Shikhar Dhawan in Movie : ਜਦੋਂ ਤੋਂ ਸੋਨਾਕਸ਼ੀ ਸਿਨਹਾ (Sonakshi Sinha) ਅਤੇ ਹੁਮਾ ਕੁਰੈਸ਼ੀ (Huma Qureshi) ਦੀ ਫਿਲਮ ‘ਡਬਲ ਐਕਸਐੱਲ’ ਦਾ ਟੀਜ਼ਰ ਸਾਹਮਣੇ ਆਇਆ ਹੈ, ਇਹ ਫਿਲਮ ਲਗਾਤਾਰ ਚਰਚਾ ‘ਚ ਹੈ। ਦੱਸ ਦੇਈਏ ਕਿ ਇਸ ਫਿਲਮ ‘ਚ ਭਾਰਤੀ ਕ੍ਰਿਕਟਰ ਸ਼ਿਖਰ ਧਵਨ (Shikhar Dhawan) ਵੀ ਨਜ਼ਰ ਆਉਣ ਵਾਲੇ ਹਨ। ਸੋਨਾਕਸ਼ੀ ਅਤੇ ਹੁਮਾ ਦੀ ਇਹ ਫਿਲਮ ਦੋ ਅਜਿਹੀਆਂ ਪਲੱਸ-ਸਾਈਜ਼ ਫੀਮੇਲ ਬਾਰੇ ਹੈ ਜੋ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ।
ਸਤਰਾਮ ਰਮਾਨੀ ਵਲੋਂ ਡਾਈਰੈਕਟ ਕੀਤੀ ਇਹ ਫਿਲਮ ਸਲਾਈਸ ਆਫ਼ ਲਾਈਫ ਹੈ, ਜੋ ਜ਼ਿਆਦਾ ਭਾਰ ਵਾਲੀਆਂ ਔਰਤਾਂ ਨਾਲ ਜੁੜੀਆਂ ਕਈ ਮਿੱਥਾਂ ਬਾਰੇ ਗੱਲ ਕਰਨ ਜਾ ਰਹੀ ਹੈ। ਹਾਲਾਂਕਿ ਇਸ ਫਿਲਮ ‘ਚ ਸ਼ਿਖਰ ਹੀਰੋ ਦੇ ਰੂਪ ‘ਚ ਨਜ਼ਰ ਨਹੀਂ ਪਰ ਖਾਸ ਭੂਮਿਕਾ ‘ਚ ਨਜ਼ਰ ਆਉਣ ਵਾਲੇ ਹਨ।
ਵਧਦੇ ਭਾਰ ਤੋਂ ਚਿੰਤਤ ਲੋਕਾਂ ‘ਤੇ ਫਿਲਮਾਂ ‘ਚ ਕਈ ਕਹਾਣੀਆਂ ਦਿਖਾਈਆਂ ਗਈਆਂ ਹਨ। ਪਰ ਨਿਰਦੇਸ਼ਕ ਸਤਰਾਮ ਰਮਾਨੀ ਦੀ DOUBLE XL ਆਪਣੀ ਕਹਾਣੀ ਦੱਸਣ ਦੇ ਤਰੀਕੇ ਵਿੱਚ ਕਾਫ਼ੀ ਤਾਜ਼ਾ ਹੈ। ਸੋਨਾਕਸ਼ੀ ਅਤੇ ਹੁਮਾ ਦੀ ਇਸ ਫਿਲਮ ‘ਚ ਉਨ੍ਹਾਂ ਨਾਲ ਅਭਿਨੇਤਾ ਜ਼ਹੀਰ ਇਕਬਾਲ ਅਤੇ ਮਹਤ ਰਾਧਵੇਂਦਰ ਨਜ਼ਰ ਆਉਣ ਵਾਲੇ ਹਨ। ਇਨ੍ਹਾਂ ਦੋਵਾਂ ਕਲਾਕਾਰਾਂ ਤੋਂ ਇਲਾਵਾ ਇਸ ਫਿਲਮ ‘ਚ ਕ੍ਰਿਕਟਰ ਸ਼ਿਖਰ ਧਵਨ ਵੀ ਨਜ਼ਰ ਆਉਣ ਵਾਲੇ ਹਨ। ਸ਼ਿਖਰ ਇਸ ਫਿਲਮ ‘ਚ ਖਾਸ ਭੂਮਿਕਾ ਨਿਭਾਉਣਗੇ। ਡਬਲ ਐਕਸਐੱਲ ਇਸ ਸਾਲ 4 ਨਵੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।
ਆਪਣੇ ਕੈਮਿਓ ਰੋਲ ‘ਤੇ ਸ਼ਿਖਰ ਧਵਨ ਨੇ ਕਿਹਾ, ‘ਦੇਸ਼ ਲਈ ਖੇਡਦੇ ਹੋਏ ਮੈਂ ਆਪਣੀ ਜ਼ਿੰਦਗੀ ‘ਚ ਹਮੇਸ਼ਾ ਬਹੁਤ ਕੰਮ ਕੀਤਾ ਹੈ। ਅਜਿਹੇ ‘ਚ ਮੈਂ ਹਮੇਸ਼ਾ ਮਨੋਰੰਜਨ ਲਈ ਫਿਲਮਾਂ ਦੇਖਦਾ ਹਾਂ। ਜਦੋਂ ਇਹ ਪੇਸ਼ਕਸ਼ ਮੇਰੇ ਕੋਲ ਆਈ ਅਤੇ ਮੈਂ ਕਹਾਣੀ ਸੁਣੀ ਤਾਂ ਇਸ ਕਹਾਣੀ ਨੇ ਮੈਨੂੰ ਬਹੁਤ ਡੂੰਘਾ ਛੂਹਿਆ। ਇਹ ਕਹਾਣੀ ਸਮਾਜ ਨੂੰ ਇੱਕ ਸ਼ਾਨਦਾਰ ਸੰਦੇਸ਼ ਦੇਣ ਜਾ ਰਹੀ ਹੈ ਅਤੇ ਮੈਨੂੰ ਉਮੀਦ ਹੈ ਕਿ ਬਹੁਤ ਸਾਰੀਆਂ ਕੁੜੀਆਂ ਇਸ ਕਹਾਣੀ ਨੂੰ ਦੇਖਣ ਤੋਂ ਬਾਅਦ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਵਿੱਚ ਪਿੱਛੇ ਨਹੀਂ ਹਟਣਗੀਆਂ।
