Coffee For Hair Care: ਸਿਰ ਤੋਂ ਖੁਜਲੀ, ਖੁਸ਼ਕੀ ਅਤੇ ਚਮੜੀ ਦੇ ਡੈੱਡ ਸੈੱਲਾਂ ਨੂੰ ਹਟਾਉਣ ਦੇ ਨਾਲ-ਨਾਲ ਕੌਫ਼ੀ ਲਗਾਉਣ ਨਾਲ ਵਾਲਾਂ ਦੇ ਵਾਧੇ ਵਿੱਚ ਵੀ ਮਦਦ ਕਰਦੀ ਹੈ। ਇਸ ਕਾਰਨ ਹੇਅਰ ਪ੍ਰੋਡਕਟਸ ਵਿੱਚ ਕੌਫ਼ੀ ਦੀ ਵਰਤੋਂ ਸ਼ੁਰੂ ਹੋ ਗਈ ਹੈ।
ਕੌਫ਼ੀ ਵਿੱਚ ਬਹੁਤ ਸਾਰੇ ਪੌਸ਼ਟਿਕ ਤੱਤ ਅਤੇ ਵਿਟਾਮਿਨ ਪਾਏ ਜਾਂਦੇ ਹਨ ਜੋ ਵਾਲਾਂ ਨੂੰ ਝੜਨ ਤੋਂ ਰੋਕਦੇ ਹਨ, ਵਾਲਾਂ ਦੇ ਵਿਕਾਸ ਨੂੰ ਵਧਾਉਂਦੇ ਹਨ, ਵਾਲਾਂ ਨੂੰ ਸੰਘਣਾ ਬਣਾਉਂਦੇ ਹਨ ਤੇ ਵਾਲਾਂ ਨੂੰ ਸਾਫ਼ ਕਰਨ ਵਿੱਚ ਵੀ ਪ੍ਰਭਾਵਸ਼ਾਲੀ ਹੁੰਦੇ ਹਨ। ਇੱਥੇ ਜਾਣੋ ਕਿਨ੍ਹਾਂ ਤਰੀਕਿਆਂ ਨਾਲ ਕੌਫ਼ੀ ਨੂੰ ਵਾਲਾਂ ‘ਤੇ ਲਗਾਇਆ ਜਾ ਸਕਦਾ ਹੈ।
ਵਾਲਾਂ ਲਈ ਕੌਫ਼ੀ
ਕੌਫ਼ੀ ਕਲੀਜ਼ਰ:- ਵਾਲਾਂ ਲਈ ਕੌਫ਼ੀ ਕਲੀਜ਼ਰ ਬਣਾਉਣ ਲਈ 4 ਤੋਂ 5 ਚਮਚ ਕੌਫੀ ਪਾਊਡਰ ਲੈ ਕੇ ਸਪ੍ਰੇ ਬੋਤਲ ‘ਚ ਭਰ ਲਓ। ਇਸ ‘ਚ ਪਾਣੀ ਮਿਲਾ ਕੇ ਚੰਗੀ ਤਰ੍ਹਾਂ ਹਿਲਾ ਕੇ ਵਾਲਾਂ ‘ਤੇ ਛਿੜਕੋ। ਇਸ ਨੂੰ 15 ਤੋਂ 20 ਮਿੰਟ ਤੱਕ ਵਾਲਾਂ ‘ਤੇ ਰੱਖਣ ਤੋਂ ਬਾਅਦ ਸਿਰ ਨੂੰ ਧੋ ਲਓ। ਇਸ ਤੋਂ ਇਲਾਵਾ ਮਗ ‘ਚ ਕੌਫ਼ੀ ਦਾ ਪਾਣੀ ਭਰ ਕੇ ਸਿਰ ਨੂੰ ਧੋਤਾ ਜਾ ਸਕਦਾ ਹੈ।
ਕੌਫ਼ੀ ਤੇ ਅੰਡੇ ਦਾ ਮਾਸਕ:- ਸਪਲਿਟ ਐਂਡਸ ਤੋਂ ਛੁਟਕਾਰਾ ਪਾਉਣ ਅਤੇ ਖ਼ਰਾਬ ਹੋਏ ਵਾਲਾਂ ਨੂੰ ਮੁੜ ਸੁਰਜੀਤ ਕਰਨ ਲਈ ਇਸ ਹੇਅਰ ਮਾਸਕ ਨੂੰ ਲਗਾਓ। ਇਸ ਨੂੰ ਬਣਾਉਣ ਲਈ ਇੱਕ ਆਂਡਾ ਲਓ ਤੇ ਉਸ ‘ਚ 2 ਚਮਚ ਕੌਫ਼ੀ ਮਿਲਾਓ। ਚੰਗੀ ਤਰ੍ਹਾਂ ਮਿਕਸ ਕਰਨ ਤੋਂ ਬਾਅਦ ਇਸ ਹੇਅਰ ਮਾਸਕ ਨੂੰ ਵਾਲਾਂ ‘ਤੇ 15 ਤੋਂ 20 ਮਿੰਟ ਤੱਕ ਰੱਖਣ ਤੋਂ ਬਾਅਦ ਧੋ ਲਓ। ਇਸ ਨਾਲ ਵਾਲ ਸੰਘਣੇ ਅਤੇ ਨਰਮ ਹੋ ਜਾਣਗੇ।
ਕੌਫ਼ੀ ਤੇ ਨਾਰੀਅਲ ਦੇ ਤੇਲ ਦਾ ਮਾਸਕ:- ਇਸ ਹੇਅਰ ਮਾਸਕ ਨੂੰ ਲਗਾਉਣ ਨਾਲ ਸੁੱਕੇ ਵਾਲ ਨਰਮ ਹੋ ਜਾਂਦੇ ਹਨ। ਇਸ ਨੂੰ ਲਗਾਉਣ ਲਈ ਅੱਧਾ ਕੱਪ ਨਾਰੀਅਲ ਤੇਲ ਲਓ ਅਤੇ ਉਸ ‘ਚ ਇਕ ਚਮਚ ਕੌਫੀ ਪਾਊਡਰ ਮਿਲਾਓ। ਦੋਵਾਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਲਾ ਲੈਣ ਤੋਂ ਬਾਅਦ ਇਸ ਨੂੰ ਅੱਗ ‘ਤੇ ਕੁਝ ਦੇਰ ਲਈ ਗਰਮ ਕਰੋ। ਥੋੜ੍ਹਾ ਗਰਮ ਹੋਣ ਤੋਂ ਬਾਅਦ ਇਸ ਨੂੰ ਸਿਰ ‘ਤੇ ਮਸਾਜ ਕਰੋ ਅਤੇ 15 ਮਿੰਟ ਲਈ ਰੱਖੋ। ਇਸ ਤੋਂ ਬਾਅਦ ਵਾਲਾਂ ਨੂੰ ਧੋ ਕੇ ਕੰਡੀਸ਼ਨਰ ਲਗਾਓ।
ਕੌਫ਼ੀ ਸ਼ੂਗਰ ਸਕ੍ਰੱਬ:- ਕੌਫ਼ੀ ਸਕ੍ਰੱਬ (Coffee Scrub) ਦੀ ਵਰਤੋਂ ਸਿਰ ‘ਤੇ ਡੈੱਡ ਸਕੀਨ, ਬਿਲਡ ਅੱਪ ਤੇ ਡੈਂਡਰਫ ਫਲੈਕਸ ਨੂੰ ਹਟਾਉਣ ਲਈ ਕੀਤੀ ਜਾਂਦੀ ਹੈ। ਸਕੈਲਪ ਨੂੰ ਨਿਖਾਰਨ ਲਈ 2 ਚਮਚ ਕੌਫ਼ੀ ਦੇ ਨਾਲ 2 ਚਮਚ ਸ਼ਹਿਦ ਅਤੇ ਕੌਫ਼ੀ ਨਾਰੀਅਲ ਤੇਲ ਮਿਲਾ ਕੇ ਪੇਸਟ ਬਣਾ ਲਓ। ਇਸ ਨੂੰ ਸਿਰ ‘ਤੇ ਲਗਾਓ, ਹਲਕੇ ਹੱਥਾਂ ਨਾਲ ਰਗੜੋ ਅਤੇ ਨਾਲ ਹੀ ਧੋ ਲਓ।
Disclaimer: ਇਹ ਸਮੱਗਰੀ ਸਿਰਫ਼ ਸਲਾਹ ਸਮੇਤ ਆਮ ਜਾਣਕਾਰੀ ਪ੍ਰਦਾਨ ਕਰਦੀ ਹੈ। ਇਹ ਕਿਸੇ ਵੀ ਤਰ੍ਹਾਂ ਯੋਗ ਡਾਕਟਰੀ ਰਾਏ ਦਾ ਬਦਲ ਨਹੀਂ ਹੈ। ਵਧੇਰੇ ਵੇਰਵਿਆਂ ਲਈ ਹਮੇਸ਼ਾਂ ਕਿਸੇ ਮਾਹਰ ਜਾਂ ਆਪਣੇ ਡਾਕਟਰ ਨਾਲ ਸਲਾਹ ਕਰੋ। Pro Punjab TV ਇਸ ਜਾਣਕਾਰੀ ਦੀ ਜ਼ਿੰਮੇਵਾਰੀ ਨਹੀਂ ਲੈਂਦਾ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
