Bday Special: ਕਿਸੇ ਸਮੇਂ ਹਿੰਦੀ ਸਿਨੇਮਾ 'ਤੇ ਰਾਜ ਕਰਦੀ ਸੀ Meenakshi

Meenakshi Sheshadri Bday Special: 90 ਦੇ ਦਹਾਕੇ ‘ਚ ਟਾਪ ਦੀਆਂ ਐਕਟਰਸ ਦੀ ਸੂਚੀ ‘ਚ ਸ਼ਾਮਲ ਮੀਨਾਕਸ਼ੀ ਸ਼ੇਸ਼ਾਦਰੀ ਦਾ ਜਨਮ 16 ਨਵੰਬਰ 1963 ਨੂੰ ਹੋਇਆ ਸੀ। ਮੀਨਾਕਸ਼ੀ ਦਾ ਅਸਲੀ ਨਾਂ ਸ਼ਸ਼ੀਕਲਾ ਸੀ।

ਐਕਟਰਸ ਟਾਪ ‘ਤੇ ਸੀ ਜਦੋਂ ਕੋਈ ਮਾਧੁਰੀ ਦੀਕਸ਼ਿਤ ਨੂੰ ਜਾਣਦਾ ਵੀ ਨਹੀਂ ਸੀ। ਮਿਸ ਇੰਡੀਆ ਦਾ ਖਿਤਾਬ ਜਿੱਤਣ ਵਾਲੀ ਮੀਨਾਕਸ਼ੀ ਦੇ ਲੱਖਾਂ ਫੈਨਸ ਸੀ ਪਰ ਇੱਕ ਗਲਤੀ ਨੇ ਉਸ ਦੀ ਸਾਰੀ ਮਿਹਨਤ ਨੂੰ ਤਬਾਹ ਕਰ ਦਿੱਤਾ।

ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਨਾਲ ਨੇੜਤਾ ਕਾਰਨ ਐਕਟਰਸ ਦਾ ਸਾਰਾ ਕਰੀਅਰ ਬਰਬਾਦ ਹੋ ਗਿਆ।

ਸਿਰਫ 17 ਸਾਲ ਦੀ ਉਮਰ ਵਿੱਚ ਸ਼ਸ਼ੀਕਲਾ ਨੇ ਆਪਣੇ ਕਾਲਜ ਦੇ ਦਿਨਾਂ ਵਿੱਚ ਈਵ ਮਿਸ ਇੰਡੀਆ ਮੁਕਾਬਲਾ ਜਿੱਤਿਆ। ਇਹ ਮੁਕਾਬਲਾ ਜਿੱਤਣ ਤੋਂ ਬਾਅਦ ਹਰ ਪਾਸੇ ਸਿਰਫ ਐਕਟਰਸ ਦੀ ਹੀ ਚਰਚਾ ਹੋਈ।

ਸ਼ਸ਼ੀਕਲਾ ਹਰ ਮੈਗਜ਼ੀਨ ਦੇ ਕਵਰ ਅਤੇ ਹਰ ਅਖਬਾਰ ਦੇ ਪੰਨੇ ‘ਤੇ ਛਪੀ। ਇਸ ਦੌਰਾਨ ਜਦੋਂ ਐਕਟਰ ਮਨੋਜ ਕੁਮਾਰ ਨੇ ਇੱਕ ਅਖ਼ਬਾਰ ‘ਚ ਸ਼ਸ਼ੀਕਲਾ ਦੀ ਤਸਵੀਰ ਦੇਖੀ ਤਾਂ ਉਹ ਉਸ ਦੀ ਖੂਬਸੂਰਤੀ ਦਾ ਕਾਇਲ ਹੋ ਗਏ ਤੇ ਉਨ੍ਹਾਂ ਨੇ ਸ਼ਸ਼ੀਕਲਾ ਨੂੰ ਆਪਣੀ ਅਗਲੀ ਫਿਲਮ ਵਿਚ ਬਤੌਰ ਐਕਟਰਸ ਕਾਸਟ ਕਰਨ ਦਾ ਫੈਸਲਾ ਕੀਤਾ।

ਮਨੋਜ ਕੁਮਾਰ ਦੀ ਫਿਲਮ ਦਾ ਨਾਂ ‘ਪੇਂਟਰ ਬਾਬੂ’ ਸੀ। ਜਿਸ ‘ਚ ਸ਼ਸ਼ੀਕਲਾ ਉਰਫ ਮੀਨਾਕਸ਼ੀ ਨੇ ਪਹਿਲੀ ਵਾਰ ਕੈਮਰੇ ਦੇ ਸਾਹਮਣੇ ਕੰਮ ਕੀਤਾ। ਇਹ ਫਿਲਮ ਫਲਾਪ ਰਹੀ ਪਰ ਸ਼ੋਅ ਮੈਨ ਵਜੋਂ ਜਾਣੇ ਜਾਂਦੇ ਨਿਰਦੇਸ਼ਕ ਸੁਭਾਸ਼ ਘਈ ਦੀ ਨਜ਼ਰ ਸ਼ਸ਼ੀਕਲਾ ‘ਤੇ ਪੈ ਗਈ ।

ਸੁਭਾਸ਼ ਘਈ ਨੇ ਫੈਸਲਾ ਕੀਤਾ ਕਿ ਉਹ ਆਪਣੀ ਫਿਲਮ ‘ਹੀਰੋ’ ਨਾਲ ਐਕਟਰਸ ਨੂੰ ਲਾਂਚ ਕਰਨਗੇ ਅਤੇ ਸੁਭਾਸ਼ ਨੇ ਆਪਣਾ ਵਾਅਦਾ ਨਿਭਾਇਆ।

ਕਿਹਾ ਜਾਂਦਾ ਹੈ ਕਿ ਮਨੋਜ ਕੁਮਾਰ ਅਤੇ ਸੁਭਾਸ਼ ਘਈ ਦੋਵਾਂ ਨੇ ਹੀ ਮੀਨਾਕਸ਼ੀ ਨੂੰ ਨਾਂ ਬਦਲਣ ਦਾ ਸੁਝਾਅ ਦਿੱਤਾ ਸੀ। ਜਿੱਥੇ ਮਨੋਜ ਕੁਮਾਰ ਨੇ ਦੱਸਿਆ ਕਿ ਪਹਿਲਾਂ ਤੋਂ ਹੀ ਸ਼ਸ਼ੀਕਲਾ ਨਾਂ ਦੀ ਐਕਟਰਸ ਸੀ, ਜੋ ਕਾਫੀ ਮਸ਼ਹੂਰ ਸੀ। ਸੁਭਾਸ਼ ਘਈ ‘ਮ’ ਅੱਖਰ ਨੂੰ ਲੱਕੀ ਮੰਨਦੇ ਸੀ।

ਇਸ ਲਈ ਉਨ੍ਹਾਂ ਨੇ ਸ਼ਸ਼ੀਕਲਾ ਨੂੰ ਆਪਣਾ ਨਾਂ ਬਦਲ ਕੇ ਮੀਨਾਕਸ਼ੀ ਰੱਖਣ ਲਈ ਕਿਹਾ। ਸੁਭਾਸ਼ ਘਈ ਲਈ ਵੀ ਇਹ ਨਾਂ ਲੱਕੀ ਸਾਬਤ ਹੋਇਆ।

ਫਿਲਮ ‘ਹੀਰੋ’ ‘ਚ ਜੈਕੀ ਸ਼ਰਾਫ ਨਾਲ ਮੀਨਾਕਸ਼ੀ ਸ਼ੇਸ਼ਾਦਰੀ ਦੀ ਜੋੜੀ ਨੂੰ ਕਾਫੀ ਪਸੰਦ ਕੀਤਾ ਗਿਆ ਅਤੇ ਇਹ ਫਿਲਮ ਬਾਕਸ ਆਫਿਸ ‘ਤੇ ਹਿੱਟ ਸਾਬਤ ਹੋਈ ।

ਮੀਨਾਕਸ਼ੀ ਸ਼ੇਸ਼ਾਦਰੀ ਨੇ ਮਹੇਸ਼ ਭੱਟ ਵਲੋਂ ਨਿਰਦੇਸ਼ਿਤ ‘ਜੁਰਮ’ ਵਿੱਚ ਵੀ ਕੰਮ ਕੀਤਾ। ਇਸ ਫਿਲਮ ਦਾ ਇੱਕ ਗੀਤ ‘ਜਬ ਕੋਈ ਬਾਤ ਬਿਗੜ ਜਾਏ’ ਬਹੁਤ ਮਸ਼ਹੂਰ ਹੋਇਆ। ਇਸ ਗੀਤ ਨੂੰ ਗਾਇਕ ਕੁਮਾਰ ਸਾਨੂ ਨੇ ਗਾਇਆ ਤੇ ਕੁਮਾਰ ਸਾਨੂ ਨੇ ਇਸ ਫਿਲਮ ਦੇ ਪ੍ਰੀਮੀਅਰ ਮੌਕੇ ਮੀਨਾਕਸ਼ੀ ਸ਼ੇਸ਼ਾਦਰੀ ਨਾਲ ਮੁਲਾਕਾਤ ਕੀਤੀ ।

ਪਹਿਲਾਂ ਤੋਂ ਵਿਆਹੁਤਾ ਹੋਣ ਦੇ ਬਾਵਜੂਦ ਕੁਮਾਰ ਸਾਨੂ ਨੂੰ ਮੀਨਾਕਸ਼ੀ ਸ਼ੇਸ਼ਾਦਰੀ ਨਾਲ ਪਿਆਰ ਹੋ ਗਿਆ, ਜਦਕਿ ਮੀਨਾਕਸ਼ੀ ਵੀ ਕੁਮਾਰ ਸਾਨੂ ਦੇ ਨੇੜੇ ਹੋਣ ਤੋਂ ਆਪਣੇ ਆਪ ਨੂੰ ਰੋਕ ਨਹੀਂ ਸਕੀ। ਇਨ੍ਹੀਂ ਦਿਨੀਂ ਮੀਨਾਕਸ਼ੀ ਅਤੇ ਕੁਮਾਰ ਸਾਨੂ ਦੇ ਅਫੇਅਰ ਦੀਆਂ ਖ਼ਬਰਾਂ ਨੇ ਕਾਫੀ ਸੁਰਖੀਆਂ ਬਟੋਰੀਆਂ।

ਜਦੋਂ ਕੁਮਾਰ ਸਾਨੂ ਦਾ ਤਲਾਕ ਹੋਇਆ ਤਾਂ ਉਸ ਦੀ ਪਤਨੀ ਰੀਟਾ ਨੇ ਤਲਾਕ ਲਈ ਮੀਨਾਕਸ਼ੀ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਸਾਰਿਆਂ ਨੂੰ ਲੱਗਦਾ ਸੀ ਕਿ ਤਲਾਕ ਤੋਂ ਬਾਅਦ ਇਹ ਦੋਵੇਂ ਵਿਆਹ ਕਰ ਲੈਣਗੇ ਪਰ ਅਜਿਹਾ ਨਹੀਂ ਹੋਇਆ।

ਅਫੇਅਰ ਦੀਆਂ ਖ਼ਬਰਾਂ ਨੇ ਮੀਨਾਕਸ਼ੀ ਦੇ ਕਰੀਅਰ ‘ਤੇ ਬਹੁਤ ਬੁਰਾ ਪ੍ਰਭਾਵ ਪਾਇਆ। ਇੱਥੋਂ ਤੱਕ ਕਿ ਉਸਨੇ ਫਿਲਮਾਂ ਤੋਂ ਦੂਰੀ ਬਣਾ ਲਈ ਤੇ ਅਮਰੀਕਾ ‘ਚ ਵਿਆਹ ਕਰਵਾ ਲਿਆ ਉੱਥੇ ਹੀ ਸੈਟਲ ਹੋ ਗਈ।

Bday Special: ਕਿਸੇ ਸਮੇਂ ਹਿੰਦੀ ਸਿਨੇਮਾ ‘ਤੇ ਰਾਜ ਕਰਦੀ ਸੀ Meenakshi Sheshadri, ਜਿਸ ਦੀ ਇੱਕ ਗਲਤੀ ਕਰੀਅਰ ‘ਤੇ ਪਈ ਭਾਰੀ

Related Posts

ਮਸ਼ਹੂਰ ਪੰਜਾਬੀ ਗਾਇਕਾ ਦਾ ਇੰਸਟਾਗ੍ਰਾਮ ਅਕਾਊਂਟ ਹੋਇਆ ਹੈਕ

ਪੰਜਾਬੀ ਗਾਇਕ ਜੱਸੀ ਗਿੱਲ ਨੂੰ ਵੱਡਾ ਸਦਮਾ, ਮਾਤਾ ਦਾ ਹੋਇਆ ਦਿਹਾਂਤ, ਭਲਕੇ ਕੀਤਾ ਜਾਵੇਗਾ ਅੰਤਿਮ ਸਸਕਾਰ

ਫ਼ਿਲਮ ‘ਸਰਪੰਚ’ ‘ਚ ਸ਼ਾਨਦਾਰ ਅਦਾਕਾਰੀ ਕਰ ਅਦਾਕਾਰ ਗੁਰਬਾਜ਼ ਸਿੰਘ ਨੇ ਪੰਜਾਬੀ ਫ਼ਿਲਮ ਇੰਡਸਟਰੀ ‘ਚ ਬਣਾਈ ਵੱਖਰੀ ਪਛਾਣ

OTT ਤੋਂ ਫ਼ਿਲਮ ਸਤਲੁਜ ਹਟਾਏ ਜਾਣ ‘ਤੇ ਬੋਲੇ ਦਿਲਜੀਤ ਦੋਸਾਂਝ, ਕਿਹਾ . . .

ਅੱਜ ਵਿਆਹ ਦੇ ਬੰਧਨ ‘ਚ ਬੱਝਣਗੇ ਆਮਿਰ ਖਾਨ, ਗਰਲਫ੍ਰੈਂਡ ਗੋਰੀ ਸਪ੍ਰੈੱਟ ਨਾਲ ਕਰਵਾਉਣਗੇ ਤੀਜਾ ਵਿਆਹ

ਵੱਡੀ ਖ਼ਬਰ : ਮਸ਼ਹੂਰ ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਦੇ ਜਿਮ ‘ਤੇ ਹੋਈ ਅੰਨ੍ਹੇਵਾਹ ਫਾਇਰਿੰਗ !

Recent News

ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਵਿਦਿਆਰਥੀ ਅਮਨ ਕੁਮਾਰ ਨੇ ਐਨ.ਸੀ.ਸੀ. ਮੈਰਿਟ ਲਿਸਟ ਵਿੱਚ ਹਾਸਲ ਕੀਤਾ ਆਲ ਇੰਡੀਆ ਰੈਂਕ-1

ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਵਿਖੇ ‘ਪਰਿਚਯ 2026’ ਨਾਲ ਨਵੇਂ ਵਿਦਿਆਰਥੀਆਂ ਦਾ ਸ਼ਾਨਦਾਰ ਸਵਾਗਤ

ਮੁੱਖ ਮੰਤਰੀ ਮਾਨ ਨੇ ਫਸਲਾਂ ਦੀ ਰਹਿੰਦ-ਖੂੰਹਦ ਦੇ ਟਿਕਾਊ ਪ੍ਰਬੰਧਨ ਨੂੰ ਉਤਸ਼ਾਹਿਤ ਕਰਨ ਲਈ ਸੀਆਈਆਈ ਨਾਲ ਮਿਲ ਕੇ ਕੰਮ ਕਰਨ ਦੀ ਕੀਤੀ ਵਕਾਲਤ

ਵਿਜੀਲੈਂਸ ਦੀ ਵੱਡੀ ਕਾਰਵਾਈ, ਸੇਵਾ ਕੇਂਦਰ ਦਾ ਕਰਮਚਾਰੀ ਰਿਸ਼ਵਤ ਲੈਂਦਾ ਕਾਬੂ

Quick Links