ਗੂਗਲ ਪੇਅ ਚਲਾਉਣ ਵਾਲੇ ਦੁਕਾਨਦਾਰ ਹੋ ਜਾਣ ਸਾਵਧਾਨ।ਦਰਅਸਲ, ਬਰਤਨਾਂ ਦੀ ਦੁਕਾਨ ਚਲਾਉਣ ਵਾਲੇ ਇੱਕ ਦੁਕਾਨ ਨਾਲ ਠੱਗੀ ਵੱਜਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਦੱਸਿਆ ਕਿ ਪੀੜਤ ਦੁਕਾਨਦਾਰ ਦਾ ਕਹਿਣਾ ਹੈ ਕਿ ਉਹ ਗੁਰਦੁਆਰਾ ਪਤਾਲਪੁਰੀ ਸਾਹਿਬ ਨੂੰ ਜਾਂਦੀ ਲਿੰਕ ਸੜਕ ‘ਤੇ ਭਾਂਡਿਆਂ ਦੀ ਦੁਕਾਨ ਚਲਾਉਣ ਦਾ ਕੰਮ ਕਰਦਾ ਹੈ।ਉਸ ਦੀ ਦੁਕਾਨਦਾਰ ‘ਤੇ ਆਏ ਇੱਕ ਜੋੜੇ ਨੇ ਉਸਨਾਲ 3700 ਰੁ. ਦੀ ਠੱਗੀ ਮਾਰੀ ਹੈ।ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਸਮੇਂ ਦੱਸਿਆ ਕਿ ਅਜਮੇਰ ਸਿੰਘ ਪੁੱਤਰ ਸ਼ੀਤਲ ਸਿੰਘ ਵਾਸੀ ਪਿੰਡ ਭਾਗਵਾਲਾ, ਵਾਰਡ ਨੰ. 11 ਨਗਰ ਪੰਚਾਇਤ ਸ੍ਰੀ ਕੀਰਤਪੁਰ ਸਾਹਿਬ ਜੋ ਕਿ ਭਾਂਡਿਆਂ ਦੀ ਦੁਕਾਨ ਚਲਾਉਂਦਾ ਹੈ, ਨੇ ਦੱਸਿਆ ਕਿ ਉਹ ਸ਼ਹਿਰ ਨੂੰ ਜਾਂਦੀ ਲਿੰਕ ਸੜਕ ‘ਤੇ ਭਾਂਡਿਆਂ ਦੀ ਦੁਕਾਨ ਚਲਾਉਂਦਾ ਹੈ।
6 ਦਸੰਬਰ ਨੂੰ ਬਾਅਦ ਦੁਪਹਿਰ ਕਰੀਬ 3:30 ਵਜੇ ਇਕ ਚਿੱਟੇ ਰੰਗ ਦੀ ਕਾਰ ਉਸਦੀ ਦੁਕਾਨ ਅੱਗੇ ਆ ਕੇ ਰੁਕੀ।ਉਸ ‘ਚੋਂ ਇੱਕ ਸਰਦਾਰ, ਇਕ ਔਰਤ ਤੇ ਇਕ ਬੱਚਾ ਹੇਠਾਂ ਉਤਰੇ।ਉਸਨੇ ਮੇਰੀ ਦੁਕਾਨ ਤੋਂ ਵੱਖ ਵੱਖ ਤਰ੍ਹਾਂ ਦੇ ਭਾਂਡੇ ਖ੍ਰੀਦੇ।ਭਾਂਡਿਆਂ ਦੀ ਕੁੱਲ ਕੀਮਤ 3700 ਰੁ. ਸੀ।ਉਨ੍ਹਾਂ ਨੇ ਮੈਨੂੰ ਕਿਹਾ ਕਿ ਸਾਡੇ ਕੋਲ ਨਕਦੀ ਨਹੀਂ ਹੈ, ਅਸੀਂ ਤੁਹਾਨੂੰ ਗੂਗਲ ਪੇਅ ਰਾਹੀਂ ਭੁਗਤਾਨ ਕਰਾਂਗੇ।ਇਸ ਤੋਂ ਬਾਅਦ, ਉਸਨੇ ਕਿਊਆਰ ਕੋਡ ਨੂੰ ਸਕੈਨ ਕੀਤਾ ਅਤੇ ਗੂਗਲ ਪੇਅ ਦਾ ੳਕੇ ਸਾਈਨ ਦਿਖਾਇਆ, ਭਾਂਡੇ ਲੈ ਕੇ ਆਪਣੀ ਕਾਰ ‘ਚ ਬੈਠ ਗਿਆ ਅਤੇ ਉੱਥੋਂ ਚਲੇ ਗਏ।
ਜਦੋਂ ਉਸਨੇ ਕੰਮ ਤੋਂ ਵਿਹਲੇ ਹੋ ਕੇ ਆਪਣੇ ਖਾਤੇ ‘ਚ ਪੈਸੇ ਚੈੱਕ ਕੀਤੇ ਤਾਂ 3700 ਰੁ. ਨਹੀਂ ਮਿਲੇ।ਉਕਤ ਜੋੜੇ ਨੇ ਉਸਨੂੰ ਜਾਅਲੀ ਟਿੱਕ ਦਾ ਨਿਸ਼ਾਨ ਦਿਖਾਇਆ।ਉਸਨੇ ਗੱਡੀ ਦਾ ਨੰਬਰ ਦੇ ਕੇ ਇਸ ਸਬੰਧੀ ਥਾਣਾ ਸ੍ਰੀ ਕੀਰਤਪੁਰ ਸਾਹਿਬ ਵਿਖੇ ਲਿਖਤੀ ਸ਼ਿਕਾਇਤ ਵੀ ਦਰਜ ਕਰਵਾਈ ਹੈ।ਪੁਲਿਸ ਨੇ ਜਦੋਂ ਉਕਤ ਗੱਡੀ ਦਾ ਨੰਬਰ ਚੈੱਕ ਕੀਤਾ ਤਾਂ ਇਹ ਨੰਬਰ ਦਸੂਹਾ ਹੁਸ਼ਿਆਰਪੁਰ ਦਾ ਨਿਕਲਿਆ,ਜੋ ਗੱਡੀ ਦਾ ਜਾਅਲੀ ਨੰਬਰ ਸੀ।
ਅਜਮੇਰ ਸਿੰਘ ਨੇ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਉਕਤ ਜੋੜੇ ਦਾ ਪਤਾ ਲਗਾ ਕੇ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ।ਇਸ ਸਬੰਧੀ ਜਦੋਂ ਥਾਣਾ ਸ੍ਰੀ ਕੀਰਤਪੁਰ ਸਾਹਿਬ ਦੇ ਐਸਐਚਓ ਇਸ ਸਬੰਧੀ ਜਦੋਂ ਇੰਸਪੈਕਟਰ ਜਤਿਨ ਕਪੂਰ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਅਜਮੇਰ ਸਿੰਘ ਪੁਲਿਸ ਕੋਲ ਗੱਡੀ ਦਾ ਨੰਬਰ ਲੈ ਕੇ ਆਇਆ ਸੀ, ਜੋ ਜਾਂਚ ਕਰਨ ‘ਤੇ ਜਾਅਲੀ ਨੰਬਰ ਨਿਕਲਿਆ।ਪੁਲਿਸ ਨੇ ਆਸਪਾਸ ਸੀਸੀਟੀਵੀ ਕੈਮਰਿਆਂ ਦੀ ਵੀ ਚੈਕਿੰਗ ਕੀਤੀ ਜਾ ਰਹੀ ਹੈ।ਉਨ੍ਹਾਂ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਕਿ ਜਦੋਂ ਕੋਈ ਉਨ੍ਹਾਂ ਨੂੰ ਗੂਗਲ ਪੇਅ ਰਾਹੀਂ ਭੁਗਤਾਨ ਕਰਦਾ ਹੈ ਤਾਂ ਉਹ ਤੁਰੰਤ ਆਪਣਾ ਖਾਤਾ ਚੈੱਕ ਕਰਨ ਕੇ ਉਨ੍ਹਾਂ ਦੇ ਪੈਸੇ ਖਾਤੇ ‘ਚ ਆਏ ਕੇ ਨਹੀਂ।
