ਫਿਲਮ ਪ੍ਰੋਡਿਊਸਰ ਮਨਬੀਰ ਮਨੀ ਦੀ ਗੁਆਂਢੀਆਂ ਨਾਲ ਝਗਡ਼ੇ ਮਗਰੋਂ ਹੱਤਿਆ ਕਰ ਦਿੱਤੀ ਗਈ। ਦੱਸਿਆ ਜਾਂਦਾ ਹੈ ਕਿ ਦੋ ਗੁਆਂਢੀਆਂ ਦੇ ਝਗਡ਼ੇ ਮਗਰੋਂ ਇਲਾਕੇ ’ਚ ਪੁਲਿਸ ਨੂੰ ਬੁਲਾਇਆ ਗਿਆ ਸੀ। ਪੁਲਿਸ ਨੇ ਉੱਥੇ ਪਹੁੰਚ ਕੇ ਦੇਖਿਆ ਕਿ ਮਨੀ ਜ਼ਖ਼ਮੀ ਸਨ ਜਿਨ੍ਹਾਂ ਦੀ ਬਾਅਦ ’ਚ ਮੌਤ ਹੋ ਗਈ। ਪੁਲਿਸ ਨੇ ਇਸ ਮਾਮਲੇ ’ਚ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਸਦੀ ਜਨਤਕ ਪਛਾਣ ਨਹੀਂ ਦੱਸੀ ਗਈ। ਪੁਲਿਸ ਨੇ ਇਸ ਮਾਮਲੇ ’ਚ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਤੇ ਲੋਕਾਂ ਨੂੰ ਇਸ ਸਬੰਧੀ ਹੋਰ ਸੂਚਨਾ ਮੁਹੱਈਆ ਕਰਵਾਉਣ ਲਈ ਕਿਹਾ ਹੈ।
ਇਹ ਵੀ ਪੜ੍ਹੋ : Teachers Day 2022: ਕਿਉਂ ਮਨਾਇਆ ਜਾਂਦਾ ਹੈ ਅਧਿਆਪਕ ਦਿਵਸ? ਜਾਣੋ ਇਸਦਾ ਇਤਿਹਾਸ ਤੇ ਮਹੱਤਵ
ਮਨਬੀਰ ਮਨੀ ਪਿਛਲੇ ਕਾਫ਼ੀ ਸਮੇਂ ਤੋਂ ਗੈਂਗ ਹਿੰਸਾ ’ਤੇ ਕੇਂਦਰਿਤ ਫਿਲਮਾਂ ਤਿਆਰ ਕਰ ਰਹੇ ਸਨ। ਸਰੀ ਕ੍ਰਾਈਮ ਪ੍ਰਿਵੈਂਸਨ ਸੁਸਾਇਟੀ ਦੇ ਕੇਰਨ ਰੀਡ ਸਿੱਧੂ ਨੇ ਦੱਸਿਆ ਕਿ ਮਨੀ ਉਨ੍ਹਾਂ ਦੀ ਸੰਸਥਾ ਨਾਲ ਜੁਡ਼ੇ ਹੋਏ ਸਨ ਤੇ ਉਨ੍ਹਾਂ ਨੂੰ ਗੈਂਗ ਲਾਈਫ ਬਾਰੇ ਨੌਜਵਾਨਾਂ ਦੇ ਦਿਮਾਗ ’ਚ ਆ ਰਹੇ ਵਿਚਾਰਾਂ ਬਾਰੇ ਮਹੱਤਵਪੂਰਨ ਜਾਣਕਾਰੀ ਦਿੱਤੀ ਸੀ। ਉਨ੍ਹਾਂ ਨੂੰ ਗੈਂਗ ਹਿੰਸਾ ਤੇ ਇਨ੍ਹਾਂ ’ਚ ਨੌਜਵਾਨਾਂ ਦੀ ਸ਼ਮੂਲੀਅਤ ਬਾਰੇ ਬਹੁਤ ਜਾਣਕਾਰੀ ਸੀ। ਸਿੱਧੂ ਨੇ ਦੱਸਿਆ ਕਿ ਮਨੀ ਦੱਖਣੀ ਏਸ਼ੀਆ ’ਚ ਗੈਂਗ ਹਿੰਸਾ ’ਚ ਵਧਦੇ ਨੌਜਵਾਨਾਂ ਦੇ ਰੁਝਾਨ ਤੋਂ ਕਾਫ਼ੀ ਚਿੰਤਤ ਸਨ।
ਇਹ ਵੀ ਪੜ੍ਹੋ : Oil for Heart : ਦਿਲ ਨੂੰ ਲੰਬੇ ਸਮੇਂ ਤਕ ਰੱਖਣਾ ਹੈ ਸਿਹਤਮੰਦ ਤਾਂ ਇਨ੍ਹਾਂ ਤੇਲ ‘ਚ ਪਕਾਓ ਖਾਣਾ
