Birthday Special: Gul Panag ਨੇ ਆਪਣੇ ਵਿਆਹ 'ਚ ਮਾਰੀ ਸੀ ਬੁਲੇਟ 'ਤੇ ਐਂਟਰੀ

ਬਾਲੀਵੁੱਡ ਐਕਟਰਸ Gul Panag ਨੇ ਆਪਣੇ ਹੀ ਵਿਆਹ ‘ਚ ਬੁਲੇਟ ਬਾਈਕ ‘ਤੇ ਐਂਟਰੀ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ। ਸਾਲ 2003 ‘ਚ ਫਿਲਮ ‘ਧੂਪ’ ਨਾਲ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਗੁਲ ਪਨਾਗ 1999 ‘ਚ ਮਿਸ ਇੰਡੀਆ ਰਹਿ ਚੁੱਕੀ ਹੈ।

ਬਾਲੀਵੁੱਡ ਐਕਟਰਸ, ਮਾਡਲ ਤੇ ਸਾਬਕਾ ਮਿਸ ਇੰਡੀਆ ਗੁਲ ਪਨਾਗ ਦਾ ਅੱਜ ਜਨਮਦਿਨ ਹੈ। ਗੁਲ ਪਨਾਗ ਦਾ ਜਨਮ 3 ਜਨਵਰੀ 1979 ਨੂੰ ਚੰਡੀਗੜ੍ਹ ‘ਚ ਹੋਇਆ ਸੀ। ਗੁਲ ਪਨਾਗ ਨੇ ਆਪਣੀ ਜ਼ਿੰਦਗੀ ‘ਚ ਇੱਕ ਨਹੀਂ ਸਗੋਂ ਕਈ ਜ਼ਿੰਮੇਵਾਰੀਆਂ ਨਿਭਾਈਆਂ ਹਨ।

ਗੁਲ ਮਿਸ ਯੂਨੀਵਰਸ ਮੁਕਾਬਲੇ ‘ਚ ਹਿੱਸਾ ਲੈ ਚੁੱਕੀ ਹੈ। ਗੁਲ ਦਾ ਅਸਲੀ ਨਾਂ ਗੁਲਕੀਰਤ ਕੌਰ ਪਨਾਗ ਹੈ। ਉਹ ਇੱਕ ਪਾਇਲਟ, ਫਾਰਮੂਲਾ ਕਾਰ ਰੇਸਰ, VO ਆਟੀਸਟ ਤੇ ਸਿਆਸਤਦਾਨ ਵੀ ਹੈ। ਇਨ੍ਹਾਂ ਸਾਰੀਆਂ ਜ਼ਿੰਮੇਵਾਰੀਆਂ ਦੇ ਬਾਵਜੂਦ ਗੁਲ ਪਨਾਗ ਆਪਣੀ ਫਿਟਨੈੱਸ ‘ਤੇ ਖਾਸ ਧਿਆਨ ਦਿੰਦੀ ਹੈ।

ਇੰਨ੍ਹਾਂ ਹੀ ਨਹੀਂ, ਉਹ ਸੋਸ਼ਲ ਮੀਡੀਆ ‘ਤੇ ਆਪਣੀ ਫਿਟਨੈੱਸ ਨਾਲ ਜੁੜੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸ਼ੇਅਰ ਕਰਦੀ ਰਹਿੰਦੀ ਹੈ ਤਾਂ ਜੋ ਉਸ ਦੇ ਫੈਨਜ ਵੀ ਫਿਟਨੈੱਸ ਵੱਲ ਧਿਆਨ ਦੇਣ। ਸ਼ੁਰੂ ਤੋਂ ਹੀ, ਉਹ ਦੇਸ਼ ਭਰ ਦੀਆਂ ਔਰਤਾਂ ਨੂੰ ਅੱਗੇ ਵੱਧਣ ਲਈ ਉਤਸ਼ਾਹਿਤ ਅਤੇ ਪ੍ਰੇਰਿਤ ਕਰਦੀ ਰਹੀ ਹੈ।

ਸਾਲ 2011 ਵਿੱਚ ਗੁਲ ਪਨਾਗ ਨੇ ਆਪਣੇ ਬਚਪਨ ਦੇ ਦੋਸਤ ਰਿਸ਼ੀ ਅਟਾਰੀ ਨਾਲ ਵਿਆਹ ਕੀਤਾ, ਜੋ ਇੱਕ ਪਾਇਲਟ ਸੀ। ਗੁਲ ਪਨਾਗ ਨੇ ਆਪਣੇ ਹੀ ਵਿਆਹ ‘ਚ ਬੁਲੇਟ ਬਾਈਕ ‘ਤੇ ਐਂਟਰੀ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ।

ਸਾਲ 2003 ‘ਚ ਫਿਲਮ ‘ਧੂਪ’ ਨਾਲ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਗੁਲ ਪਨਾਗ 1999 ‘ਚ ਮਿਸ ਇੰਡੀਆ ਰਹਿ ਚੁੱਕੀ ਹੈ। ਗੁਲ ਨੇ ਹੈਲੋ, ਸਟ੍ਰੇਟ ਤੇ ਅੱਬ ਤਕ 56 ਵਰਗੀਆਏ ਫਿਲਮਾਂ ‘ਚ ਕੰਮ ਕਰਕੇ ਫੈਨਸ ਦਾ ਦਿਲ ਜਿੱਤਿਆ।

ਇੰਨਾ ਹੀ ਨਹੀਂ ਉਸ ਨੇ ਹਿੰਦੀ ਫਿਲਮਾਂ ਦੇ ਨਾਲ-ਨਾਲ ਪੰਜਾਬੀ ਫਿਲਮਾਂ ‘ਚ ਵੀ ਆਪਣਾ ਜਲਵਾ ਬਿਖੇਰਿਆ ਹੈ। ਵਿਆਹ ਦੇ ਅੱਠ ਸਾਲ ਬਾਅਦ ਗੁਲ ਮਾਂ ਬਣੀ ਪਰ ਛੇ ਮਹੀਨੇ ਤੱਕ ਉਸ ਨੇ ਆਪਣੇ ਬੇਟੇ ਨੂੰ ਦੁਨੀਆ ਤੋਂ ਲੁਕਾ ਕੇ ਰੱਖਿਆ।

ਗੁਲ ਪਨਾਗ ਸਮਾਜ ਸੇਵਾ ਵੀ ਕਰਦੀ ਹੈ। ਗੁਲ ਕਰਨਲ ਸ਼ਮਸ਼ੇਰ ਸਿੰਘ ਫਾਊਂਡੇਸ਼ਨ ਨਾਮ ਦੀ ਇੱਕ ਐਨਜੀਓ ਵੀ ਚਲਾਉਂਦੀ ਹੈ। ਇਹ ਐਨਜੀਓ ਸਮਾਨਤਾ, ਸਿੱਖਿਆ ਅਤੇ ਕੁਦਰਤੀ ਆਫ਼ਤ ਲਈ ਕੰਮ ਕਰਦੀ ਹੈ।

ਐਕਟਿੰਗ ਤੋਂ ਇਲਾਵਾ ਗੁਲ ਪਨਾਗ ਨੇ ਰਾਜਨੀਤੀ ਵਿੱਚ ਵੀ ਹੱਥ ਅਜ਼ਮਾਇਆ। ਗੁਲ ਪਨਾਗ ਨੂੰ “AAP” ਨੇ ਚੰਡੀਗੜ੍ਹ ਸੰਸਦੀ ਸੀਟ ਤੋਂ ਉਮੀਦਵਾਰ ਬਣਾਇਆ ਸੀ। ਪਰ ਉਸ ਨੂੰ ਕਿਰਨ ਖੇਰ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਉਦੋਂ ਤੋਂ ਗੁਲ ਪਨਾਗ ਰਾਜਨੀਤੀ ਤੋਂ ਲਗਪਗ ਦੂਰ ਹੀ ਨਜ਼ਰ ਆਉਂਦੀ ਹੈ।

Birthday Special: ਪਾਇਲਟ ਤੇ ਫਾਰਮੂਲਾ ਕਾਰ ਰੇਸਰ Gul Panag ਨੇ ਆਪਣੇ ਵਿਆਹ ‘ਚ ਮਾਰੀ ਸੀ ਬੁਲੇਟ ‘ਤੇ ਐਂਟਰੀ

Related Posts

OTT ਤੋਂ ਫ਼ਿਲਮ ਸਤਲੁਜ ਹਟਾਏ ਜਾਣ ‘ਤੇ ਬੋਲੇ ਦਿਲਜੀਤ ਦੋਸਾਂਝ, ਕਿਹਾ . . .

ਅੱਜ ਵਿਆਹ ਦੇ ਬੰਧਨ ‘ਚ ਬੱਝਣਗੇ ਆਮਿਰ ਖਾਨ, ਗਰਲਫ੍ਰੈਂਡ ਗੋਰੀ ਸਪ੍ਰੈੱਟ ਨਾਲ ਕਰਵਾਉਣਗੇ ਤੀਜਾ ਵਿਆਹ

ਨਹੀਂ ਰਹੀ ਪ੍ਰਸਿੱਧ ਗਾਇਕਾ ਆਸ਼ਾ ਭੋਂਸਲੇ, 92 ਸਾਲ ਦੀ ਉਮਰ ਵਿੱਚ ਦੁਨੀਆ ਨੂੰ ਕਿਹਾ ਅਲਵਿਦਾ

NCW ਨੇ ਅਸ਼ਲੀਲ ਗਾਣੇ ਨੂੰ ਲੈ ਕੇ ਜਾਰੀ ਕੀਤੇ ਸੰਮਨ, ਅਦਾਕਾਰਾ ਦੀਆਂ ਵਧੀਆਂ ਮੁਸ਼ਕੀਲਾਂ

ਚੈੱਕ ਬਾਊਂਸ ਮਾਮਲੇ ਵਿੱਚ ਰਾਜਪਾਲ ਯਾਦਵ ਨੂੰ ਦਿੱਲੀ ਹਾਈ ਕੋਰਟ ਤੋਂ ਰਾਹਤ; 1 ਅਪ੍ਰੈਲ ਤੱਕ ਵਧਾਈ ਗਈ ਅੰਤਰਿਮ ਜ਼ਮਾਨਤ

ਮਸ਼ਹੂਰ ਅਦਾਕਾਰਾ ਦਾ ਦੇਹਾਂਤ; ਨਾਮੀ ਫਿਲਮਾਂ ‘ਚ ਕਰ ਚੁੱਕੀ ਹੈ ਕੰਮ

Recent News

ਸ਼ਾਨਦਾਰ ਢੰਗ ਨਾਲ ਸਮਾਪਤ ਹੋਈ ਪ੍ਰਧਾਨ ਮੰਤਰੀ ਮੋਦੀ ਦੀ ਇੰਡੋਨੇਸ਼ੀਆ ਫੇਰੀ; ਪੰਜ ਲੜਾਕੂ ਜਹਾਜ਼ਾਂ ਦੁਆਰਾ ਦਿੱਤੀ ਸਲਾਮੀ

ਪੁਣੇ ਵਿੱਚ ਭਾਰੀ ਮੀਂਹ ਕਾਰਨ ਡਿੱਗੀ ਇਮਾਰਤ,16 ਲੋਕਾਂ ਦੇ ਫਸੇ ਹੋਣ ਦਾ ਖਦਸ਼ਾ

ਮੋਦੀ ਸਰਕਾਰ ਨੇ ਲੋਕਾਂ ‘ਤੇ ਈ-20 ਪੈਟਰੋਲ ਥੋਪਣ ਲਈ ਆਟੋ ਕੰਪਨੀਆਂ ਤੋਂ ਝੂਠ ਬੁਲਵਾਇਆ-ਅਰਵਿੰਦ ਕੇਜਰੀਵਾਲ

ਸੁਣਨ ਦੀ ਸਮਰੱਥਾ ਮੁੜ ਬਹਾਲ ਕਰਨ ਤੋਂ ਲੈ ਕੇ ਜ਼ਿੰਦਗੀਆਂ ਬਚਾਉਣ ਤੱਕ: ਸਮੇਂ ਸਿਰ ਈਐਨਟੀ ਇਲਾਜ ਪਹਿਲਾਂ ਨਾਲੋਂ ਵੀ ਵੱਧ ਮਹੱਤਵਪੂਰਨ

Quick Links