ਕਿਸੇ ਸੁਪਨੇ ਤੋਂ ਘੱਟ ਨਹੀਂ ਸੀ। ਹਾਲਾਂਕਿ, ਇਸ ਦਾ ਅੰਤ ਬੁਰੀ ਤਰ੍ਹਾਂ ਨਾਲ ਹੋਇਆ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
