ਅਫ਼ਗਾਨਿਸਤਾਨ ਦੇ ਵਿੱਚ ਤਾਲਿਬਾਨ ਦੇ ਕਬਜੇ ਤੋਂ ਬਾਅਦ ਹਰ ਕੋਈ ਵਿਵਾਦਤ ਟਿੱਪਣੀਆਂ ਕਰ ਰਿਹਾ ਹੈ | ਇਸ ਨੂੰ ਲੈ ਕੇ BJP ਵਿਧਾਇਕ ਹਰਿਭੂਸ਼ਨ ਠਾਕੁਰ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਇੱਕ ਵਿਵਾਦਤ ਬਿਆਨ ਦਿੱਤਾ ਹੈ ਕਿ ਜੇਕਰ ਕਿਸੇ ਨੂੰ ਭਾਰਤ ਵਿੱਚ ਪੈਟਰੋਲ ਡੀਜ਼ਲ ਦੀਆਂ ਕੀਮਤਾਂ ਜਿਆਦਾ ਲੱਗਦੀਆਂ ਹਨ ਤਾਂ ਉਹ ਲੋਕ ਅਫ਼ਗਾਨਿਸਤਾਨ ਚਲੇ ਜਾਣ ਉਥੇ ਸਸਤਾ ਪੈਟਰੋਲ-ਡੀਜ਼ਲ ਮਿਲਦਾ ਹੈ | ਉਥੇ ਜਾਣ ਨਾਲ ਭਾਰਤੀਆਂ ਨੂੰ ਆਪਣੇ ਦੇਸ਼ ਦੀ ਖੂਬੀ ਪਤਾ ਚੱਲੇਗੀ | ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਅਫ਼ਗਾਨਿਸਤਾਨ ਦੇ ਵਿੱਚ ਕਿਵੇ ਹਵਾਈ ਜ਼ਹਾਜ਼ਾ ਨਾਲ ਲਮਕ ਕੇ ਲੋਕ ਆ ਰਹੇ ਹਨ ਜਿਸ ਕਾਰਨ ਕੁਝ ਲੋਕਾਂ ਦੀ ਡਿੱਗਣ ਕਾਰਨ ਮੌਤ ਵੀ ਹੋਈ |
ਹਰਿਭੂਸ਼ਨ ਠਾਕੁਰ ਨੇ ਕਿਹਾ ਕਿ ਭਾਰਤ ਦੇ ਲੋਕ ਨਹੀਂ ਸੱਭਲੇ ਤਾਂ ਭਾਰਤ ਵੀ ਅਫ਼ਗਾਨਿਸਤਾਨ ਬਣੇਗਾ ਤਾਲੀਬਾਨ ਬਣੇਗੀ | ਭਾਰਤ ਦੇ ਲੋਕ ਅਫ਼ਗਾਨਿਸਤਾਨ ਦੇ ਹਾਲਾਤ ਦੇਖ ਕੇ ਕੋਈ ਸਬਕ ਜ਼ਰੂਰ ਸਿੱਖਣ |
