ਫਰੀਦਕੋਟ ਕੋਟਕਪੂਰਾ ਰੋਡ ‘ਤੇ ਇਕ ਦਰਦਨਾਕ ਹਾਦਸਾ ਵਾਪਰਿਆ।ਜਦੋਂ ਕੋਟਕਪੂਰਾ ਤੋਂ ਆ ਰਹੀ ਇੱਕ ਸਵਿਫਟ ਕਾਰ ਨੂੰ ਅਚਾਨਕ ਅੱਗ ਲੱਗ ਗਈ ਜੋ ਇੰਨੀ ਭਿਆਨਕ ਸੀ ਕਿ ਇਸ ‘ਚ ਸਵਾਰ ਕਾਰ ਚਾਲਕ ਨੂੰ ਬਾਹਰ ਨਿਕਲਣ ਦਾ ਮੌਕਾ ਹੀਂ ਨਹੀਂ ਮਿਲਿਆ।ਜਿਸ ਕਾਰਨ ਕਾਰ ਦੀ ਅੱਗ ‘ਚ ਹੀ ਸੜ ਕੇ ਸਵਾਹ ਹੋ ਗਿਆ।ਘਟਨਾ ਵੇਲੇ ਮ੍ਰਿਤਕ ਕਾਰਨ ‘ਚ ਇਕੱਲਾ ਹੀ ਸਵਾਰ ਸੀ।
ਮ੍ਰਿਤਕ ਦੀ ਪਛਾਣ ਹਰਮਿੰਦਰ ਸਿੰਘ ਉਮਰ 65 ਸਾਲ ਵਾਸੀ ਹਰਿੰਦਰਾ ਨਗਰ ਫਰੀਦਕੋਟ ਦੇ ਵਜੋਂ ਹੋਈ ਹੈ ਜੋ ਕੋਟਕਪੂਰਾ ਵਿਖੇ ਆੜਤ ਦਾ ਕੰਮ ਕਰਦਾ ਸੀ।ਜਾਣਕਾਰੀ ਮੁਤਾਬਿਕ ਮ੍ਰਿਤਕ ਦਾ ਬੇਟਾ ਨਿਊਜ਼ੀਲੈਂਡ ਰਹਿੰਦਾ ਹੈ ਜਦ ਕਿ ਮ੍ਰਿਤਕ ਅਤੇ ਉਸਦੀ ਪਤਨੀ ਦੋਵੇਂ ਫਰੀਦਕੋਟ ਰਹਿ ਰਹੇ ਸਨ।ਫਿਲਹਾਲ ਪੁਲਿਸ ਵਲੋਂ ਫਰੈਸਿਕ ਜਾਂਚ ਟੀਮਾਂ ਨੂੰ ਮੌਕੇ ‘ਤੇ ਬੁਲਾਇਆ ਗਿਆ ਹੈ ਜੋ ਕਾਰ ਨੂੰ ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਲਗਾ ਸਕੇ।
