ਵੀਰਵਾਰ ਨੂੰ ਏਅਰ ਇੰਡੀਆ ਦੇ ਜਹਾਜ਼ ਦੇ ਘਾਤਕ ਹਾਦਸੇ ਤੋਂ ਬਾਅਦ ਏਅਰ ਇੰਡੀਆ ਅਤੇ ਏਅਰ ਇੰਡੀਆ ਐਕਸਪ੍ਰੈਸ ਫਲਾਈਟ ਨੰਬਰ ‘171’ ਨੂੰ ਖਤਮ ਕਰ ਦੇਣਗੇ, ਜਿਸ ਵਿੱਚ 241 ਲੋਕ ਸਵਾਰ ਸਨ।
ਦੱਸ ਦੇਈਏ ਕਿ ਬੋਇੰਗ 787-8 ਡ੍ਰੀਮਲਾਈਨਰ ਜਹਾਜ਼ ਜੋ ਉਡਾਣ ਭਰਨ ਤੋਂ ਤੁਰੰਤ ਬਾਅਦ ਡਿੱਗ ਗਿਆ ਸੀ, ਉਹ ਅਹਿਮਦਾਬਾਦ ਤੋਂ ਲੰਡਨ ਗੈਟਵਿਕ ਲਈ ਫਲਾਈਟ ਦਾ ਨੰਬਰ ‘AI 171’ ਸੀ।
ਜਾਣਕਾਰੀ ਅਨੁਸਾਰ ਸ਼ਨੀਵਾਰ ਨੂੰ ਕਿਹਾ ਕਿ ਇਹ ਇੱਕ ਆਮ ਗੱਲ ਹੈ ਕਿ ਘਾਤਕ ਜਹਾਜ ਹਾਦਸਿਆਂ ਤੋਂ ਬਾਅਦ ਏਅਰਲਾਈਨਾਂ ਖਾਸ ਉਡਾਣ ਨੰਬਰਾਂ ਦੀ ਵਰਤੋਂ ਬੰਦ ਕਰ ਦਿੰਦੀਆਂ ਹਨ।
ਜਾਣਕਾਰੀਆਂ ਅਨੁਸਾਰ ਹੁਣ 17 ਜੂਨ ਤੋਂ, ਅਹਿਮਦਾਬਾਦ-ਲੰਡਨ ਗੈਟਵਿਕ ਦਾ ਉਡਾਣ ਨੰਬਰ ‘AI 171’ ਦੀ ਬਜਾਏ ‘AI 159’ ਹੋਵੇਗਾ। ਇੱਕ ਸੂਤਰਾਂ ਨੇ ਦੱਸਿਆ ਕਿ ਬੁਕਿੰਗ ਪ੍ਰਣਾਲੀ ਵਿੱਚ ਲੋੜੀਂਦੇ ਬਦਲਾਅ ਸ਼ੁੱਕਰਵਾਰ ਨੂੰ ਕੀਤੇ ਗਏ ਸਨ।
ਇੱਕ ਹੋਰ ਸਰੋਤ ਨੇ ਕਿਹਾ ਕਿ ਏਅਰ ਇੰਡੀਆ ਐਕਸਪ੍ਰੈਸ ਨੇ ਵੀ ਆਪਣੀ ਫਲਾਈਟ ਨੰਬਰ ‘IX 171’ ਨੂੰ ਖਤਮ ਕਰਨ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਫਲਾਈਟ ਨੰਬਰ ‘171’ ਨੂੰ ਬੰਦ ਕਰਨਾ ਵੀ ਵਿਛੜੀਆਂ ਰੂਹਾਂ ਪ੍ਰਤੀ ਸਤਿਕਾਰ ਦਾ ਪ੍ਰਤੀਕ ਹੈ।
2020 ਵਿੱਚ, ਏਅਰ ਇੰਡੀਆ ਐਕਸਪ੍ਰੈਸ ਨੇ ਕੋਜ਼ੀਕੋਡ ਵਿੱਚ ਹਾਦਸਾਗ੍ਰਸਤ ਹੋਏ ਜਹਾਜ਼ ਦੇ ਫਲਾਈਟ ਨੰਬਰ ਦੀ ਵਰਤੋਂ ਵੀ ਬੰਦ ਕਰ ਦਿੱਤੀ, ਜਿਸ ਵਿੱਚ 21 ਲੋਕ ਸਵਾਰ ਸਨ।
