ਪੈਟਰੋਲ ਕੀਮਤਾਂ ਦਾ ਸ਼ੂਟ ਵਟਣਾ ਅੱਜ ਵੀ ਜਾਰੀ ਰਿਹਾ ਜਦੋਂਕਿ ਪਿਛਲੇ ਤਿੰਨ ਮਹੀਨਿਆਂ ’ਚ ਡੀਜ਼ਲ ਦਾ ਭਾਅ ਪਹਿਲੀ ਵਾਰ ਘਟਿਆ ਹੈ। ਸਰਕਾਰੀ ਮਾਲਕੀ ਵਾਲੀਆਂ ਪ੍ਰਚੂਨ ਤੇਲ ਕੰਪਨੀਆਂ ਵੱਲੋਂ ਜਾਰੀ ਨੋਟੀਫਿਕੇਸ਼ਨ ਮੁਤਾਬਕ ਦਿੱਲੀ ਵਿੱਚ ਪੈਟਰੋਲ 28 ਪੈਸੇ ਦੇ ਵਾਧੇ ਨਾਲ 101.19 ਰੁਪਏ ਪ੍ਰਤੀ ਲਿਟਰ ਦੇ ਭਾਅ ਨੂੰ ਪਹੁੰਚ ਗਿਆ ਜਦੋਂਕਿ ਡੀਜ਼ਲ ਦੀ ਕੀਮਤ 16 ਪੈਸੇ ਪ੍ਰਤੀ ਲਿਟਰ ਘਟ ਕੇ 89.72 ਰੁਪਏ ਪ੍ਰਤੀ ਲਿਟਰ ਨੂੰ ਜਾ ਪੁੱਜੀ। ਕੀਮਤਾਂ ’ਚ ਫੇਰਬਦਲ ਨਾਲ ਦੇਸ਼ ਭਰ ਵਿੱਚ ਪੈਟਰੋਲ ਦਾ ਭਾਅ 25 ਤੋਂ 35 ਪੈਸੇ ਪ੍ਰਤੀ ਲਿਟਰ ਵਧ ਗਿਆ ਤੇ ਡੀਜ਼ਲ ਦੀ ਕੀਮਤ 15 ਤੋਂ 20 ਪੈਸੇ ਪ੍ਰਤੀ ਲਿਟਰ ਘਟ ਗਈ।
