ਪੰਜਾਬ ਦੇ ਸ਼ਾਹੀ ਸ਼ਹਿਰ ਪਟਿਆਲਾ ‘ਚ ਕੋਰੋਨਾ ਨੇ ਰਫ਼ਤਾਰ ਫੜ ਲਈ ਹੈ।ਜਿਸ ਚੌਥੀ ਲਹਿਰ ਦੀ ਆਸ਼ੰਕਾ ਜਤਾਈ ਜਾ ਰਹੀ ਸੀ, ਉਹ ਪਟਿਆਲਾ ‘ਚ ਦਿਖਾਈ ਦੇਣ ਲੱਗੀ ਹੈ।ਪਟਿਆਲਾ ਦੀ ਰਾਜੀਵ ਗਾਂਧੀ ਲਾਅ ਯੂਨੀਵਰਸਿਟੀ ‘ਚ ਵੀਰਵਾਰ ਨੂੰ 122 ਸਟੂਡੈਂਟਸ ਕੋਰੋਨਾ ਪਾਜ਼ੇਟਿਵ ਪਾਏ ਗਏ।ਹਾਲਾਂਕਿ ਜੋ ਸਟੂਡੈਂਟ ਕੋਰੋਨਾ ਪਾਜ਼ੇਟਿਵ ਆਏ ਹਨ, ਉਨਾਂ੍ਹ ‘ਚ ਕਈ ਵੀ ਮਾਮਲਾ ਗੰਭੀਰ ਨਹੀਂ ਹੈ।
ਪਰ ਕੋਰੋਨਾ ਦੇ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਯੂਨੀਵਰਸਿਟੀ ਪ੍ਰਸ਼ਾਸ਼ਨ ਸਰਗਰਮ ਹੋ ਗਿਆ ਹੈ ਅਤੇ ਯੂਨੀਵਰਸਿਟੀ ‘ਚ ਸਖ਼ਤੀ ਵਧਾ ਦਿੱਤੀ ਗਈ ਹੈ।ਯੂਨੀਵਰਸਿਟੀ ਦੇ ਡਾਕਟਰਾਂ ਨੇ ਦੱਸਿਆ ਕਿ ਯੂਨੀਵਰਸਿਟੀ ‘ਚ ਕੋਰੋਨਾ ਦਾ ਪਹਿਲਾ ਮਾਮਲਾ 26 ਅਪ੍ਰੈਲ ਨੂੰ ਸਾਹਮਣੇ ਆਇਆ ਸੀ।ਇਸ ਤੋਂ ਬਾਅਦ ਯੂਨੀਵਰਸਿਟੀ ਨੇ 150 ਦੇ ਕਰੀਬ ਵਿਦਿਆਰਥੀ ਦੇ ਸੈਂਪਲ ਲਏ ਗਏ ਹਨ ਇਹ ਅੰਕੜਾ ਵੱਧ ਗਿਆ।
ਇਸ ਤੋਂ ਬਾਅਦ ਯੂਨੀਵਰਸਿਟੀ ਨੇ ਕਰੀਬ 800 ਸੈਂਪਲ ਯੂਨੀਵਰਸਿਟੀ ਦੇ ਵਿਦਿਆਰਥੀ ਇਕੱਠੇ ਕੀਤੇ ਅਤੇ ਟੈਸਟਿੰਗ ਲਈ ਭੇਜੇ।ਇਨ੍ਹਾਂ ‘ਚ 122 ਵਿਦਿਆਰਥੀਆਂ ਦੇ ਕੋਰੋਨਾ ਪਾਜ਼ੇਟਿਵ ਹੋਣ ਦੀ ਪੁਸ਼ਟੀ ਹੋਈ ਹੈ।ਯੂਨੀਵਰਸਿਟੀ ਦੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਯੂਨੀਵਰਸਿਟੀ ‘ਚ ਜਿਨ੍ਹਾਂ ਵਿਦਿਆਰਥੀਆਂ ਦੇ ਸੈਂਪਲ ਪਾਜ਼ੇਟਿਵ ਆਏ ਹਨ, ਉਨਾਂ੍ਹ ‘ਚ ਓਮੀਕ੍ਰੋਨ ਦੇ ਦੋ ਵੇਰੀਐਂਟ ਬੀਏ-2 ਅਤੇ ਬੀਏ-3 ਪਾਇਆ ਗਿਆ ਹੈ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਬੇਸ਼ੱਕ ਵਿਦਿਆਰਥੀਆਂ ਦੇ ਸੈਂਪਲ ਕੋਰੋਨਾ ਪਾਜ਼ੇਟਿਵ ਹੈ।ਪਰ ਇਨ੍ਹਾਂ ‘ਚ ਲੱਛਣ ਮਾਈਨਰ ਹਨ।ਬਹੁਤ ਘੱਟ ਸਟੂਡੈਂਟ ਅਜਿਹੇ ਹੈ, ਜਿਨ੍ਹਾਂ ਨੂੰ ਦੋ ਦਿਨ ਬੁਖਾਰ ਦੇ ਨਾਲ ਸਰੀਰ ‘ਚ ਦਰਦ ਰਹਿੰਦਾ।ਬਾਕੀ ਸਟੂਡੈਂਟਸ ਨੂੰ ਕੁਝ ਖਾਸ ਫੀਲ ਨਹੀਂ ਹੋਇਆ।
