ਟਰੰਪ ਨੇ ਦੇਣੇ ਹਨ ਇਸ ਬੰਦੇ ਦੇ ਪੈਸੇ, ਵਾਅਦਾ ਕਰਕੇ ਮੁੱਕਰਿਆ

ਡੋਨਾਲਡ ਟਰੰਪ ਦੇ ਇੱਕ ਸਾਬਕਾ ਬਾਡੀਗਾਰਡ ਕੇਵਿਨ ਮਕੇ ਨੇ ਹਾਲ ਹੀ ਵਿੱਚ ਦਾਅਵਾ ਕੀਤਾ ਹੈ ਕਿ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਵੱਲ ਉਸ ਦਾ $130 ਦਾ ਬਕਾਇਆ ਹੈ। ਇਹ ਪੈਸੇ ਉਸਨੇ ਟਰੰਪ ਦੇ ਇਕ ਮੈਕਡੋਨਲਡ ਆਡਰ ਲਈ ਦਿੱਤੇ ਸਨ। ਉਸਨੇ ਕਿਹਾ ਕਿ ਟਰੰਪ ਵੱਲ ਹਾਲੇ ਵੀ ਉਸਦਾ ਪੈਸਾ ਹੈ, ਹਾਲਾਂਕਿ ਉਸਨੇ ਕਿਹਾ ਸੀ ਕਿ ਉਹ ਉਸਨੂੰ ਵਾਪਸ ਅਦਾ ਕਰਨਗੇ। ਕੇਵਿਨ ਨੇ ਕਿਹਾ ਕਿ ਬਹੁਤ ਸਮੇਂ ਲਈ ਜਦੋਂ ਉਹ ਟਰੰਪ ਲਈ ਕੰਮ ਕਰ ਰਹੇ ਸਨ, ਉਹ ਇਹ ਸੋਚਦੇ ਰਹੇ ਕਿ ਇਕ ਦਿਨ ਸਾਬਕਾ ਰਾਸ਼ਟਰਪਤੀ ਕਹਿਣਗੇ, “ਕੇਵਿਨ ਇਹ ਲਓ ਉਹ ਪੈਸਾ ਹੈ ਜਿਸਦਾ ਮੈਂ ਕਰਜਦਾਰ ਸੀ” ਪਰ ਅਜਿਹਾ ਨਹੀਂ ਹੋਇਆ।
ਜਿਸ ਆਡਰ ਲਈ ਕੇਵਿਨ ਨੇ ਪੈਸੇ ਦਿੱਤੇ ਸਨ ਉਸ ਵਿਚ 20 ਪਨੀਰ ਬਰਗਰ ਅਤੇ 10 ਤੋਂ 15 ਕੋਕਾਕੋਲਾ ਦੇ ਨਾਲ ਫ੍ਰੈਂਚ ਫਰਾਈ ਵੀ ਸ਼ਾਮਿਲ ਸਨ। ਕੇਵਿਨ ਨੇ ਅੱਗੇ ਕਿਹਾ ਕਿ ਟਰੰਪ ਨੇ ਦੋ ਪਨੀਰ ਬਰਗਰ, ਫ੍ਰੈਂਚ ਫਰਾਈ ਅਤੇ ਡਾਈਟ ਕੋਕ ਦਾ ਆਡਰ ਦਿੱਤਾ ਸੀ। ਇਸ ਸਾਰੇ ਦਾ ਬਿੱਲ 130 ਅਮਰੀਕੀ ਡਾਲਰ ਆਇਆ ਸੀ। ਇਹ ਗੱਲ 2008 ਦੀ ਹੈ ਜਦੋਂ ਉਹ ਉੱਤਰ ਪੂਰਬ ਸਕਾਟਲੈਂਡ ‘ਚ ਹਵਾਈ ਅੱਡੇ ਵੱਲ ਜਾ ਰਹੇ ਸਨ।