ਮੇਰਠ — ਪਿਛਲੀਆਂ ਸਰਕਾਰਾਂ ‘ਤੇ ਖੇਡਾਂ ‘ਚ ਨੌਜਵਾਨਾਂ ਦੀ ਸਮਰੱਥਾ ਨੂੰ ਨਜ਼ਰਅੰਦਾਜ਼ ਕਰਨ ਦਾ ਦੋਸ਼ ਲਗਾਉਂਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਐਤਵਾਰ ਨੂੰ ਕਿਹਾ ਕਿ ਅੱਜ ਨੌਜਵਾਨ ਜਿਸ ਰਾਹ ‘ਤੇ ਚਲੇ ਜਾਣ, ਉਹੀ ਦੇਸ਼ ਦਾ ਮਾਰਗ ਹੈ ਅਤੇ ਹੁਣ ਇਹ 21ਵੀਂ ਸਦੀ ਦਾ ਮੰਤਰ ਵੀ ਹੈ। ਉੱਤਰ ਪ੍ਰਦੇਸ਼ ਦੇ ਮੇਰਠ ਵਿੱਚ ਮੇਜਰ ਧਿਆਨਚੰਦ ਸਪੋਰਟਸ ਯੂਨੀਵਰਸਿਟੀ ਦਾ ਨੀਂਹ ਪੱਥਰ ਰੱਖਦੇ ਹੋਏ ਮੋਦੀ ਨੇ ਕਿਹਾ ਕਿ 21ਵੀਂ ਸਦੀ ਦਾ ਮੰਤਰ ‘ਯੁਵਾਜਨੋ ਯੇਨ ਗਤਾਹ ਸਪੰਥਾ’ਹੈ। ਉਨ੍ਹਾਂ ਕਿਹਾ, “ਅੱਜ ਜਿੱਥੇ ਵੀ ਨੌਜਵਾਨ ਦੌੜੇਗਾ, ਉੱਥੇ ਭਾਰਤ ਚੱਲੇਗਾ ਅਤੇ ਜਿੱਥੇ ਭਾਰਤ ਚੱਲੇਗਾ, ਉੱਥੇ ਦੁਨੀਆ ਚੱਲਣ ਲਈ ਮਜਬੂਰ ਹੈ।” ਅਰਥਾਤ ਜਿਸ ਰਾਹ ‘ਤੇ ਨੌਜਵਾਨ ਵੱਧ ਜਾਣ, ਉਹੀ ਸਹੀ ਰਾਹ ਹੈ। ਉਨ੍ਹਾਂ ਕਿਹਾ, ‘‘ਅੱਜ ਜਿੱਥੇ ਨੌਜਵਾਨ ਚੱਲੇਗਾ ਉੱਧਰ ਭਾਰਤ ਚੱਲੇਗਾ ਅਤੇ ਜਿੱਥੇ ਭਾਰਤ ਚੱਲੇਗਾ, ਉੱਧਰ ਹੀ ਦੁਨੀਆ ਚੱਲਣ ਨੂੰ ਮਜ਼ਬੂਰ ਹੁੰਦੀ ਹੈ।
ਇਸ ਤੋਂ ਪਹਿਲਾਂ ਮੋਦੀ ਨੇ ਮੇਰਠ ਦੇ ਸਲਵਾ ਵਿਖੇ 700 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਨ ਵਾਲੀ ਮੇਜਰ ਧਿਆਨ ਚੰਦ ਸਪੋਰਟਸ ਯੂਨੀਵਰਸਿਟੀ ਦਾ ਨੀਂਹ ਪੱਥਰ ਰੱਖਿਆ। ਇਸ ਮੌਕੇ ਉੱਤਰ ਪ੍ਰਦੇਸ਼ ਦੇ ਰਾਜਪਾਲ ਆਨੰਦੀਬੇਨ ਪਟੇਲ, ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਅਤੇ ਉਪ ਮੁੱਖ ਮੰਤਰੀ ਕੇਸ਼ਵ ਪ੍ਰਸਾਦ ਮੌਰਿਆ ਤੋਂ ਇਲਾਵਾ ਕੇਂਦਰ ਅਤੇ ਰਾਜ ਸਰਕਾਰਾਂ ਦੇ ਕਈ ਮੰਤਰੀ ਅਤੇ ਜਨ ਪ੍ਰਤੀਨਿਧੀ ਵੀ ਮੌਜੂਦ ਸਨ।ਮੋਦੀ ਨੇ ਅੱਜ ਸਵੇਰੇ ਦਿੱਲੀ ਵਿੱਚ ਧੁੰਦ ਕਾਰਨ ਮੇਰਠ ਪਹੁੰਚਣ ਲਈ ਹਵਾਈ ਮਾਰਗ ਦੀ ਬਜਾਏ ਸਾਰਿਆਂ ਨੂੰ ਹੈਰਾਨ ਕਰਦੇ ਹੋਏ ਸੜਕ ਮਾਰਗ ਰਾਹੀਂ ਦਿੱਲੀ ਮੇਰਠ ਐਕਸਪ੍ਰੈਸਵੇਅ ਰਾਹੀਂ ਜਾਣ ਦਾ ਫੈਸਲਾ ਲਿਆ। ਇੱਥੇ ਪਹੁੰਚ ਕੇ ਉਨ੍ਹਾਂ ਨੇ ਕਾਲੀ ਪਲਟਨ ਮੰਦਰ ‘ਚ ਭਗਵਾਨ ਔਘੜਨਾਥ ਦੇ ਦਰਸ਼ਨ ਕੀਤੇ।
