Anne Marie and Diljit Dosanjh: ਦਿਲਜੀਤ ਦੋਸਾਂਝ ਭਾਰਤੀ ਫਿਲਮ ਤੇ ਮਿਊਜ਼ਿਕ ਇੰਡਸਟਰੀ ਦੇ ਸਭ ਤੋਂ ਵੱਧ ਸ਼ਾਈਨਿੰਗ ਸਟਾਰ ਹਨ। ਸੁਪਰਸਟਾਰ ਦੀ ਫੈਨ ਫੋਲੋਇੰਗ ਲੱਖਾਂ ਵਿੱਚ ਹੈ ਤੇ ਉਹ ਹਮੇਸ਼ਾ ਇਸ ਲਈ ਧੰਨਵਾਦੀ ਰਿਹਾ ਹੈ। ਉਹ ਨਾ ਸਿਰਫ਼ ਪੰਜਾਬੀ ਮਿਊਜ਼ਿਕ ਚਾਰਟਸ ‘ਤੇ ਰਾਜ ਕਰਦਾ ਹੈ, ਸਗੋਂ ਉਸ ਦੇ ਬਾਲੀਵੁੱਡ ਗਾਣਿਆਂ ਨੇ ਵੀ ਕਾਫੀ ਤਾਰੀਫਾਂ ਖੱਟੀਆਂ। ਸ਼ਾਇਦ ਇਸੇ ਲਈ ਉਸ ਦੇ ਫੈਨਸ ਤੇ ਕੋ-ਸਟਾਰਸ ਸਮੇਤ ਹਰ ਕੋਈ ਉਸ ਨੂੰ ਦਿਲੋਂ ਪਿਆਰ ਕਰਦਾ ਹੈ।
ਹਾਲ ਹੀ ‘ਚ ਉਨ੍ਹਾਂ ਦੀ ‘Peaches’ ਕੋ-ਸਟਾਰ ਤੇ ਹਾਲੀਵੁੱਡ ਸਿੰਗਰ Anne-Marie ਨੇ ਵੀ ਇੱਕ ਇੰਟਰਵਿਊ ‘ਚ ਦਿਲਜੀਤ ਨੂੰ ਯਾਦ ਕੀਤਾ ਤੇ ਦਿਲਜੀਤ ਦੋਸਾਂਝ ਦੀ ਤਾਰੀਫ ਕੀਤੀ। ਦਿਲਜੀਤ ਦੋਸਾਂਝ ਅਤੇ ਐਨੀ-ਮੈਰੀ ਦੋਵਾਂ ਨੇ ਈਪੀ Drive Thru ਦੇ ਗਾਣੇ ‘Peaches’ ਲਈ ਇਕੱਠੇ ਕੰਮ ਕੀਤਾ ਸੀ। ਗਾਣੇ ਨੂੰ ਫੈਨਸ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਤੇ ਸਾਰਿਆਂ ਨੇ ਇਸ ਕੋਲੈਬ੍ਰੇਸ਼ਨ ਨੂੰ ਵੀ ਕਾਫੀ ਪਸੰਦ ਕੀਤਾ।
ਦੱਸ ਦਈਏ ਕਿ ਦੋਸਾਂਝਾਵਾਲੇ ਦੇ ਇਸ ਗਾਣੇ ਨੂੰ ਯੂਟਿਊਬ ‘ਤੇ 50 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।ਹਾਲ ਹੀ ਵਿੱਚ ਜਦੋਂ ਐਨੀ ਨੂੰ ਦਿਲਜੀਤ ਦੋਸਾਂਝ ਨਾਲ ਕੰਮ ਕਰਨ ਦੇ ਉਸ ਦੇ ਤਜ਼ਰਬੇ ਬਾਰੇ ਪੁੱਛਿਆ ਗਿਆ, ਤਾਂ ਉਹ ਸੁਪਰਸਟਾਰ ਤੇ ਉਸ ਦੀ ਆਵਾਜ਼ ਦੀ ਤਾਰੀਫ਼ ਕਰਨ ਤੋਂ ਖੁਦ ਨੂੰ ਰੋਕ ਨਹੀਂ ਸਕੀ। ਉਸਨੇ ਕਿਹਾ, “ਅਸੀਂ ਲੰਡਨ ਵਿੱਚ ਮਿਲੇ ਸੀ ਜਦੋਂ ਉਹ ਆਇਆ ਸੀ ਤੇ ਉਸ ਨਾਲ ਇਹ ਮੀਟਿੰਗ ਬਹੁਤ ਮਜ਼ੇਦਾਰ ਸੀ। ਮੈਂ ਉਸਨੂੰ ਪਿਆਰ ਕਰਦੀ ਸੀ ਅਤੇ ਮੈਨੂੰ ਦੂਜੇ ਨਾਲ ਆਪਣਾ ਸੰਗੀਤ ਸਾਂਝਾ ਕਰਨਾ ਪਸੰਦ ਸੀ। ਉਸਦੀ ਆਵਾਜ਼ ਨਾ ਸਿਰਫ ਕਮਾਨ ਹੈ, ਸਗੋਂ ਬੇਹੱਦ ਖੂਬਸੂਰਤ ਵੀ ਹੈ। ”
ਇੰਨਾ ਹੀ ਨਹੀਂ, ਐਨੀ-ਮੈਰੀ ਨੇ ਇਹ ਵੀ ਕਿਹਾ ਕਿ ਉਹ ਮੁੜ ਭਾਰਤ ਆਉਣਾ ਪਸੰਦ ਕਰੇਗੀ ਤੇ ਇਸ ਵਾਰ ਉਹ ਗੋਆ ਆਉਣਾ ਚਾਹੁੰਦੀ ਹੈ ਕਿਉਂਕਿ ਹਰ ਕੋਈ ਕਹਿੰਦਾ ਹੈ ਕਿ ਗੋਆ ਸ਼ਾਨਦਾਰ ਹੈ।
ਭਾਰਤ ਵਿੱਚ ਐਨੀ-ਮੈਰੀ ਦੇ ਪ੍ਰਫਾਰਮੈਸ਼ ਬਾਰੇ ਗੱਲ ਕਰਿਏ ਤਾਂ ਉਸਨੇ ਪਿਛਲੇ ਮਹੀਨੇ ਭਾਰਤ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਜਦੋਂ ਉਸਨੇ 3-ਦਿਨਾ Vh1 Supersonic ਮਿਊਜ਼ਿਕ ਫੈਸਟੀਵਲ ਵਿੱਚ ਪ੍ਰਫਾਰਮੈਂਸ ਦਿੱਤੀ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
